السلام

طبعا بكتب عن موضوع كل البنات يعرفونه ويتكلمون عنه والي ماجربته تحس ودها تجربه وبعض البنات تبعد نفسها عنه
وكل بنت اذا جربته في البدايه تحسه حلو حتى لو انها تنذل عشان انها تسويه بس تستمتع وبعد فتره تتحسر على نفسها وسنين عمرها

طبعا اكيد عرفتوه وهو العلاقات سواء تلفون او بلشغل الي اقصده العلاقات العاطفيه

احنا من طبعنا ياالبنات تربينا واحنا صغار واحنا خلاص يوم بنكبر وبنتزوج وبنحب زوجنا وبنجيب عيال

بس بهاالوقت الحالي صار عمر الزواج يتاخر صارو البنات شيسوون اي واحد يقولها كلمه حلوه تتعلق فيه وصارت مثل الخبز الرخيص الي اي احد ممكن يشتريه او مايشتريه بعد ممكن يذوقه ويتركه لغيره

خواتي انا بنت حالي حالكم وادري واعرف الشعور يوم تبدين علاقه وتحبين شخص وتتعلقين فيه
وتتحملين عيوبه عصبيته ويقعد يتشرط عليج لا تروحين ولا تجين

ويقعد يتامر ساعات تنفذين طلباته وتسمعين كلامه اكثر من ماتسمعين كلام اهلك

ليـــــــــــــش طيب هل شخص اقدر اسميه حرامي الاعراض الي يرضا انه يكلمج من ورا اهلك ويقعد يعطيك طريق وشلون تنحرفين وشلون تخدعين اهله
يستاهل؟؟!!! استغرب

ان اهلك الي ربوك كم سنه وادري حتى لو قسو قسوتهم حلوه لانهم يحبونا ويبون مصلحتنا
يستاهلون ان نبيعهم عشان واحد حب يمارس نزواته بلتلفون

الي يحب عمره ماراح يجرب يخدش حياء الي يحبها او يعطيها وعود وبعدها يقول مو وقته او مااقدر الحين
او يتعذر باي عذر غبي تدرون ليش غبي لان احنا اغبياء انا نصدق هاالاعذار وندري بينا وبين انفسنا انها كذب

بس نقول لا الي اعرفه غير ويمكن الرجال صادق ليش اعمم

واذا حنيتي عليه وقلتي له تبيني تزوجني بيقولج مااقدر واذا قلتي له تقص علي بيقولج لا تعممين الشباب مهم سوا

يسرقون سنين عمرنا ها اللصوص ويستغلون طيبتا

اهلنا لازم نحطهم قدام عيونا لان اذا فعلا نحبهم ماراح نضيع سمعتهم او شرفنا لان هاذي اشيا بيد البنت

واذا تدورين زوج ادعي
ترا البنت اشرف لها تموت وقلبها طاهر وه يعفيفه ولا تتزوج اخير من انها تلعب وتلعب وتكلم نص شباب الكره الارضيه وتجرب وتتعلم منهم اشياء الله اعلم
لو اهلج سمعو هاالمكالمات ايش بيصير فيهم

لو فعلا المكالمات مو غلط كان كلمتي قدامهم
فعلا تلاقينه هو نفسه الي يكلمج لو تقولين له اختك تكلم فلان بيعصب وبيقولج اختي شريفه

وانتي مو بنت ناس؟؟؟ انتي تصلين بليوم 5 مرات بكل مره مااستحيتي تقابلين ربك وانتي على علاقه محرمه قد تثير اشياء غير المكالمه


للحديث بقيه ادري اني طولت بس لاني مقهوره اني اشوف بنات ناس وبنات الواحد يرفع فيهم الراس يضيعون في البحث عن الزوج الضائع تحت مسمى التلفون

اختكم دانه