مأسي مؤلمة
ادري انه قصه حزينه ومومكانها الترفيه والتسليه...بس اسمحولي....

عائلة بو محمد
ابو محمد: (( رجل اعمال كبير عنده شركه كبيرة ومعاه اخوه بو خالد ورثوها من ابوهم المرحوم.. ابو محمد طيب القلب وحنون على اولاده ..
بس اذا عصب لا احد يقرب يمه.. رزقه الله بولدين بنت وولد(محمد وسارة))

ام محمد: (( امرأة جاده ومتسلطة .. طيبه .. وتخاف على اولادها.. وكلمتها هي الي لازم تمشي))

محمد(( 24سنة .. شاب وسيم ..يدرس في الجامعه .. طب.. ))

سارة(( 19 سنة .. سنة اولى جامعه تدرس تصميم داخلي .. جميلة بمعنى الكلمة والكل يكن لها الاحترام.. وطيووبه ))..


عائلة بو خالد
بو خالد(( نسخه ثانية من بو محمد .. لكنة جاد .. ونادرا ما يمزح))

ام خالد(( امرأة طيبه .. هادية .. على نياتها ))

خالد: (( الولد البكر .. وسيم ساحر البنات .. متخرج من جامعه دنفر بكلورادوا ه.. افكارة متحررة .. عمره 27 سنة))

فيصل(( وسيم.. اكبر مغازلجي .. يموت عالبنات .. اخر سنة ثانوي.. يعني 18سنه))

نورة(( متزوجه من ولد خالها فهد..عندها ولد عمر سنة ونص..))

شهد(( مخطوبة من واحد اسمه راشد..تشتغل اخصائية في مدرسة ابتدائية))

رهف(( اخر العنقود.. اكثر جمال من شهد.. حبابه وشيطوونه .. فيها خفه دم 19 سنه تدرس مع سارة القريبه من الباقي لسارة))


في بيت بومحمد
الساعه 6 الصبح الكل قاعد يتريق عشان يروحون لدوامهم

ام محمد بصوت عالي: يالله يا سارة تاخرتي على الجامعه .
سارة وهي نازلة من الدرج بسرعه وراحت لعندهم : صباح الخير..وباست كل من امها وابوها على راسهم ..
الكل: صباح النور
محمد: يعني انا مالي بوسه على راسي والا ؟
سارة وهي بايدها كاس الشاي: والله اني مو فاضيه لك لو ماني مستعجله جان راويتك ..
ابو محمد: يالله لاتلعوز بنتي.
سارة: عاش ابووووووي.
محمد يسوي روحها زعلان: يالله عيل انا قايم عنكم مع السلامه وباس كل من راس امه وابوه .. وطالع سارة وقال: وانتي مالج بوسة وسارة طلعت لسانها له .. وراح لجامعته.
ابو محمد: الله يخليكم ان شاء الله .
سارة : ويخليكم لنا يا احلى اهل في الدنيا .. يلا مع السلااامه.
ابو محمد+ ام محمد: في حفظ الرحمن..

وصلت سارة الجامعه وراحت لصديقتها وروحها مريم (( مريم .. بسن سارة .. تدرس فنون ..حلوة .. والمهم انها صديقه سارة الروح بالروح والكل يغار من مريم ليش انها دووم مع سارة))

سارة: صبااح الخير
مريم : صباح النور.. جان لا ييتي بعد..
سارة : مريوووم والله اني قعدت متاخرة شو اسوي..
مريم: المهم قومي نروح تاخرنا على المحاضرة ..
سارة: يلا..
وراحوا كل منهم لمحاضرته ..

في بيت بوخالد
ام خالد: خالد يمه يلا قوم تاخرت على ابوك..
خالد : همممم انزين يمه قايم..
ام خالد: يالله يمه من متى وانا اصحيك اخوانك راحوا لدواماتهم وانت لحين راقد.
خالد وهو قايم : ان شاءالله يمه كاني قمت .
((خالد من بعد ما تخرج فضل انه يشتغل مع ابوه وعمه في الشركة .))

