عدت إليكم لأسرد لكم احداث هذا اليوم .. وهذا الحدث العظيم .. حدث دخولنا عبر بوابة ذاك المكان الواسع والشاسع للمرة الثانية في هذا الشهر والمرة الاولى بعد استكمال اجراءات التسجيل مباشرة ... > فديتني بريئة <
كأول يوم لطلبة الجامعة .. حضرة الاعضاء في منتدى القبول رواد قسم الجامعة متحمسين لهذا اليوم .. اما انا فكنت في حماس لامر اخر وليس للجامعة فقد كان لدي موعد للحناء ...
" الساعه 1 تزهبي .. وخبري ربيعاتش " هذا ماقيل لي طبعا ..> اكيد ماحالكم < > خلاص بالعامية بكلمكم .. بعدين بسويه بالفصحى يوم بفضى <

المهم .. الاخت جالسة ع النت لين ساعه 12 عاد قررت تتحرك .. نزلت سلت " الغدا زاهب" قالولي هيه > مزهبينه سبيشل للجامعيين >> لا يفوتكم بس <<
قبل لا انزل صرخت صرخة زلزلت المكان > plz put coal and bring it < >> عطييييييه حقه عنجليزي بوب <
ورحت ادورلي لي عباية .. المفاجأة : مالقيت ولا عباية شبيت نار ولا البركان هع هع .. وكبيت الجمر على اللي يكوي الثياب .. وحليله بريء يقلي >> هدا بس فيه ... والله انتي اباية مافي .. انا ماشوف هدا بس .. كبر "مابي " << .. رحت للمدعوة "mapi" وسلتها .. تقلي " ان يور كابينت " اقلها " ناثينج ان ماي كبينيت بلاك " تقول " ار يو شور " بالله عليش تو لو ماشور حامو اتكلم هاا .. كان نفسي اصفعها بس مفروض علي احترم الاكبر مني ..
سكتت عنها ورجعت لهين ماجيت وبديت اصورخ خخخ
وجت الحرمة وفتشت الكباتات .. وطلعت العباية في كبات اختي ..
جابولي المبخرة وبخرت العباية ولباسي >> مارايحة الجامعة عرس << عارفة انه ذا تعليقكم لووول سبقتكم ..
عادي بي كووول ترا بس مال اول اسبوع .. ولا بعدين من فاضي ..
وانا اتزهب زهبت شنطتي اللي حطيت فيها كافة المستلزمات والكماليات وراسلت البنات توني بجيكم .. ووصل الاخ الكريم ..
طبعا اكيد الكل وقتها يفكر بالجامعة .. اللي علشانها كل شي نيو ..
صح ماخبرتكم الصبح بنفس اليوم جابولي نظارة جديدة .. لا تفوتكم بس .. صورتها لكم
http://www.eoman.org/up/16539/1219801697.jpg

ومرينا للشعب .. وطول الطريق سوالف .. وسوالف .. وسوالف ..
لين ماوصلنا الجامعة .. " ... وعقول تبدع " عيني عمت وماشافت الا " عقول تبدع " فديتنا .. وبديت اتشاحط خخخ
قالي اخوي > يشتغل بمجال النفط ومشتقاته < : حنا اللي نبني عمان .. وانا قلت: يسدنا عقول تبدع ..
قال : يعني اش تسسوون؟ .. قلت : دامنا عقول تبدع .. اذن نحن من نضع الخطط الخمسية >> غابت عمان كان حنو بو نحطها << عارفة ذاك هو تعليقكم لكنني سبقتكم لوووول
ودرنا المكان .. ودورت اخوي خخخ اونه اعرف هين المكان ، خليته يدور تخيلوا باحثين عن ماذا ؟ عن قاعة المؤتمرات التي ستقام فيها مؤتمر الدول العالمية لحل قضية الشرق الاوسط ..
ودخلنا للقاعة المزعومة .. وقالولنا : تأخرتوا > من اولها حتى الساعه ما وصلت لـ 2:30
المهم ودخلنا وجلسنا مقابل الشاشة الكبيرة واستعدينا للتعليقات > طبيعي حريم المستقبل لاه <
وبدأوا الجماعة .. طبعا عرفوا بأول شخصيتين .. وحدة محروقية والثانية البوسعيدية >> ربيعتي ع طول شافتني وقالت عايلتكم
وكملوا الجماعة ... ووصل دور المستر انجلش ..
قام وتكلم .. ما نطق بحرفين الا وقال انجلش عاد الشين تسمعوه عدل هههههه انجلش..
وتتابعوا الجماعة ووصل دور البوسعيدية وهي تعرف ع الدكاترة والمنسقين مادري الشو ..
كل مايقولوا كلية وحدة منا فيها عيوننا تطلع اجل نشوف المنسق خخخ > ع فكرة كنا 3 وحدة من الاداب والثانية من التجارة والثالثة من علوم زراعية وبحرية ..
وخلصوا وجت الاخت اللواتية وخلصت .. وجا الاخ ... الله اعلم شسمه والله لا يراويكم ..
تلوعت من الخاطر ..> ليييش يا حظي؟<<
لانه صوته مو لايقله .. اللهم لا شماتة .. ولكن الصوت كانه صوت بنت .. وطريقة كلامه بعد ..
اه كان نفسي لو يخترب المايك او اي شي
اي شي
اي شي بس لا اسمعه ..
كنت ادعو عن ظهر قلب ومن الخاطر وبنية صادقة انه يخلص بسرعه او ان المايك يخترب ..
ولكن ماكل مايتمناه المرء يدركه ..

ماصدقت انه الاخ خلص .. الا ونسمع انه بعد في اسئلة من الشعب الكريم .. وياليت يسألوا عن شي .. كل الكلام انقال بس يسألوا علشان يسمعونا اصواتهم .. ترا والله ماكنا نختار مشاركي ستار اكاديمي او سوبر ستار .. لكن من هين يفهموا؟!!

وخلصنا .. وطلعنا .. والاخت كل الي ببالها اتحنى >> فديتني

وتحنيت وهاكم الصور ..
صورتين بس تسدكم لووول
http://www.eoman.org/up/16539/1219802357.jpg
http://www.eoman.org/up/16539/1219802449.jpg
>> مابعطيكم رقم اللي حنتني طبعا لان العائلة الكريمة ادامها الله ورعاها حاجزة عندها للعيد ..
والعائلة لا اقصد بها الاسرة التي في المنزل ترا حليلنا 3 بنات انا واختي وامي .. ولكن اقصد العائلة بكبرها التي يبلغ عدد الحريم فيها *** فرد >> تم حذف الرقم منعا للحسد ..

وحياكم
نلتقي
تحياتي / هبولة الدلوعة