السلام عليكم


من زمان ما كتبت مواضيع


ان شاء الله يعجبكم هذا الموضوع



لما يعرفوا الأب والأم انه زاد عندهم ولد يبدوا يفكروا متى يشوفوا اولاد ولدهم


مثل المقولة الي تقول


ما أغلى من الولد الا ولد الولد



من لما تبدا تفهم وتعرف تتكلم تسمع المغايره نزوج فلانه ونزوجك فلانه وانت ماتعرف شو معنى الزواج ولا تفهم بس تضارب وتصيح وتروح تخبر الوالده مااااااااه شوفيهم يغايروني



وتكمل حياتك كذاك لحد اول يوم تشتغل


هنه تتغير المغايره إلى كلام جد


خلا نخطب لك ونزوجك وانت تقول بعدني توني مشتغل ماواحيت اتنفس
عاد يتدخل الوالد ياولدي الزواج ستر واستقرار والزواج يخليك تحس بالمسؤوليه ويخليك اقوى واعز


والوالده تقولك انا ابغى اشوف ولادك واحملهم واربيهم


ما اعرف مستحمليني غصب طول هذي الفتره ولا باغين يتخلصوا مني ولا مسوي زحمه ف البيت


الله يحفظهم يارب


عاد ماتريد تكسر بخاطرهم وتقول ان شاء الله


وطبعا تفكر انه عندك وقت بس تستغرب انهم عارفين من باغي والأستجواب والتحقيقات عاد مخلصة


ماشاء الله ولا cia المخابرات الأمريكية


وأهل العروس عندهم خبر وسألين عنك وعارفين كل شيء وموافقين بعد


وتقول فنفسك ياربي ماجات علي قلت ان شاء الله موه اذيه الورطة إلي طحت فيها


صح انه زمان الواتس اب والبلاك بيري


وتشوف كل حد يشوفك عليك وهوه مبتسم ويختفي اسم من البين ينادوك معرس وانت بعد ماخطبت


وينادوك ابو فلاااااان وانت بعد مارحت بيتهم تخطبها


يالله توكلنا وامرنا لله


يحددوا اليوم إلي نروح نخطب فيه وعاد يبدا الصداع


إلي يقولك سوي لحية وجهز المصر


وإلي بارد دمه ويقولك عادي سكسوكه وكمة


الله يستر الجيل الجاي بيروح يخطب بشورت وفانيله


تبدا مراسيم الخطبة وتروح بيت العروس وتسلم وتجلس ماتعرف قلبك يدق فصدرك ولا ف راسك ولا فيدك ولا فبطنك ولا فرجلك وتحس الدنيا حر هذا وانت تعرف انهم موافقين كيف لو ماتعرف عااااد!!!!!!!!!


المهم يتكلم كبيرهم انهم موافقين وتبدا عاد تبتسم ويطلعن الضروس (بس لو تعرف بعد الموافقة شو بيصير ماكنت تطلع هذي الضروس طول حياتك)


انزين تحس انه المكيف خلاص بدا يشتغل والأجواء صارت حلوه والأبتسامات ف كل مكان يبدا شايبهم يقول الشروط


الشرط الأول: البنت عنده شهادة وتبغى تشتغل (ماأعتقد اني قلت لهم اني القوى العاملة)


الشرط الثاني: السكنة بروحها (على اساس هيه ف الدوام وانا ف الدوام والبيت جالس حرام جالس بروحه محد يونسه هع هع هع )
لا وبعد الحرمه ف بيت اهلها على الاقل يومين ف الاسبوع وانت بيت حيانك
والعش الزوجي عاطينة طاف
المفروض يضرب إلي يقول هذا الشرط


الشرط الثالث: المهر 5000 ( من أجود أنواع البنات وهيه كوب شاي ماتسويلك هع هع هع)


يالله تقول تستاهل ام العياله مستقبلا


(وما خفيا اعظم)


ترجع البيت وتسمع شروط الحريم بعدك ماخلصت هع هع هع تو النااااااااس



الشبكة والدبلة وطقم وساعة طبعا الضروس اختفين خلاص والأبتسامة تغيرت هع هع هع


وتقول موافق ما بكيفك غصبا عنك بعد هع هع هع


بعده بعده ما خلصنا


شي غيره



القاااعة والكوشة والدي جي والبوفية والتصوير (على حسب الجوده من 1000 وزياده) ناقص يطلبوا شيشة للمعازيم وتكون السهر وناسة هع هع هع


وبعدك بتقول موافق غصباااا عنك



سمعت كلام الحب والغرام انا ما اريد من الدنيا شي غير حبك


بس ما في الزواج شيء كلام غيره فيه


حال الزواج خلي عنك الحب والخرابيط


شي فلوس يقولك تم


ماشيء فلوس يقولك الباب يوسع جمل هع هع هع هع هع


ما اعرف وين راح الكلام إلي يقولوه نشتري رجال وطلع الرجال هوه إلي يزوع الفلوس هع هع هع







سلاااااااااااام