ع البحر غنينا
و انا اسمع صوتك يا بحر تنشق هدوم الشوق كلها .. أنسى غربتي .. انسى ألاوجاع ..أنسى الاحزان كلها.. ما في دموع على خدودي .. ما في حسره على البعد ..
يا الغلا يا الشوق يا كل الاهل .. يا الحزن الي مغطي جفوني صوت البحر جنني.. جالت ذكرياتي في عيوني ..ترفض الجرح .. ترفض الآهات .. انام و صوتك في اذني لازال يتردد ..صوتك الغاوي حلاته ما اقدر اوصف اشلون في قلبي تمدد..كل ما اسمع صوتك اتذكر صوت الاهل .. صوتك جنني .. نبه الريحان الي بايدي بدا يذبل .. سبحانك ؟
نركض على رملك ..نجمع المحار .. ما اجمل الوانه .. نفرح .. و نخليها ف جيوبنا و نسعد .. و نبتسم لصوتك .. و صوتك يبتسم لنا .. كل الامل تجدد و تجدد كل الامل فينا .. زال التعب كله و ما بقت الا فرحتك فينا ..
يا بحر .. كيف نسيمك الي لاعب شعرنا .. كيف الهوا البارد الي يبس مشاعرنا . كل الحلا فينا .. لا كل الحلا فيك يوم رشيت امواج الحلا فينا ..بعدها تياراتك تعاتبني على البعد الجاسي ... تعاتبني و تنزع احساسي .. تقولي ليش البعد .. ما تعرف اني دون صوتك يا بحر ما تغمض عيوني ..أنسى همومي .. انسى الزفرات .. انسى زلات الطفولة كلها .. كله و السبب صوتك لانه يجدد شعوري .. يجدد حياتي ..
كافي ان القمر يشوفك كل ليله .. كافي ان الشمس تبخر ادموعك كلها .. كافي ان الريح لا هبت .. تهب من صوبك يا غالي .. كافي ان السحب لاجت .. نستبشر بها من صوبك ..
كل هذا و كيف صوتك ما يجنني ؟؟؟؟
بقلم "سما سويج"