تويت
حصري :ـــ ^^ بالصور:شرح خدمة samsungdive لتحديد مكان الهاتف المفقود + اظهار رقم جوال السارق^^مع هدية بسيطه لكل اصحاب Android
بســـــــــــــــــم الله الــــــــــــــــــــــــرحمن الـــــــــــــــرحيم
صباح / مساء الخير عليكم جميعا
الموضوع عبارة عن شرح لأحد المميزات الجباره في الجالكسي
الشرح والصور من جالكسي اس 2
الخدمه هي تتبع لجهازك في حالة فقدانه أو السرقه .. انصح الجميع بالتطبيق لأهمية ذلك ..
راح احاول اوضح لكم كل شيء واعذروني إذا قصرت في شيء ..
نبدأ بسم الله بأول خطوة
الخطوة الأولى :
انشاء حساب سامسونج عن طريق
الضبط ==>الحسابات والمزامنة ==> إضافة حساب ==> حساب samsung
تنزل أسفل القائمة راح تلاقي حساب سامسونج
للخطوة الثانيه : وهي تفعيل الخدمة عن طريق
الضبط ==> الموقع ولأمان ==> بحث عن هاتفي المحمول
تحت عنوان بحث عن هاتفي المحمول راح نلاقي 3 خيارات .. لابد اننا نفعلها كما هو موضح في الصوره
(1) نضغط على تنبيه تغيير بطاقة SIM ... راح يطلب مننا حساب سامسونج اللي سويناه في الخطوة الأولى .. ندخل الايميل والباس ورد زي ماهو موضح ف الصورة
بعد كذا راح يتفعل وتجي علامة صح بالاخضر
(2) نضغط على تنبيه مستلمي الرساله ( هذي الخطوة مهمه وجباره بصراحه )
راح يطلب مننا حساب سامسونج والباسورد
الفائده من هذي الخدمه هي .. انه في حال ان الجوال انسرق لا سمح الله .. والسارق قفل الجوال وغير الشريحه .. تجيك رساله برقم الشريحه اللي وضعها السارق في جوالك على ارقام انت تخصصها .. للي مافهم راح يفهم بالصور
( أ ) نضغط على علامة الـ ( + ) لإضافة الأرقام اللي راح تجيني عليها الرسالة عند وضع شريحه جديده في جوالي المسروق << مثل ما وضحت فوق
( ب ) كتابة عباره أو اي شيء تريده على سبيل المثال انا كتبت تم العثور على السارق
لمن تجيني الرساله عند تغيير الشريحه راح تتضمن رقم السارق + العبارة اللي كتبتها في خطوة رقم ( ب )
( ج ) اضغط على تم للحفظ .
((من وجهة نظري اشوف الخطوة رقم ( 2 ) جدا جدا جباره اللي هي تجيني رساله برقم السارق في حال تغيير الشريحه وادخال شريحة جديده))
بعد الحفظ راح تتفعل الخطوة رقم ( 2 )
( 3 ) نضغط على أدوات التحكم عن بعد لتفعيلها بإدخال حساب سامسونج + الباسورد
بعد الانتهاء من الثلاث خطوات اح تتفعل الخيارات الثلاثة كما هو موضح فالصورة التاليه
انتهينا من الخطوة الثانية وهي تفعيل الخدمة أو الميزة من الجوال ..
الخطوة الثالثة : التحكم عن طريق الكمبيوتر
ندخل على هذا الرابط ونسجل الدخول في الموقع بواسطة حساب سامسونج اللي استخدمناه في الخطوة الأولى في اعدادات الجوال ..
للجالكسي اس 2
http://www.samsungdive.com/
لباقي الأجهزة (( غير مجربه ))
http://v2.samsungdive.com/help/guideRemoteControls.do
بعد ما تفتح الصفحه نطبق زي الصور
بعد تسجيل الدخول راح تفتح معانا هذي الصورة
انا رقمتها وراح اشرح كل وحده برقمها ..
( 1 ) وهذي اهم خطوة ومن غيرها ما راح تستفيد شيء ..
نضغط على خطوة رقم ( 1 ) راح تفتح لنا النافذة التالية
ندخل رقم الجوال مثل الصورة تاما .. وبمجرد الضغط على موافق او تغيير راح يظهر رقم الجوال عند الخطوة رقم ( 1 )
في اعضاء يقولون انهم حاولوا تحديد موقع الجهاز وتطلع هم صورة بالون مكتوب عليها جالكسي و no phone number والسبب والله اعلم انهم ما طبقوا الخطوة رقم ( 1 )
( 2 ) قفل الجول بحيث لا يتمكن السارق من استخدامه او الاستفاده منه ولا يستطيح اخذ الملفات ..
( 3 ) تستطيع من خلالها انشاء اتصال على الجوال ..
