السلااااااااااااااااااااااااام عليكم
تعالوا نقارن بين الشاب الخليجي والعامل الوافد(الهندي والبنجالي والبتاني)!!!
أولاً:المظهر الخارجي:
العامل الوافد ملابسه رثه ومعظم الأحيان وسخة بعكس الشاب الخليجي ..الشاب الخليجي اللبس أهم اهتماماته لازم تكون ملابسه كشخه وشيك واذا كان في كندورتة نقطة وسخ مستحيل يطلع بها..
العامل الوافد عادة يكون نحييييف ونادراً تحصل عامل وافد جسيم..بعكس الشاب الخليجي!!
من العامل الوافد تفوح ريحة السجاير وزيت النارجيل ...أما الشاب تفوح منه رائحة أجود أنواع العطور والبخور ..
وسيلة النقل بالنسبه للعامل الوافد الدراجه الهوائيه ..أما الشاب الخليجي من أول معاش لازم يشتري سياره على مستوى ولو اضطر يتدين
....في التجاره....
في دكان العامل الوافد التاجر تحصل من كل أنواع البضائع..في دكان الخليجي التاجر في بعض الاحيان (أبسط شئ)برتقال ما تحصل !!
العامل الوافد يفتح دكانه من الساعه 7 صباحاً أما الخليجي اذا فتح محله الساعه تسعه خير ونعمه ....
>>>ومع العلم اني اتكلم عن واقع..

...في الشركات..
طبعاً الشركات مثل ما الكل عارف تفضل العامل الوافد بدل الشاب الخليجي ...لان العامل الوافد =شغل جاد ومتقن وسريع +راتب منخفض أما الشاب الخليجي = شغل رديء وأي كلام وبطيء +راتب عالي ولولا القوانين اللي تجبر الشركات على توظيف شباب البلد لكان اتجاه الشركات الى توظيف الوافدين لانه فيه مصلحة الشركه ..
...فرق آخر...
العامل الوافد من شغل الى شغل...
الشاب الخليجي ..من قناه لقناه..من نوم الى رقاد ...ومن طلعه لغيرها..ومن سهره الى رمسه....والايام تمضي.
>>>>وكلمه أخيره ...أبداً ما الهدف من الموضوع التقليل من شأن شباب الخليج ولكن بس كنت اريد اوصل فكره ان العامل الوافد اللي يمكن ننظر اليه نظره دونيه أفضل منا في جوانب وممكن نستفيد منه نتعلم منه بعض الدروس في حب العمل واتقانه والاخلاص فيه ...وهذا مامعناه انه مافي نماذج خليجيه طيبه بالعكس في بس للأسف تنعد ع الاصابع....
والسموووووووووحه
وووووووووووحياكم الله