السلام عليكم
صباح الخير

اليوم بعد المحاضرة س9 بالضبط
قال لي ربيعي إن فـ عمادة شؤون الطلاب حوالي 7 لاب توبات مرجعه بعد ما مسكوا اللي سرقها !
ما فهمت كلامه وقلت بسير لهم استفسر
لأن خويكم مسروق عنه لاب توب وكمل سنة ألحين
دافع فيه 550 ومعه هاردسك بس الله المستعان
سرت للدكتور محمد السعدي وقال هذا الموضوع عند أمن الجامعة بس عدنا لاب توب ألحين بيكمل أكثر من 6 شهور وماحد خذه
سرت قسم المفقودات وللأسف طلع ما مالي
راجعت أمن الجامعة
سألني الإستقبال : من متى ؟ قلت له كمل سنة
قال سير داخل عند الموظف الفلاني !
عاد أنا زاغ فوادي
قلت بس أكيد موجود
لما دخلت عنده وسألته قال لي كلهن رجعناهن لأصحابهن ع حسب معلومات مركز نظم المعلومات !
قلت له وتو ؟
قال ماشي !
قال إذا حصلنا شي بنتواصل معك ! ورجعت بخفي حنين
الأمن مسكوا اللص وفي رواية الشرطة برع الجامعة ، هالكلام قبل رمضان بس لن خلصوا تحقيقهم وتأكدوا ورجعوا حوالي 25 لاب توب !

المهم
أمس ريعي انسرق عنه لاب توبه فـ مركز الخدمات !
يا جماعه هذي ما حاله
الناس شغلها وملفاتها أحاينا أغلى من الجهاز نفسه ، والطالب يعتمد على جهازه في المذاكرة !

برأيكم من المسؤول عن هالظاهرة ؟
إذا كان الطالب يأخذ إحتياطه لكن جل من لا يسهو ، والسارق بمره بالمرصاد ؟
لو كنا في سوق أو مدرسة أو مكان ثاني كان ما بنستغرب
لكن طلاب جامعيين يعوّل عليهم بناء الوطن وتحصلهم بدون أمانة !

اللهم يا جامع الناس ليوم لا ريب فيه اجمع بيني وبين ضالتي
اللهم آمين