السلام عليكم


اخباركم يالعاشوقين مو معدلين ؟؟


المهم من زمان ما نزلت موضوع في التسلية يعني تقريبا من زمن حبوتي

هيه يوم زمن حبوتي يروحن الحريم يحطبن ما تو عاجزات على طباخة غاز

خلوني تو ارجع هنا ما باية ارجع على ورى واجد ولا سأبكي كثيرا على الزمن الغابر

المهم طبعا الموضوع باين من عنوانه والراعي الرسمي لهذا الموضوع هو

الراعي الماسي : عاشق عمان

الراعي الذهبي: بو ثلج أقصد ISE STROM

الراعي الفضي : مجموعة المشرفين الجدد من التسلية وغير التسلية

والراعي البرونزي : مجموعة مشرفين التسلية جميعهم


عاد تو ما بلعي واجد بخبركم ببعض الموقف واللي يضحك بفلعه بحصاه تفلق له راسة

الموقف الاول :

طبعا هذا الموقف مستحيل انساه طول حياتي ,,, في يوم من الايام كعادتنا متجمعين

نحن البنات في مسطاح (المكان الذي ييبس ويجفف فيه التمر )مزرعة حبابوتي

نتحكى عن حيانى الصالحين وماشي سالفة ما نطلعها يوميا العصر ,,,ما اعرف من هين نجيب السوالف

ومقابل المسطاح صبارة كبيييييييييره مسكونه ويفصل بين المسطاح والصبارة مجموعة نخيل

والغم حنا نعرف انه الصبارة مسكونه وما ننطم المهم في يوم من الايام كنا نتكلم ومندمجين

وما نعلم وندرى غير واحد من الثيران بو تحت الصبارة جاي يركض صوبنا وصاح الركيض

كل واحد يلحق على عمره سيدة نحو الشارع العام وشافونا ولاااد الجيران اللي عدال المزرعة

قاللولنا: مالكن تركضا كناكن شايفات عفريت

ونحنا واقفين ونلهث من الركيض وخبرناهم بكل السالفة وتوجهنا من الشارع العام لبيتنا لانه

اقرب بيت للمزرعة ولقينا خواني وخبرناهم بالسالفة وراحوا مزرعه حبابوتي وعدت السالفة على خير

لكن ,,,,,

لم تلبث ايام حتى عادت حليمة لعادتها القديمة في يوم اخر كان قريب المغرب جلسنا نلعي

عن حيانى الصالحين لاااه وما نشوف غير نفس السالفة تنعاد والغم كنا في وسط النخيل

قمنا ركبنتا و تعلقنى كلنا في النخيل من الرهبه وبو ما يعرف يطلع نخيل طلع ذيك اليوم

وصفينا حنى البنات متعلقات فوق النخيل لين جي البيدار وقبضه



الموقف الثاني

هذا الموقف صار من كم شهراخوي قالي خلا معاي لولو عشان انا اشتري الراشن

وانا اودي ولاده الالعاب قلتله مامشكلة انطلقنا ونزلنا ورحنا الالعاب ولقيناهم مقفلات

قلت حال اخوي بروح اتمشى عدال الالكترونيات قالي انزين شلي الصغيرين قلتله انزين

وديتهم معاي وكانوا هاديين وحلووين (( لكني كنت خيفانة انه يكون الهدوء ما قبل العاصفة )

وللاسف كان تفكيري صحيح فو انا جالسة مندمجة اشوف\\ ما اشوف غير تفلتوا ركيض في اللولو

وكل واحد من صوب وبكل مصاخة ينهموني باعلى صوت : عمووووووووه شعاع تالي لتيني

استويت انا كذه والثانيه تقولي : خلا نلعب مديسوه ويركضوا وانا واقفة عيون ريق

ومخجله محد ما عرف اسمي في ذاك المكان والكل يضحك اسميني انحرجت وبعد عناء طويل

قبضتهم وانامعصبة واشلهم عند اخوي وخبرته وتشاحطت الغم جلس يضحك

علي وبصرراحة عصبت عليهم واجد ذيك اليوم وعاقبتهم لما وصلنا البيت بحيث اني اسفهم وما

كلمتهم لكنهم ما راموا كل مره واحد يجي يتفدى من جانب ,,,



عاد خلاص ما قدرت اتذكر زياده سمحولي

يالله في حفظ الرحمن