بشوفتك همي انجلا

يا هلا بطلتك يا هلا
يا من بالقلب ساكن

يا هلا بلقياك يا هلا
بعد الغياب الداكن

يا هلا ومليون مسهلا
يا عود ريحان فاتن

جمالك يزداد بالحلا
والأماكن الله رعاهن

قوامك تقاسيم المها
وعودك تقاسيمه احتواهن

بشوفتك همي انجلا
والعيون تاخذ مداهن

بلا بضمك ٠٠ بلا
وعلى صدرك براهن

أنت فوق ٠٠ الغلا
وقلبي تواصيفك شراهن

لا عدم ٠٠ ولا خلا
والجوارح ربي شفاهن

يموت الحاسد بالفلا
والمفاتن ربي حماهن

بقلم : خليفة البلوشي

زر الذهاب إلى الأعلى