بسم الله الرحمن الرحيم
ودي احكيلكم قصتي لاني بصراحة ما اعرف احكي حق منو والله ودي أفضفض.......
أبوي متزوج ثنتين كل وحدة في بيت مع عيالها بعني ماتربينا احنا الاخوان مع بعض حتى ماكنا نعرف بعض ولانشوف بعض لحد ماكبرنا صرنا نشوف بعض ونبات مع بعض بصراحة احلا شي لما اقتربنا مع بعض ..... لكن المشاكل كانت بسبة أمي و عمتي كانت كل وحدة تغار من الثانية...
المهم أنا بعد ماخلصت دراسة يلست ملانة في البيت ما أعرف شو أسوي لحد ما ياني أخوي وقالي شو رايتج دام انج فاضية تجي تسكينين معانا في البيت منها تتسلين وتيلسين مع اختي ترا هي بعض فاضية وملانة بروجها... فرحت انا وقلت اوكي ... ولما وصلت البيت سلمت على اخواني وعلى عمتي وعلى ابووي ... وحسيت مع الايام انه عمتي متغيرة علي صارت تتطنشتي وكل ماتشوفني مكان في البيت تتطلع...... ومرت الايام وسافر أبوي ... المهم كنت اذاكر حق خواتي الصغار.. كان تدش علي وقالت لي...( فلانة... انت امج ماتباج ليش لحد الحين يالسة في بيتي... شو صاير ... مرة انتي تيين ومرة اخوج وعق العيلة كلها بتي هني.... مب كفاية أمج خطفت ريلي و بيتي والحين ياية تنغص عيشتي بعد... روحي قوليله كفاية وانتي من باكر تروحين بيتكم) كان احس الدنيا اسودت في عيني وتميت ابكي ..... واتصلت بعمي وروحت........
بالله عليكم في عمه بهذي الشكل جرحتني جدام خواتي ........ الله يسامحها.........