بالنسبة لي شكليا وجوهريا نفس الشي

يعني امبوني اتكشخ خخخخخخخ سوا فالبيت ولى الجامعة بس شوي أخف فالجامعة
عاد الجوهر إذا عاللهجة ترى منو ها الغبي اللي ما عنده سالفة يغير لهجته عشان خاطر ناس بالعكس أنا أعتز بلهجتي ولي الفخر

وإذا عالأطباع ترى لله الكمال عادانا أكثر شي احاول ما كون عصبية خاصة فشغل الجماعات بس مستحيل هالصفة وايد عالقة فيني قلت يوم بواجه الناس بتخف والعناد بيقل سبحان الله الواحد على ما تربى بس ان شاالله مع الأيام نحاول نخفف الصفات الشينة بالعكس احيانا الجامعة تغير يعني تقدرين تقوولين احتككاكنا بفئات منوعه من المجتمع وعقليات مختلفة تخلي الواحد يغير من طباعه طبعا للأفضل بالنسبة لي الأهل لاحظو تأثير الجامعة والغربة علي خاصة من ناحية بعض الصفات السلبية اللي كانت فيني انتي تتكلمين عن شريحة معينة من الناس يمكن دافع الخوف من الأهل او إنه التشدد يخليهم يلجأون لمثل هاي التصرفات والسلوكيات بغض النظر عن التغير سواء فالبيت ولى الجامعة إذا الشخص حاول يغير نفسه للأفضل يعني مثلا فالبيت ماخذين عنه فكرة إنه انطوائي ماله راي ما قادر يساهم فأي شي عديم الاحساس مراحل دراسته الجامعية يقدر يعدل من هالانتقادات ويحولها لصفات ايجابية تخلي هله منبهرين منه هاي من ناحية السلوك لكن من ناحية المظهر فهاي شي ثاني الواحد لازم يعرف انه في رب يشوفه و بيحاسبه

أشكرج الحب خالد عالتميز نحن نقول انه صح فيه بعض المواضيع تتكرر ليس بغرض التجريح ولكن الأعضا يحبون التجديد ولكن ما يمنع ان يطرح الموضوع في وقت لاحق طالما انه هادف وفيه نوع من الاتعاظ للجميع وليس العبرة في الكم ولكن فالكيفية ..^^دمتي في حفظ المولى ..

كثير يصير من هالشي. بس اعقد يعملوا كذا عشان فشارة او انهم يظهروا بانهم ناس هاي. ومثقفين.
هههههههههههههه

اولا الف شكر لج الاخت العود القماري ع كلامج المنطقي والف شكر لج على تغيير هذاك الشي والله يعلم انه كان لمصلحتج وتقدري الحين تشوفي الفرق

ثانيا بالنسبه للموضوع وان كان قديم ولكن فعلا انه شي غريب وملاحظ وللاسف ما يقدر يجاوب عليه الا الشخص اللي اصلا مسونه
بس عن نفسي ف انا ما انكر اني تغيرت كثير ولكن والحمدلله للاحسن ف صارت شخصيتي اقوى وصارت جراتي في الكلام اكثر وصار عندي الاسلوب الحواري افضل بكثير ف هذي اشياء مهمه جدا في شخصية الرجال بشكل اخص وطبعا ادين بهالشي للجامعه ولا ننسى انه في التعامل مع الشرايح المختلفه للمجتمع والناس يعطي الواحد خبرات في التعامل مع كل الفئات ف لازم ناخذ العامل الايجابي ونترك السلبي في صوب
كل التوفيق وانا مب ضد ان الواحد يروح للاحسن في لبسه واسلوبه وكشخته وكلامه بس ما يبالغ

موضوع جميل جدا .. ومنطقي في نفس الوقت .

فعلا نلاحظ بعض هالصفات عند معظم الشباب والبنات ..
وخصوصا في التصرفات ..
تحصل الواحد في الجامعة مسوي ربشة وفوضى .وروح شوفه في منطقته او عنده
اهله تحصله مثل الصنم ما يتكلم ..
وتحصل البنت في الجامعة صابغه شكلها كريمات وميك اب وعند اهلها حتى بودرة ما تسوي ..
وتحصل الواحد في المنتدى يكتب ردود ومواضيع ونصائح .. وفي الواقع حتى هو ما يتقيد بهالمواضيع والنصائح ..

بس كل هذا يعتمد على طبيعة الشخص ..
يعني في اشخاص يحسوا بالمتعة لما يكونوا ويا الربع ,., وفي ناس العكس
من هذا المنطلق لا يجب علينا ان نحكم على الاشخاص بضعف الشخصية او ما شابه ذلك
لانه كما قلتلكم هذا يعتمد ع طبيعة الشخص نفسه ..ويعتمد ع طبيعة المكان اللي عايش
فيه الشخص ....

وبالنسبة للهجة او الهرجة كما قالت العود القماري المفروض كل واحد يعتز بلغته ويتكلم بها ..
بس نفس الحاله هذا الشي يتوقف ع المحيط والناس اللي حواليك ..

وســـــــــلامتــــــــــكم ..

هذا يسمونه مرض نفسي ..اكيد معهم انفصام في الشخصية وهذا يعالجونه في معظم عيادات السلطنة (الحمدالله) بس مادري فيه حالهم قسم في ابن سينا ولا لا!!

أشكركم جميعا ع الردود الحلوة...الواحد يكون أحلى لما يكون ع طبيعته

دمتم بود

أجول مشكوره يالحب الخالد والله ذا نشوفه وايد في المجمعات ولكن الأنسان الي يغير شخصيته لكي يبين للناس أنه متطور أو أي شي من ذولا الخرابيط تراه أنسان ما عنده شخصية جاعد يجص على نفسه فعلى الشخص الواحد منا يحتفظ بشخصيته الي تربى عليها وسط أهله بشرط تكون ذا الشخصية مفعمة بالإيمان وطاعة الوالدين وحب الناس وشخصيه نافعة في بناء هذا الوطن الرفيع
فديت عماننا الحبيبة