السلام عليكم للجميع ..

في الحقيقة انا موظف في شركة من فترة وبالوقت ذاته طالب بالجامعة والحمدلله صار لي فترة فالشركة وصرت قادر اني اوفق بين الدراسة والعمل خاصة ان عملي بايخ اي اني طول الوقت فاضي فتحصلني الهي نفسي ربالمذاكرة وحل الواجبات بس طبعا ما دوم لان اوقات بجد يكون فيه شغل شغل ..

عموما كان عندنا إجتماع يوم الخميس مع مدير الشركة وكنا نبحث عن خطة لتوظيف مجموعة من الشباب والشابات في الشركة .. فأقترحت على المدير اننا نوظف طلاب من الجامعة ونعطيهم التسهيلات علشان يقدروا يوفقوا بين الجامعة والعمل ( واسطه لاه ) وبالفعل مدير الشركة رحب بالفكرة واعطاني الفرصة في البحث عن الموظفين الجدد من الجنسين الذكور والاناث من طلاب الجامعة .. واعتمدنا خطة ممتازة لعملية التسهيل لهم وهي كألاتي :


تخصص الشركة = الاجهزة المنزلية الالكترونية + الدكشنري الالكتروني

ساعات العمل الرسمية = خمس ساعات مع نص ساعة بريك ( من الساعة 4 ونصف الى الساعة 10 )

الراتب = 150 كراتب اساسي إضافة الى العلاوات والي راح نتفاهم فيها بعدين ( إحتمال راح تتراوح من 20 الى 30 ريال )

الإجازات = يوم في الاسبوع وراح تتم مراعاة ايام الاختبارات وغيرها ..

أماكن العمل = في مسقط فقط ( السيتي سنتر او السفير العذيبة )





ولكن راح يكون هناك شرط للإلتحاق بالوظيفة هو ان يكون الطالب او الطالبة من سكان مسقط فقط بإعتبار ان طلاب مسقط لا يتقاضون العلاوات وطلاب المناطق الاخرى يتقاضون العلاوات وكذلك ان الطالبات من غير مسقط لا يستطعن الخروج من الجامعة وطالبات مسقط يستطعن الخروج ..


اتمنى على من يجد في نفسه الرغبة للعمل كبارت تايم مراسلتي على الخاص ..