مشكور يلي خصنا باهتمامه
عمرك طويل وعمر منهو موصيك
قد قالوا الطيب يبين بكلامه
وانت اتصالك واهتمامك مزكيك
مثلك غصب يفرض علينا احترامه
طيبك وعطفك يجبر الناس تغليك


++


اشتقت لك
حتى " بكى " الشوق واشتاق
وحنيت لك
حتى الحنين اشتكاني .. !!


++


ورب البيت ما أجامل
قليل ان قلت أنا
" أهواك "
أنا عندي كلام أكبر
يهز الحب واقداري
( ايه متأكد )
ولا يطري علي انساك
أنا وشلون بنسى اللي
رسمته بدرب مشواري


++


يا حروفي
ارحلي
واحملي
حلو الكلام
ان وصلتي
طمنيه
وبلغيه " أحلى سلام "


++


عندما يؤلمك النظر للماضي
وتخاف مما يحدث في المستقبل
انظر جانبك ..
ستجدني معك لادعمك ... !!


++


صدقني من عرفتك وانت لي
كل المشاعر ..
ياما في حبك حبيبي افتخر
دوم وأكابر ..
وين ألاقي مثل قلبك في زمن
قاسي وغادر ..
مثل طبعك يا حياتي صعب في
الدنيا ونادر ..
(( انت في عمري حكاية ))
وانت لي
" أجمل مشــــاعر "


++


صباح الخير من اللي يعزونك ..
صباح حلاه غلا عيونك ..
صباح يحفظك فيه ربي ويصونك ..


++


عينن بلا شوفك تسمى
يتيمه ،،، وسمعن بلا
صوتك مسامعه
نقصان ...
والصبر في بعدك ضياع
وهزيمة ،، لو ( بكسب )
العالم و ( بفقدك )
خسران ....


++


قلت لك


روحي

تبيك


وابيات شعري


تهتويك


قلت لك



عمري



وحياتي



والمشاعر



تحتريك



قلت لك


قلبي


يحبك


والعيون


تموت فيك




قلت لك



أنا



أحبك

والقلب يشتريك


أنا قلت



وانت وش تقول .. ؟!


++


ما هي بسيطة يوصف كل مخلوق
وصفك كثير وكل شي فيك حالي
انسان متواضع وطيب ومحبوب
افرح اذا شفته ويرتاح بالي
واذا تكلم كلمته فعل منطوق
تشهد له الافعال وهو بالحيل غالي


++


شفت النجوم اللي تعلت على الكون
غلاك زاد عندي حتى وصلها

الخوف : من غيبتك
والسعد : في لقياك
والصعب : لو نفترق
والمستحيل : أنساك

عهد علي وناقص العهد خوان
منساك لو تنسى اسمي وتقول !!
( يافلان )


++


أنا الغريم
اللي يحبك ويهواك

وأنا العزيز
اللي يعزك ويغليك

وأنا اليتيم
اللي بكى يوم فرقاك

وأنا الجريح
اللي جروحه من ايديك

وأنا الحزين
اللي نسى حزنه وياك

وأنا الغريب
اللي دياره أراضيك

والحين من انت .. ؟!


++


لا تحسب ان البعد تاليه نسيان
غير الظروف امحاربتني وأنا بعيد

ماني على وصل المحبين كسلان
ذكراك تبقى داخل القلب وتزيد

للوزن كيلو وانت ميزانك أطنان
ميزان قدرك ماله أرقام تحديد .. !


++


ماهو جفا لو شفتني عنك ابطيت
عمر الجفا ما راود النفس يمك
باسم الغلا ساكن وبالقلب حليت
بقصى خفوقي مسكنك يوم ضمك
لا ما اتخلى عنك لو غبت وابطيت
غلاك يسري بي مثل ما سار دمك


++


" أناديك "

ويبقى
للحكي في داخلي
" ميعاد "
ولا أدري
ليه
لا ضقت
بزماني

قمت
" أناديك "
" أحبك "

ليه أكررها ؟

وليه بداخلي تنعاد ؟!

