امسيتم بطاعة وحفظ الرحمن..

شد عضلي فالعقل...
ظاهرة بدات الانتشار ومعظم الشباب اتخذها للولوج الى مبتغاهم...
يمكن العنوان خطا او ما فمحله..
الموضوع واللي فيه ...الشباب المتعنترين وخاصة على خواتهم...ما يسون شيء ولكنه بسبب هالشد العضلي اللي فيهم مخهم يتخربط...يصيروا مثل الوحوش..ما اريد ابرر انه البنت تسوي اللي تريده ..بالعكس لا لنا عاداتنا وتقاليدنا تحكمنا واعراف ومجتمع وناس وكل شي ..الامور متعارف عليها..

يجي الاخ بين يوم وليله ينازع اخته ويتم يسألها اسئلة مثلا كيف يغلقوا حساب الفيس..اذا جاوبت بالطريقة فبيكتشف من ذكائه الخارق والواعي انه عندها حساب فالفيس..ما يعرف انه هذا شيء عادي حاله حال اي شي تريد تقفل حسابك نفس الايميل يعني ما يحتاج فطنه...

المهم تبدأ حركات الاخ السخيفة في التحري والاكتشاف والاخت المسكينه لا حول لها ولا قوة ما مسوية شيء ولا تريد تسوي..يحاول يدورلها المسكة عشان يضربها او اي شيء عنيف ممكن انه يتعامل معها...
النادر منهم من يجي وينصح اخته بالاسلوب الحسن وخاصة انه يعرف تربية اخته وما راح تسوي شيء يغضب ربها ويغضب اهلها...
...
يمكن يعني يمكن انه من كثر ما كلم بنات او انه يسمع السوالف من الشباب يتأثر لكن قبل كل شي ...يخلي شيء واحد قبل ..يوثق في نفسه وبعدين يزرع الثقة في خواته..وبيشوف ثمار الثقة وين توصل...

الوازع الديني للشباب امر مطلوب وخوفهم على خواتهم مطلوب بعد...لكن بحرص وليس بتضييق...

فاكرر واضل اكرر...المقولة السخيفة المتعارف عليها عالميا ودوليا
الرجال شايل عيبه

شايل عيبه صح قدام الناس ومحد بيقوله شي بس قدام ربه ما شايلنه...وبيحاسب عليه
اخي حاسب نفسك تجاه ربك واترك الناس وبتكون الامور طيبه ...


دمتم بود