/
فكرة النص ،، جت فـ لحظة غضب لأن الشبكة الضعيفة
والمسنجر كل شوي يقطّع ..
فـ عصبتتتتتت و كتبت نيك نيمي بـ الخط العريض
أكرهـــــــك

و ما بقى حد ما سألني تكرهي من
يعني واجد الكلمة مهمة ..
و جتني هـ الفكرة ^.^
ما أطوّل .. أترككم مع النص اللي انكتب فـ صيف 2008 =)

/


انت عابر في حياتي .. جيت مرة و بس [ طااااف ]
............................ يعني راحت ذكرياتك بس عمري ما وقف
كان قدرك زووود عالي .. لين حد الارتجاف
............................كنت لا شفتك ؟ ثواني و فز قلبي و ارتجف
قلت يا قلبي تمّهل قال يقتلني الجفاف
............................قلتله ليه العجالة؟ مابي ترجعلي بـ أسف
قال لكنّي أحبه بْلا تعقّد و احتراف
............................قلت له مابي أعقّدها.. ولا قلت إحترف
بس خوفي تندفع مْن الالف و تصير كاف
............................وانت تتسرع بحبك تبغي ترجع للألف
مثل ما تطمع و تبعد عن بحار وعن ضفاف
............................بعدها تتمنى ترجع منها قطــرة ترتشف
والمحبة ما يأثر فيها وقت الاعتـــراف
............................دامها انوجدت تطمن لَـ تْتسرع تعترف
كل شي يحلى بوقته واقطف بوقت القطاف
............................وان تحب قلوب خلها تعرف ان إلها الشرف !
بالطفولة لو احبك و انجرح ببكي و اخاف
............................واصرخ بكلمه اكرهك ، بس كبر قلبي وْحلف
لا احبك ، لا أكرهك حتى مافي إختلاف
............................يوم احبك ما تهمك عاد أكرهك تختلف ؟؟