في نهاية الدواام:
مريم: اووووووووف شو هالدكتور ايب النوده .
رهف: انتي الي الظاهر فيج النوده هههههههههههههه.
مريم: لا والله من صجي ما ادري شو قال .
رهف : لا لا لا لا تحاولين انتي ما ادرري البارحه تفكرين في منو ما خلاج ترقدين.
مريم وهي معصبة: رهووووووف .. هئ هئ سااارووه لحقيني..
رهف: هههههههههههههههاااي قومي قومي ناكل شي لنا ميته يووع .
مريم: مابي اكل وياج بروح اكل غذا ا مي .
رهف : مالت عليج اقول انا بقوم نطريني.
والا سارة يايه قعدت على الكرسي بثقل: اااااااه بمووووت هلكانه
رهف+ مريم: ههههههههههه
سارة: شو قايلة نكته ؟؟
مريم: هههههههه لا بس شوفي شكلج يضحك.
رهف:ههههههههه
سارة : مشكلة الثقه .. يلا انا بروح البيت . رهوووف اوصلج.؟؟
رهف : لا مشكوورة الدريول بييني.
سارة: اوكي عيل اشوفج على خير وسلمي على عمي ومرة عمي.
رهف : الله وياكم
مريم+سارة: مع السلامه
رهف : مع السلامه

وصلت سارة مريم لبيتهم وراحت هي لبيتهم
سارة : السلام عليكم
ام محمد : وعليكم السلام هلا يمه ..
سارة:شخبارج يمه
ام محمد: بخير دامج بخير.. يلا روحي بدلي ملابسج ننطرج عالغذا.
سارة: ان شاء الله يمه
وهي راكبه الدرج الا محمد نازل
محمد: هلووووو مسس سارة
سارة بتعب: هلا
محمد بخبث: شفيج منقهرة من الصبح
سارة ضربته بالفايل الي عندها على راسه: خفيييييييييييف
وراحت عنه ومحمد بصوت عالي: يلااااااا بسرعه لا اخلص عنج الغذا

دخلت سارا غرفتها وهي تضحك على اخوها.. وبدلت ملابسها بسرعه وراحت تتغذا..وطول الاسبوع هم على الحاله من الصبح دوام ومذاكرة ..


شنو راح يصير؟؟ نترقب الاحداث اليايه..

مأســـــــــــي مؤلمـــــــــــــــــة
الجزء الثاني

اليوم الخميس .. كان يوم ممل بالنسبة لسارة .. اتصلت في مريم قالت لها تيي عندها البيت او يروحون مكان بس مريم اعتذرت منها وقالت انها راح يروحون بيت يدها .. ومحمد اخوها كان مع ربعه ..وامها وابوها على الاخبار وسوالف عن الشغل وو.. راحت فتحت الكمبيوتر فتحت ايميلها ولا احد كان اون لاين .. وقامت تتصفح في المواقع ولا عجبها شي فقامت تصمم بطاقات .. وصلها ايميل غريب .. ترددت تضيفه بس قالت اكيد حد يعرفني من جي بضيفني .. وقبلت الاضافه .. وردت لتصميمها ..وفجأة ياتها المحادثه:


لن ينكسر قارب الحياة على صخرة اليأس مادام هناك مجداف اسمه الأمل: السلام عليكم
أمسح بمنديل الأمل دمعة اليأس وأسخر من أحداث الزمن بابتسامة: عليكم السلام.. من معاي
لن ينكسر قارب الحياة على صخرة اليأس مادام هناك مجداف اسمه الأمل: معاج فيصل..
أمسح بمنديل الأمل دمعة اليأس وأسخر من أحداث الزمن بابتسامة: هلا اخوي في شي؟؟
لن ينكسر قارب الحياة على صخرة اليأس مادام هناك مجداف اسمه الأمل:امممممم . موانتي بنوته في منتدى.....
أمسح بمنديل الأمل دمعة اليأس وأسخر من أحداث الزمن بابتسامة: انزين؟؟
لن ينكسر قارب الحياة على صخرة اليأس مادام هناك مجداف اسمه الأمل: يعني هذي انتي؟؟
أمسح بمنديل الأمل دمعة اليأس وأسخر من أحداث الزمن بابتسامة:وبعدين وياك اخوي؟؟اذا في شي قول ؟؟
لن ينكسر قارب الحياة على صخرة اليأس مادام هناك مجداف اسمه الأمل:بصراحه ما ادري شقول بس بصراحه انتي مبدعه تصاميمج وايد حلووة وانا معجب بتصاميمج وباخلاقج العاليه .. يعني ما ادري انتي ما صار لج مدة طويلة بالمنتدى بس ما شاء الله عليج بسرعه الاعضاء تاقلموا معاج..

سارة حست بشعور غريب تجاه هالولد .. شو يبي.؟؟ يالله مو لازم افكر يعني شوو ..؟معجب بتصاميمي شو اسوي ..بس فعلا استانست من الخاطر لما حست احد يمدح تصاميمها .. انزين ليش اسانست وايد مدحواا تصاميمي قبله محمد .. مريم.. امي وابوي.. رهف.. بس قال انا معجب باخلاقج العاليه .؟ اوووووووووووووه شو فيني اصير تافهه احيانا ..

