السلام عليكم
مووضوعنا هنا يختلف عن موضوع التبركات
في هذا الموضوع اريد كل واحد يحكي لنا وين شاف المباراه وشو صار بعد المباراه الخ الخ
اخبركم انا شفت المباراه طبعا في صحار ...
في مقهى لان في البيت ماتقدر تصارخ ولا بتغيب من ابوي ههههه
المهم شفتها في مقهى الاسكندريه اكيد شباب صحار يعرفوه زين هالمقهى
الشوط الاول كانا هادين بس شويه قهر من الفرص الي تضيع والجول الاول ريحنا
الشوط الثاني كان الجو صار مغرب ونشوف المباراه على قناه الكاس على الشاشه الكبيره
والحماس والمنتخب الكويتي يهجم ومع كل هجمه توقف قلوبنا ومع كل فرصه تضيع علينا
ننقهر اكثر والي زاد قهري اهل الكرم والضيافة اصحاب الثقافه الكرويه العاليه(في حاله تعادل الكويت مع عمان امس بتكون عندهم نقطتين وبيكون عندهم امل اكبر في التاهل لكن الاذكياء كانوا يشجعوا الكويت ونسو هالشي اضف الى ذلك انهم ميتين غم لانا قهرناهم قدام شيوخهم خخخخ)
المهم ولما جاء هدف التعادل وعلا صوت الجمهور الاماراتي والمعلق يقول صخب صخب في المدرجات اانا قسم بالله انقهرت وشوي وبصيح ولكن هاشم صالح ماقصر فيهم ارسل لهم صاروخ تقول كنه باتستوتا ككككك ولما جاء الجول ماشفت عمري غير اركض على كبر المقهى واصرخ جول جول قال صخب قال ههه الى ان خلص صوتي وسكتت
كنا نعد الثواني الاخيره كلنا مع بعض ولما صفر الحكم
شفنا اللعاب ناريه الشباب كانوا مجهزين وعلى طول بدت المسيره من سيح المكارم الى شاطي صحار والكورنيش وكل صحار
طبعا انا عندي دوام مارحت المسيره ولكن خبروني انه المسيرات عمت صحار كلها
ولا الي قهرني هو الاخبار عن الي صار في الخوض والقرم والعذيبه مالازم اتكلم عنها
بس لو كان صار كذا بعد التاهل اقول يارب مانفوز بالكاس عشان مايصير زياده
وفي انتظار مشاركاتكم