تويت
وقف نبض الصبح فجأه بعد ما ضاقت الأنفاس@ وصار الحزن يطلبني انكـس كـل اعلامـي
يقولون الحزن كافر وانا اقول الحزن جسـاس@ طعن موق الدمع ثم سال حتى غرق اكمامـي
مدام ان الحزن نابع من شعوري بدون قيـاس @ابد مايشبهه غير البحر فـي موجـه الطامـي
ابغرف من بحر هذا الحزن واشرب إلي كم كاس @صحيح ان البحر مالح ولكن تعبـت انسامـي
بموت إللي حزن موته سكن في داخل الاحساس@ تضيق بعيني الدنيـا وتقتـل كـل احلامـي
عجز حتى القلم يكتب شعوره داخل القرطاس @عرفت انه بعد موته طبيعـي تمـوت اقلامـي
أشوفه كلما يصدر إلى صدر السمـا جرنـاس @كريم ومدته تسبـق يمينـه والخلـق سامـي
أشوفه وين ما قبلت عيني مـن أعـز النـاس@ قسم بالله يابو سلمـان طيفـك دوم قدامـي
عرفت الطيب له ناسه وعرفتك للرجوله ساس @ابد ما خاب بك ظن الفقيـر ولهفـة الضامـي
غيابك ليل يا يوسف بعد ما كنت بـه نبـراس @وبعدك ما دلج به غير شعري والجـرح دامـي
ينامو الناس لكني سهيـر بصحبـة الهوجـاس @تمر ايامهم بعدك و يومي عـن مضـي عامـي
ذوى في غيبتك عود الفرح ثم انكسر به فـاس@ وصار البرد يزحف لي كسير ويسكن خيامـي
عسى الجنه يابو سلمان مسكن حالك ونوماس @وعساه الحزن يرحل من حياتي ويسعد أيامـي
الله يرحمك ويغمد روحك الجنة يا يوسف كنت صديق وحبيب وأخ رحلت عن الدنيا وتركت فينا جروح وألام ..