شلونكم و شخباركم أنشالله زينين

بقولكم سالفتي و أنا بحديقة الشعب الترفيهي

مرة انا و دقدوقة و fox _ storm و جاسم رحنا الشعب
اهم تذكرتهم شاملة كل الألعاب فيدخلون كل الألعاب ببلاش بس انا عادية و حيل ادفع حق الألعاب
بو فلوس احنا ما نتعامل
المهم لعبنا لعبة الليزر انا و دقدوقة اول مرة نركبها
فتقاسمنا فريقين انا و جاسم و دقدوقة مع fox_ storm و دخلنا المتاهة وهذا ثقيل مال الطق
اوكيي
فكس ستارم عيز يرفسني و تيي دقدوقة ترش بالجهاز
بعدين خسرنا عيوني صارت جذي لما دريت إني ما دقيت إلا 5 طقات عدل

بعدين قلنا يالله نروح لعبة يديدة جان يقولون في بطاقتهم قلعة الرعب و احنا و لا مرة دشيناها
بس جاسم دشاها من زمااااااااااااااان و ما يتذكرها زين
المهم
وقفوا اهم طابور و انا رحت اعبي الكرت ب 2 دينار سعر التذكرة
المشكلة اللعبة مصفرة محد داشها بس احنا بطيناها و دشينا
اول شي مشينا دري شوي طويل
بعدين قال الريال نقعد في مثل العربانة و تمشي فينا اهي قعدنا انا و فكس ستارم بالنص و اهما بالطرف
تمشي و الأصوات تموت من الخوف و احنا اشكالنا مصرقعة
اشياء عجيبة غريبة مرة وحدة و لا يوقف علينا كل العربانات تثبتت

شالسالفة و احنا متيمدين
ننطر قلنا يمكن اختربت و يمنا بالضبط مخرج انا قتلهم يمكن خلصت اللعبة
بس قالوا محنا متحركين
اللي يقوم يتصرقع و الأصوات تخوووووووووف


انا: على طولاقول بس الله الرحمن الرحيم
فكس ستارم: يخش راسه لما نقوله شفيك يقعد و يخرعنا
دقدوقة : عيزت و اهي تصرخ و تنبح حشى اهي اعلى من الأصوات اللي حاطينها
جاسم: اشجع واحد فينا يقوم يصعد فوقنا و يطل و يشوف اذا اللعبة خلصت و لا لأ
المهم من كثر صراخ دقدوقة ردت اللعبة تمشي الظاهر يبون يختبرونا و يعرفون شكثر احنا خوافين لأن كان في مثل كامرا


كملت اللعبة تمشي دزلنا في منحدر و شفنا السجن اول و الجاهلية و اشياء الرعب من هالنوع
و كل دقيقة تفر العربانة فينا لأن في شي جدامنا نشوفه و ورانا


وقفنا جدام شي جان توقف العربانة مرة ثانية و المرة الأولى وقفت 3 دقائق
الحين شنو
المهم و نكرر معاناتنا و دقدوقة راح صوتها من النباح
مشت مرة ثانية و نشوف اشياء لين
وحدة قطت على جسوم مثل خرجة انتوا عارفين الألعاب اللي يجيسونا نفس الشي
و جسوم يقول انا هذي بنت صجية احنا نقول لأ
حتى بعد ما مشينا عنها قال و يصرخ يالبنية احنا ندري انج صجية و يقول قاعدة تربط جوتيها اكيد توهمات
اوكي
نكمل
بعد التصرقع هذا طلعنا من اللعبة تراها خطرة عاللي بيركبها

كانت لعبة اعصاب و تخرع مبين الإسم من العنوان


ولين الحين و جسوم يقول انها صجية




خلصت القصة و هذا صار امس بالليل لأن امس انا ما شبكت كنت هناك





تحياتي
دلوعة كويت