السلام عليكم يا اخواني واخواتي .....
موضوعي هو اني اتسال لماذا الكراهيه والحقد الكبير بين طلاب الكليه بعضهم البعض؟
ولماذا الحسد شائع بين الطلبه؟
ولماذا الاشاعات تخترع بين الطلبه ؟
اعطيكم مثال على الحقد والحسد بين الطلاب انه الطالب لما يكون جالس مع ربيعه بيطيح عليه ولد العمه وولد الخاله وحبيبي وبعد عمري واذا راح عنه بتسمعه ينمه ويسبه ويحشه حش وعاد خلا الكذب بصوب والتزييد بالكلام.
وفعلا انا كنت جالس مع حد من الربع وحصل هالموقف انه واحد حاضر معانا وجدامه ولد العم ولد الخال ومن راح عنا طاحة النميمه عليه.
لا ويللي بعد يزيدني قهر انه بعض الشباب اذا زميلهم جاب درجه اعلى منهم بيجولون ولد الحرام من وين جاب هالدرجه وحتى كلمة ما شالله ما يجولون.
وعاد خلو الاشاعات بصوب واعطيكم اشاعه طلعوها على واحد من الربع الله يستر عليه يجولك بيوم من الايام انه واجف يكلم بنت بممر علشان تاجيل الامتحان وشافته شلة الاشاعات وطلعون اشاعه عليه هو والبنت انه بينهم علاقه.والله ما اقول غير حسبي الله عليهم.
المهم في الختام حبيت اقول لاخواني الطلاب انكم انتو الحين شباب متعلمين وشباب عودين وخلو عنكم هالسوالف يللي ما من وراها غير المشاكل وعوار الراس وانا طبعا ما اقول كل الشباب بل بعضهم .
مع تحياتي اخوكم ولد عبري