العواف يا بلابل

أنا زعلان منكوا كلكوا .. عشان ما خليتونى أسيب البتاع الاحتفال فى منتدى ( دار سلوى ) وأتحجج بالمغص .. بعد ما إدارة المنتدى كلفت نفسها وصرفت الشى الفولانى على البتاع ووزعت الدعاوى وجو المعازيم وحطو الشريط اللى يفصل قاعة الانتظار عن مكان الاحتفال والمعرض .. واللى أنا عشان إدونى أحد خواص المشرفين الا هو المقص عشان أقص .. بس إنتو عملتوها وغبتوا ..

أجلتهم إلى أجل غير مسمى لحين ما توافقوا على المجىء هو أنا أقدر أحتفل وحدى من غيركوا .. دا كلام .

نهايتوا

من يومين قرأت للشاعر ( ( حسنات الدين أبو الصبوح صبر بن حليم النيَام المعروف بـ صبر النيَام ) ) (1263-1354م) هذا ما وجدته من سيرته

رباعيات النيَام وهى قطعة عصرت فى مرحلة متأخره من حياة الشاعر ومعصورة بدقة تامة حيث نجد الابداع يسيل منها سيل العسل فى البرطمانات ويقطر منها الشعر تقطيرا .

نقرى ونغمس ونخمس ونشرب من رباعيات الشمام


هاكموها وحاكموها نقدا


حبك عصير أناناس

ذايب فى الاحساس

مخلنى غير الناس

ماسك الفرحه بيدى

أشربها كأس ورا كأس

وساعات احسه عصير توت

وأشعر بقلبى فى حبك يموت

وكل يوم من غير يفوت

يمر عليا ثقيل وحزين

وافضل ساكت كإنى فاقد الصوت

ومرات حبك عصير قصب

يدينى طاقه فى الشريان والعصب

واحس فى لحظتها إنى فارس كسب

رهان السباق وفاز

ورفع راس جمهوره المنتخب

واحسه بحبك شراب فراوله

لا مذاق حب ليلى ولا لبنى ولا خوله

وحيد الطعم فريد المذاق نكهته مقبوله

شهد معقود اخر حلاوه

صافى وكافى ينشرب بسهوله

وكمان يتغير يبقى عصير برتقال

مليان حبيبات بروتين عواطف ثقال

تفعل الحظ فيا يلون الحلم ويسعد الفأل

أحبك الحياه عشانك

وأقول يا رب أبقى على دا الحال

وأغلب الاحيان حبك عصير رمان

خالى من المراره واحمر إرجوان

أحب أشربه وأطلب زياده كمان

إكمنا شراب مفيد ومغدى

يفيد الشعور وينشط الوجدان

وفى كل اسبوع احسه عصير موز

وليه طعمه خاصه احسن من الجوز

يا سعد قلبىالسعيد اللى انت ليه محجوز

ويا فرحتى بشراب حبك

ويا حظى الكبير وسعادتى بالهفوز

واكتفى بهذا القدر

واترك : عصائر . التمر هندى .. المشمش .. الجوافه .. الخوخ ... التفاح ... البرقوق .. المانجا ... وغيرها إلى القريب العاجل ..

متخافوش أنا أصلى ناسخ القطعه كلتها وملصقها على وش مكتبى عشان أقراها بين الفنية والفنيه

أصلى بحبها


وسلامتك وسلامتهم وسلامة خديج

ع.ع