شمس المحبه متى تشرق تبين
الليل موحش وأحلامه كوابيس
هذا أنا ومن يوم هجرانك سنين
قلبي وحظي والأماني مناحيس
شاخ العمر أبكي ع إطلالي حزين
من حولي العشاق بالسعاده مراميس
الحب اهاته أبد ٠٠٠ ماله معين
تمرني طيوفك وأنا مثل المخاريس
قلبك القاسي متى يلين ويستلين
معقوله من قلبك ماتت الأحاسيس
تعالي خلينا نتشابك صبوع اليدين
وأسهر أنا وياك ليلة معاريس
تعبت من أشواقي وكثر الحنين
تعبت من أحلامي وكثر الهواجيس
تعالي أبغي تجاعيد وجهي تشوفين
وتشوفي مدامعي كيف فوق الملابيس
شمس المحبه متى تشرق تبين
الليل موحش ٠٠٠ وأحلامه كوابيس
جاسم الركاض أبو خالد
