إهداء خاص لكل من وضع بصمته
في ملتقى الدراسات السكانيه الأول،،،،
بجامعة السلطان قابوس
كلية الآداب والعلوم الإجتماعية
قسمـ الجغرافيا....

15 / 5 / 2010 مـ

***************************

أقول فيهـــا:

البارحة صفيت فرحي قصيده
وخليت تيجــان الفـرح تيجاني

ما كان عندي شـي إلا الجريده
وإلا أنا عايش على الله وحداني

وأبدعت في رص الحروف الجديده
في يوم كأنه ما حصــل له ثــانـي

تدرون شو قصـدي قبل لا أعيده
وإلا أكرر وأختم جلستي بأحزاني

أدري مع التكـــرار حكمــة مفيده
ومع كل دمعة قلب لابد من جاني

تكـفـــون طالـبكم قلـم لـو حديده
عندي كلام كثير راجح به ميزاني

وما عاد تكفيني حروف القصيده
ولا عــاد يوفيها صــدى الازماني

النــاس قالــوا عولمة بس فريده
وأنا أعاند كــل حكي لـو لفانــي

رددنا "حلم الملتقى" وكلنا نريده
واليوم يرسم لوحته مبدع وفناني

في بيت واحد نجتمع لو نستعيده
وبنعلم الحساد كيف روح التفاني

سجلها يا تاريخ !!! عيشتنا الرغيده
وبنظل نسعـــى فوجه ذاك الأناني

ومن قال أحنا ما كفو نقطع وريده
وبنعلمه التحليل واسباب النمو فـ المكاني

وبندرسه هجره وخصوبه وكل شي (ن) يريده
معنا كـــوادر فالتخصص ما مثلهــم ثاني

دكتــور طيبه بالحكي ما راح أصيــده
أسمه "جمال" وفاق وصفه الجماني

تسلــم يمينه يــوم خصص رصيـده
وسهرت معـــاه عيون فوق المباني

خطيت هالبيتين... وبسكت وبزيده
وإلا الحقيقــة الكـل قــدّر زمانـــي

وتشاركه "العبري" وقت أزمه شديده
من يوم خطت بالقلم لو كنت أعاني

ومني لها دعوه بمولود (ن) وعيشه سعيده
ويحفظك ربي "فاطمه" فـ بر الأماني

وزاد التخصص شهم وعلومه مفيده
وما ظنتـي "موسى" بيخفيـه عنواني

منكــم عرفته وجيـت اسجل بريده
هذا "أبو سمحـه" ما بيكفيه ديـواني

تعالوا نسجل التاريخ بـ مايو وعيده
فــ خمسه ومعه واحد ملتقى السكاني

هــذي حروفي يا الربع في قصيده
طرزتهـــا بأسلـــوب ساكـن كيانــي

واللــي يبي الواقــع ترى نقدر نفيده
خطيتها بتوقيع "مــايــد" مع أخواني

ويفتح لنا المعبود أبواب (ن) سديده
ويـحـفـظ لـقانا الـرب للملتقى الثاني


قولوا أميـــــــــــــــــن