للمدرسه كل يوم نمشي
وحده في باص والثانيه في تكسي
زحمه من الصبح مثل الالم في ضرسي
ولا شفت كشه بنيه حسبتها عبسي
شفت المعلمه :قالت يافلانه درسي
طق الجرس
وجت المراقبه تفتر
كانها فارس معنتر
قالت الشال مخالف
قلنابل...صرنا مجبوس محمر
جوتي مخالف
شكلي ما رح ارجع الا وخدي مسطر
اظافر طوال يابنيه قصيهم
رحنا ملح وزعتر
وقعدت على ذاك الكرسي




دشت المعلمه قالت سلام
قلنا مرسي
حصه ورا حصه
مثل الحلق فيه غصه

قالوا علوم
قلنا غصه
قالت من ويش تتكون الذره؟
كنا نايمين في هالدرس نصه
تحمرت عيونها وصار الدم في رصه
رفعت صوتها وقالت
والله لا نقص كل وحده منكم من علاماتها نصها



دشت معلمه الرياضيات
قالت طلعوا الورق يا بنات
تبققت عيوننا وقلنا ويش الخبر يا فتيات
اختبار مفاجى
طلعنا الورق وصارت التفاتات
شالت الاوراق بسرعه
وقعدت تشرح معادلات
اليوم الثاني قالت
يابنات انتو غشاشات وراسبات
حتى تتعدلوا ياعوجات





عربي سمينها جمع تكسير
لانه كسر ظهور علاماتنا تكسير
الفاعل ..ظل فوق قلوبنا مرير
والمصدر...للحين البنات يسمونه عسير
كل وحده تتمنى في حصه العربي سرير
تنام فيه وتريح هالضمير




جت الفسحه وانهدينا بسرعه
نركض نركض يعل وعسى نلحق الفسحه
نتزاحم على المقصف كانه يوم الدين
نضحك ونسولف ومانشبع لو عطونا الدهر وارباعه
رن الجرس وحزنت قلوبنا خلصت الصياعه




جود مورننج جيرلز
جود مورننج تيجر
حصه النجليزي وما ادراك ماهي
يبيلك معجم علشان تفهم ماهي
نوت..تراها هذي اداه ناهيه




حفظ السوره يابنات
لا تغتابون المعلمات يا مغتابات
لا تنمون يانمامات
لا تغشون يا غشاشات
لا تنامون في الحصص يا مخدات




طلعنا بره المدرسه
تستغرب من كثر الانام
سيارات اشكال واللوان
وحده خضراء وحده حمره وحده مستنقع اللوان
الاغاني واصله كل الفرقان
كشه الواحد كانها عشه عصفور
لكن تقص على مين يافرحان




الواجبات ترسه سلندر
نحل واحد يطلع الف
تبنا نرسم
وتبنا نكتب
وتبنا نحفظ
ياناس ترانا مثلكم بشر نتعب لو نكتب سطر
نكمل بسرعه وللنت طايرين
لسوالف ايرين



ننام وفي بالنا احلام
وحده تعد العرسان
ووحده للحين تمني نفسها بعاشق ولهان
وحده تتذكر يا ربي صليت ركعه او ركعتين