ولو أصرخ
في
~ هــ ـ ـ ـ ـ ـ ـ ــواك ~


مليون

" أحــبــ ـ ـ ـ ـ ـ ــــك "

ما توفيك


++


دام ( الإمارات ) كلها حيل تهواك
واشلون قلبي بعدها ما يحبك
في ( بوظبي ) صافح الود يمناك
و ( الشمال ) كلها تترجى قربك
( العين ) وكل أهلها تفداك
و ( بني ياس ) تروح فدوه لقلبك
( دبي ) بحرها كم تمناك
و ( أنا ) أكثر منهم أحبـــك


++


بعض البشر عالي مقامه ولو غاب
مثل النقوش اللي بقت في حجرها
مرت عليها دهور وعصور واحقاب
عيت تروح اخلاص للي حفرها
وأنا بقلبي نقشتك يا سيد الأحباب
فجر ينابيع الغلا واحتكرها


++


مهما ابعدتني عن مواصلك دنياي
تبقى عديل الروح مهما جفيته
لا لا تقول : اني على الود نساي !
انت القريب اللي بروحي فديته
اعلمك يا حياتي ليه أنا جاي ؟
حسيت ! قلبك يحتريني وجيته


++


اخجلت شمس المحبة من هواك
والقمر من كامل اوصافك خجول
اطلب عيوني وانا كلي فداك
واعتبر ما تطلبه عندك وصول
لو يغار الورد الاحمر من شذاك
من يلومه لو تهادى للذبول
ما سكن القلب وعروقي سواك
يا ربيع عمري ويا كل الفصول


++


لا غبت عني دمعة العين تبكيك
وان جيت يمي خافق القلب حياك
موج البحر ونسمة الليل تغليك
وشلون ما يغليك شخص تمناك
مهما تهب الريح والغيم يخفيك
لابد يوم تشرق شمس لقياك


++


اذا قصرت في وصلك
طلبتك بس تسامحني ..
تراك عزيز وعشرتك ماشي يساويها
واذا ما اوفيت بوصفك طلبتك بعد تعذرني ..
تراك عظيم الوصف و وصوفك صعب اوفيها ...


++


لو تصير الحياه صعبه
والحب في عمري مره
وقربك مني كأنه جمره
استحاله نفترق فتره
وان بعدت لا تقول حسره
قول رحل ومعه عذره
وانتظر تعيش معي سهره
وتنسى الهم وتحبني مره


++


هلا باللي فقدته حيل
وقلبي فيه شاغلنيــــ ..
ذبحني صدق بغيابه وفيه
الشوق "ج"ــننيــــ ..
أحسبه ضيع دروبي ولقى غيري
وبدلنيـــ ..
أثــ ـ ـ ـ ـ ــاري قلبهـــ
طيبــــ ..
حنونـــــ ..
وبوفاه دوم يغلينيـــ ..


++

الروح تحيا يوم اسمع بطاريك
ودنياي بوجودك يا رفيقي هنيه ..
مثل المطر تحيي الشعوب المهاليك
تروي القلوب الظاميات الشقيه ..
الرب يعلم بالغلا كثر مغليك
والروح ترخص لجل عينك هديه ..


++


لا تحسب اللي في قلبي لك شوي
لا تحسبك شخص مر ونسيته
انت لي الدنيا ولعيوني الضي
وانت غناتي والرجا اللي رجيته
حلفت منساك مادامني حي
حتى السهر لعيونك هويته
لا تحسب اللي بقلبي لك شوي
درب الغلا توني ما بديته


++


يا قلبي منك ظني ما يخيب

فيك معنى الصدق يا عمري يطيب

صادقا شوقك وشوقي لك
صفا
لو تروح بعيد من قلبي
قريب
في حنانك يا بعد عمري
وفا
في غيابك كن فضلوعي
لهيب
من عرفتك شوق قلبي
ما طفا


++


مشتاق لك بس الظروف أجبرتني

ودي " بشوفك " بس كيف الوسيلة ؟
يا فرحتي " عنك " الأيام غربتني

و " طيفك " معي ما غاب في كل ليله


++


هذي الرسالة ما فيها كلام ..
بس شوف عاليها تلقى " اسمي "
يضويهــــــا ..
وش تبى أكثر من هالشي يحليها ..

قول " مغــــــرور "
قول اللي بتقوله ..
أنا أدري أي رسالة مني


" لو فاضية "
تنسيك الدنيا وبلاويها

وهذي الحقيقة اللي صعب
عليك " تخــــفيها "


++


> غـــ ـ ـ ـ ـ ـ ـ ـــلاي <

بدا منـــك
وانــــــــــــــت
الوفـــا والعـــون
( مالي غنى عنك )


لو
بالبشــر
مليـــــــــــــون


+~+~ Mالعاشق المغرمM ~+~+


يا هنى من عاشر من الناس
شرواك
في ذمتي يعيش والراس
مرفوع
تبقى عزيز وتعجبني
مزاياك
ياللي بيمينك أجزل الطيب
مطبوع
عسى البلاوي والمصايب
تعداك
وتصيب ناس عنهم الطيب
مقطوع