مثلا لو فقدت الجوال في البيت او ف السياره تستطيع الاتصال به عن طريق هذي الخطوة وراح تسمع رنة الجوال مثل الصورة التاليه
( 4 ) تعمل فورورد للرسائل والاتصالات على رقم جوال ثاني .
مثلا ضاع جوالي ولا ادري وينه اسوي هذي الخطوة وأحول الاتصالات والرسايل على رقم ثاني
وحسب ما فهمت انه اذا اتغيرت الشريحه تتعطل هذي الميزة (( مو متأكد لإني ما جربتها ))
( 5 ) هذي الخطوة ما جربتها ولكن اتوقع انها تطلع لك السجل للمكالمات لمدة اسبوع .. اللي عنده اي معلومة يفيدنا
( 6 ) مسح البيانات .. مثل اعادة ضبط المصنع .. يعني تفقد جميع الملفات .
( 7 ) تقدر تفتح قفل الشاشه عن بعد .. يعني إذا مقفل بباسورد تقدر تفتحه عن طريق هذا الخيار
( 8 ) تحديد مكان الجوال .. بعض الأحيان ياخذ وقت لتحديد الموقع وأحيان ما يحدد . بس أنا جربته وحدد موقع الجوال .. ميزه حلوة بصراحه
صورة لتحديد مكان الجوال
( 9 ) لتحديد مسار الجوال لمدة 12 ساعه مضت .
الــــــــــــــــــــــــــــــــــــــــــهديـــ ـــــــــــــــــــــــــة
برنامج سامسونج Samsung Kies 2.0 لادارة هاتفك السامسونج من خلال الكمبيوتر
للبحث و تصفح و تنصيب البرامج من الكمبيوتر على الجوال , البرنامج يدعم الجوالات الجديدة من سامسونج
و هي جوالات اندرويد Android , اي يمكنك ربط جوال اندرويد سامسونج بالكومبيوتر بواسة هذا البرنامج ,
البرنامج لديه مميزات أخرى ايضا مثل نقل الملفات و الصوت و الفيديو و الصور و غير ذلك ..
متوافق مع الاجهزة التاليه :
Wave II S8530 ,Wave S8500, Wave525 S5250, Wave533 S5330 , Wave723 S7230E , Wave575 S5750E, Wave578 S5780
التحديث رسميا
التحديث ما ياخذ وقت نهائيا
والتحديث عن طريق برنامج الكيز الرسمي وهي نسخه رسميه اصدار 2.3.5
المهم جوالك يكون مشحون فوق الـ 50 %
و ان جاتك رساله خطا او غيرها قفل جوالك وافصل البطاريه وارجع ركب البطاريه وشغل الجهاز واشبكه بالكمبيوتر وبيظهر معك ان شاء الله
لتـــــــــــــــــــــــحميل ..
http://www.mediafire.com/?401d29yof1yfaky
بعض المــلاااحظـــااااااات
1- سرعه في التصفح
2- البلوتوث صار يمكن جعله مرئي على طول مع امكانيه الوصول للاعدادات عند التشغيل
3- الشاشه الرئيسيه للجوال صار بالامكان تحريكها يمين وشمال مو زي اول فقط لليمين
4-الفديو صار يمكن عرضه بالطول والعرض مو مثل اول اجباري بالعرض
5- ظور طيف ازرق عند الوصول لنهايه القائمه لتحت او لفوق
6- ايقونة وضع الصوت في الخيارات صارت غير ملونه في وضع الصوت بعكس اول كان لونها اخضر ويصير لونها اخضر اذا حولت لصامت
7- امكانية الدخول للجوال وهو مشبوك على الكيز عادي
8-ملاحظة نقاوة في الشاشه اكثر من اول
9-التحديث ما راح يمسح شي بالجوال لا برامج ولا رسائل ولا صور ولا غيره يعنى لاحد يخاف من حذف اي شي
هاذي الملاحظات الاوليه علي التحديث مع العلم ان المحاذاه مثل ماهي ما اتعدل وضعها
بالنسبه للاخوان الي ما ظهر عندهم التحديث عن طريق الكيز يعود للامور التاليه
1- ان يكون الجوال معمول له روت
2-ان يكون الروم الي بالجوال روم غير رسمي يعني معدل
3-ان يكون الكيز يبغاله تحديث
4- ان تكون اعدادات المنطقه غير معده للشرق الاوسط السعوديه ويمكن تعديل المنطقه ليقبل التحديثات وتظهر بالكيز باستخدام برنامج csc select من الماركت ووضع المنطقه على XSG والضغط على انستول مع العلم انه اذا غيرنا المنطقه راح يسوي الجوال فورمات ويمسح كل شي بالجهاز وراح يتوافق مع الكيز من حيث المنطقه بشكل دائم فيما بعد
.gif "Smiles (64)")
تعليق