السلام عليكم ورحمة الله وبركاته ..


كيفكن يا حلويين ..
كل عام وانتم بخيير ..
بمناسبة الشهر الفضيل ..


كيف الصيام معااكم ؟
ان شاء الله ترتووبي ؟

عن نفسي .. لولا الوضوء ولا كنا متنا من العطش

المهم ..
بما انه رمضان جااا ..

وانا طبعا رجعت عمااان .. لمدة اسبوعيين .. والجووو حمااسي ..
الجماعة كلهم يداومو والحبيب مأجزن وماخذ راحته ..
بو يظحكني اني اسهر في الليل . وانهض الساعة3 ولا اربعة الظهر .. اقولهم فالبيت ..متى الاذاان ذبحنا الصووم تعبنا وعلى طوول يعطووك النظرة اللي تخلييك تسكت يومين


المهم ..
موضوعنا اليوم عن مطاوعة رمضان ..

هذولا ما مطاوعة by defult ..
هم مطاوعة بس فرمضان ..
يعني يوم ينزل رمضان سبحان الله والحمدلله كل شي ينقلب فيهم ..
الصلاه .. ما ود حد ..
القرأن .. ما ود حد .. مسكتين ..
نغمات في التلفون اناشيد ..
طول النهار على قال الله وقال الرسول.
ويوم يأذن اول شي يفطرو عليه سيجارة ولا شيء من هذا القبيل

من القصص اللي شفتها ..
انه واحد من الشباب الله يهديه .. مايعرف وين طريق المسجد البررررر..
من يوم يجي رمضاان تشوفه انساان غييير نمونة ..
الاغاني يكنسها من سيارته .. كله اناشيد وقران ..
كلامه غيير .. قبل كله سب .. بس فرمضاان يستوي انسان مهذب ..
ورنة الموبايل تصير دعاء ولا نشيد ..
وتو عمان موبايل وااا النورس مسوية ماال دعاء يوم تتصل بدال ما يطلع تووت تووت ..
يطلع دعااء ..
قبل كان تلفوونه يرن ديسكوو .. تو عبارة دعااء ..
ينتهي الشهر .. يرجع كل شي مثل ما هو

القصة الثانية ..
اليوم بنت خالي الصغيرة جالسة تقول وداان يوو دااني ..
اخوها سمعها .. شوية ويصفعها بكف
ويتعذر انه بيبطل صومه .. مع العلم اني ماجالي فحياتي شفته يصلي

وغيير الحرييم بو متعوداات يعصرن ويحشن فالناس ..
عباارة تو يجلسو جلسة ادعية وماعرف مووه


يعني غييير
كأنهم تلفوناات .. فرمضان يحطو البروفايل مالهم على الوضع الرمضاني ..

والشيء الثاني ..

انه اول اسبوع تشوفهم تاارسين المسجد ..
واخر الايام تارسين السوق

ما فناان كذااك انحصكم تستمرو على هالشي
وعن تقولو ما خبرتكم ..
انا نصحتكم من تووو ...

ودمتم بطااعة (بو يقلد)