اولا :انا عارفه انكم زعلانين لانكم ما يبتوا زين بالتوفل وانكم بتدرسو 4ساعات انجليزي طول اليوم اضافه الى ان الساعات غير مكتسبه لكن انا حابه انصحكم واقول استفيدوا من البرنامج التاسيسي وما تفكروا انه نقمه بالعكس هو نعمه لان البرنامج فرصه انكم تحسنون الانجليزي تبعكم لاني عارفه ان انجليزي المدرسه مب وايد قوي وما بيأهل الطالب لمواد التخصص فنصيحه استفيدوا من انجليزي التاسيسي وادرسوله واااااااااااايد لانه مثل ما انتو عارفين اله نسبه كبيره في تحديد التخصص ( اللانكات)

ثانيا :اقروا عن البرنامج التاسيسي واعرفوا شو لازم تسوون فيه وحاولوا انكم تخبروا الناس إلي بعديكم عشان يقدروا انهم يختصروا سنين دراستهم من خلال تقديم امتحان التوفل ..

ثالثا : بالنسبه لطلاب التاسيسي علوم ركزوا واااااايد على البرنامج التاسيسي بكل مواده لأنه راح يفيدكم وايد ف اللانك و خصوصا ف البرزنتيشنات


رابعا: استمتعوا بدراسة الإنجلش قبل ما تدخلو بالجد وبمواد التخصص المتعبه

وخامسا : الله يوفقكم وينجحكم وتتخصصوا التخصص ايلي تبونه


ارجو من اي حد عنده نصيحه انا ما ذكرتها انو يكتبها عشان تعم الفايده لجميع الطلاب

دمتم سالمين