العواف

نظر لسرعة النقر التى سببت فى بعض الاخطاء المطبعيه النقريه وعدم القدره ايضا على تعديل شوشو فى نفس المكان

عليه نعدلها هنا وتبقى معتدله

إليكم التعديل


العواف يا بلابل

إزيكو

انقل لكم من المجلة الاسبوعية ( أخر هزه ) المتخصصة فى شئون الرقص البلدى والشرقى والتى تشرف عليها جماعة ( إلوى ) ..

دى صورة مشهديه زجليه بتجسد إنفعال الرقاصه ( شهيره أبو الليل ) الشهيره ب ( شوشو ) وهى تندد وتهدد زوجها ( حازم الارنبى ) الشهير ب ( بكماوى ) بسبب إن الزوج طلب منها إعتزال الرقص فى الكبرهات وتقليل نشاطها وحصره فى حفلات الافراح والموالد وأسابيع الختان .

فماذا كان ردها الذى أعدته وأشرفت على تنسيقه الشاعرة ( نوال سيبهم )


نقرى ونرقص ونغمس ونخمس



غور من وشى جاك البلا

أل أيه عامليى فيها راجل غيور

شوف لما اقولك سامعنى يا ولا

انته من غيرى حتة عاطل مكسور

أنته نسيت أنا الى لامك م الشارع

وياما تعبت وعيت انظف فيك

وأديتك شهرتى وإسمى اللامع

وكمان خليت كل الخلق تشاورعليك

افكرك لو نسيت بسرعه فى لمح

أنا شوشو على سن ورمح

دى فتحات بدلة الرقص يا دلح

متفتحه اكثر منك يا بو عقل طرطور

أنا شوشو أشهر رقاصه

وبفلوسى إشترى زيك مليون

دى هزة وسطى رصاصه

تموت فى سحرى كل الكون

وتخلى الكل بيجرى ورايا

يتمنوا فى لحظه رضايا

تجى انته يا وش الحدًيا

عايزنى اسيب الرقص المشهور

دا يا اهبل هو حياتى

وهو رسالتى فى الدنيا

ما اقدرش اسيبه ليلاتى

وما اطيقش بعاده ولا ثانيه

دا فن هزى مهتز

راقى بتهواه ناس العز

أيش دراك يا ورك الوز

فى الفن الجسمانى المستور

على وحده ونص اهز اهز

وكل هزه وليها سعر فلانى

رقصى باقى وانته طز طز

روح لمامتك طلعت جنانى

ولوعايز تبقى على ذمتى

افضل ساكت وامشى بكلمتى

وخليك عدل اديك شويه محبتى

وافهم زوج الرقاصه ديما صبور

أنا مقسمه وقتى بالنص

نص للكباريه ونص للافراح

وأيه يعنى لو وقتى خداه الرقص

والشغل نازل عليا ومهتمه بالسواح

وديما برات البيت بنام

وكله عشان أكل العيش بسلام

عمال اضحى واسهر يا حرام

دا كان لازمك تشكرنى شكور

وبس

هذا الرد من إعداد الشاعرة ( نوال سيبهم )


معلشى لو سمح واحد من إياهم المشرفين بتوع الركن دا وأدونى من وقتهم وحذفوا البتاع اللى معنونه ب ـ ( شوشو ) أصل دى هى المعدله المعتدله ..

ممكن


وسلامتكم وسلامتهم وسلامة خديج وفاطمة