لا تقولوا شو يعني صرقعة لاني ما ادري عنها دوروها من القاموس المحيط
السؤال الأول:

أنت توك قايم من النوم وطفشاااان ووااااصلة معك قمت تغسل وجهك وتفاجأت بنملة تبي تدخل خشمك ما هي ردة فعلك :


1- تمسك النملة وتفعصها بإصبعيك وأنت تكركر ومستأنس و تقول: والله يا أنتي نملة منسمة تبين تخترقيني هع هع هااااااي بس على مين أنا أبو جلمبو والأجر على الله .

2- توخر النملة عن وجهك و تنتفها وأنت تلعنها وتشتمها .

3 - تخلي النملة تدخل خشمك .




السؤال الثاني :

راجع من المدرسة أو الكلية أو العمل المهم ما علي منك ان شاء الله من جهنم وتلقى الوالدة سرحانة في الصالة تفكر وش تصلح بكرة إذا بغت تسير في الضحى على أم صويلح ماذا تفعل يا العبقري :


1- تسوي نفسك تعبان وتصرخ وتمسك قلبك كأن ذبحة قلبية جايتك وأنت تقول : ألحقيني يمة قلبي قلبي ولما تنهبل أمك عليك وتبي تكلم أحد يجي يوديك المستشفى تقول لها: قلبي تولع في الخبر جيبوا له مطافي هع هااااااااااااااااااي والله تسحيبة يمة .

2- تجي بشويش من ورى أمك وهي سرحانة وتصرخ في أذنها وتقول: مساااااك الله بالخير وطبعاً هي بتنفجع وبتقول وجع الله يمسيك بعصا إن شاء الله .

3- تطلع غرفتك وماتسوي شيء . ( يا البارد مو شايف احد )




السؤال الثالث :

أنت توك مقيل ومأخذ لك قيلولة على كيف كيف مرت جيرانكم ونازل اقلاع حدك ماسك الطبلون الى الصالة إلا وتشوف خواتك الصغار عند سبيس تون طايرة عيونهم ماذا تفعل :

1- تجي يعنني تكنس وتغطي عليهم التليفزيون <<< أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون وتقول: أوه آسف .

3- تقعد تتفرج معهم . ( يا حليلك )




السؤال الرابع والأخير:

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة:

1- تنسم كفراته الأربعة . ( ام المسكة )

2- تسلم عليه وتلزم عليه يعزمك على العشاء . ( هذا ام اللزقة )

3- تشتري له تويكس معك . ( بصراحة كرم ما عليه كلام )


يا الله
مستعد تقرا النتيجة


تكفى
أرجوك
لا تنصدم لما انت عليه


النتيجة :

طبعاً
أعط نفسك لكل إجابة رقم واحد 3 درجات
ولك إجابة رقم 2 درجتين
ولكل إجابة رقم 3 درجة وحدة


9 - 12 :

أنت مرجوووج جداً ..

حالتك خطيرة وقد تتحول رجتك إلى هبااال رسمي . ( معتمد من الجمعية العمومية الرأسية المتحدة ومقرها ذيك الديرة )

الحل: خل أمك تهمز راااسك بزيت سيارات ( شل ولا بترومين ) ثمانين مرة بالثانية وإن شاء الله ما قدامك إلا العافية . ( ايه هين )



5 - 8 :

أنت مرجوج بس على بياخة شوي مستوى رجتك معقول لكن لا تستخف دمك كثير لأنك ستجيب العيد .

الحل: خل عنك البياخة ولازم تؤمن إنك تعاني من مرص السخافة في مراحلها الأولى
كل عصفور قبل الغدا مرة في السنة .



4 - 5 :

يا أخي أنت منتب في الدنيا ميت والناس حيين
انتبه على نفسك لأن أهلك احتمال ينسووووك إذا بغو يسافرون .

الحل : كورس رجة مكثف عند أعلام الرجة في المنتدى .يمكن الاستعانة بعزوز او معناه واللجوء لمستشفى عطر الندى للرجه



والله يدوم لكم الرجه ان شاء الله ويرجكم اكثر لانه بدون الرجه الحياه ماتحلى

وكل واحد يقول ايش درجه رجته لا تطنشونا