أمسح بمنديل الأمل دمعة اليأس وأسخر من أحداث الزمن بابتسامة:شكرا .. من ذوقك
لن ينكسر قارب الحياة على صخرة اليأس مادام هناك مجداف اسمه الأمل: لامن جد والله ..
أمسح بمنديل الأمل دمعة اليأس وأسخر من أحداث الزمن بابتسامة: اوكي.. تسلم يالله انا استاذن احين مع السلامه

وسكرت بسرعه قبل لا يرد .. ردت رجعت لتصميمها .. مو قادرة تركز في التصميم.. اووووووف .. قامت وسكرت الكمبيوتر وراحت عند سريرها قعدت .. وهي سرحانه تفكر.. ليش ضافني يعني هو معجب في تصاميمي والا فيني.. لالا اكيد في تصاميمي شو بيعجب فيني.. لكن .. شووو ما يعجب فيني شناقصني..؟؟ فيصل ..قال اسمه فيصل .. حلات الاسم والله حلوو احسه يليق عليه .. وفي هاللحظة قطع حبل افكارها صوت الباب..نفضت الافكار من بالها وقالت :شو يهمني فيه والله .افففف
سارة: تفضل
جسريني:سارا يلا ماما قول في اشااا( عشا))
سارة :زين يايه .. وطلعت وراها وراحت تتعشى ..

فيصل.(( شاب سعودي .. وسيم .. عمره 24 سنه بسن محمد.. طلع من الجامعه بسبب ظروف صادتهم وخلته ينسحب من الجامعه ويشتغل في شركتهم مع ابوه واخوانه ..اعجب بسارة بدرجه انها ما تروح عن باله هو في البدايه ما كان متاكد من شعوره بس احين اتاكد وحب يقول لسارة وخلى سالفه التصاميم حجه .. مع انه فعلا معجب بتصاميمها ..))
بعد ما سكرت سارة من فيصل .. نزل فيصل عشان يودي خواته الراشد لانه كان مواعدنهم ان يوديهم.. نزل وهم بعدهم ماجهزوا راح وسلم على امه وابوه وقعد ينتظرهم وو باله كله في سارة ..(( لحد الان ما يعرف ان اسمها سارة ))

خالد عنده ثلاث خوات (( نورة 20 سنه في الجامعه .. ووفاء:18 سنه اخر سنه ثانوي .. لسانها متبري منها عكس نورة هاديه بس فيها حركات خبال .. وهيفاء : متزوجه من ولد عمها وعندها ثلاث اولاد .. مشاري وبدر والعنود.. وعنده ثلاث اخوان وهو الرابع : اولهم سلمان متزوج من بنت عمه منيرة ولحين الله ما رزقهم بعيال . وعبد العزيز متزوج صديقه اخته نورة مرام وعندهم بنت صغيرة اسمها دلال.. ابراهيم عازب يدرس ويشتغل معاهم في الشركه وعمه جاسم ايضا عازب وساكن مع اخوه لانه الوالد والوالد توفوا واخوه ابو سلمان مارضى يخليه بروحه في البيت العود فسكن معاهم وكان اقرب واحد لفيصل من بعد اخوه ابراهيم ))

بعد ما تجهزوا البنات راحاو لعنده .. وهو لا زال سرحان..
وفاء: فيصل يالله حنا جاهزين
فيصل ما انتبه لهم .. ونورة ووفاء طالعوا بعضهم وقاموا يضحكون عليه بخبث ..
نورة اخذت المخده الي على الكرسي ورمتها عليه .. وانتبه لهم وقاموا ثنتينهم يضحكون .
نورة : هههههههههههههههههههه الي ماخذ عقلك يتهنى به
وفاء:ههههههههههههههههاي وين الاخ سرحان عطلتنا تراااك ..
فيصل حس بالفشلة من خواته :سنه عل ماتجهزون حشششششششى
وفاء: والله حنا جاهزات من ساعه انت الي مخك ما ادري وينه
نورة : يلااااا تاخرنا
فيصل: تدرون مافي روحه مكان على طول لسانكم الي يبي له قص..
نورة ووفاء راحوا مسكوه كل وحده من يد و جروه للسيارة: يلا تحرك
فيصل : عنبووو مهو بنات انتواا
قام يضحك على خبال خواته .. وحرك السيارة وراح وداهم المجمع..


يارتى شنو راح يصير بين سارة وفيصل .؟؟ وهل سارة بتحب فيصل والا مجرد افكار توديها وتييبها ؟؟
نترياا الجزء الياااااااااي