وعليكم السلام...
طلاب الووتر حيرتونا، حد يشتكي من الفيلدات والجانب التطبيقي "العملي" ، وحد يشتكي من قلتهن...!!

عزيزتي/ سمعي مني، كلما كان الضغط عليك كبير، حرارة وشمس، وتعب وإرهاق وتراب وماي وغبار.. كلما ثبتن المعلومات ف راسك أكثر..
وبتتذكري هاليوم لأنك تعبتي فيه وما بتنسي المعلومات اللي تعلمتيها.. صح الوضع متعب جدا ويخليك تكرهي نفسك بس العلم جهاد..
بنات هالدفعات متدلعات/ خلن عنكن الدلع شوي
لو تعرفي اننا في فيلد من الفيلدات جلسنا ف سد الخوض تقريبا 7 ساعات متوصله تحت الشمس،، واللي يتكلم عن فيتامين دي والـ "تان" وغيره، ماشي ما جربناه..
بس كانت تجربة حلوه، تعلمنا واستمتعنا واستفدنا، صح ما نتمنى نكررها بسبب التعب بس بعدنا نقول انها تجربة حلوه
دامك اخترتي هالتخصص/ لازم تكوني مستعده إنك تبذلي كل جهدك،، وتعرفي إنك ع قدر عطاءك بتحصلي، سواء المعلومات أو الدرجات..

بالنسبة للي عندهم أعذار صحيه، ف النهاية الدكتور إنسان وعنده قلب/ وما أعتقد انه بيكون قاسي ع المريض..
وبيتساهل سواء ف درجات الحضور أو تسليم الريبروت بس كلميه بأسلوب مقنع، عشان يتأكد انك مريضه، ما تتهربي من الحر والشمس

اممم عندك حق بالنسبة للوقت، بس إذا حطوا كل مادة وقتها الساعه 8 بتتعارض المواد ويتمشكلوا الطلاب، عشان كذا هم ما مقصرين حتى ف عز الظهر حاطين الفيلدات..
وأتوقع الساعه 4 خلاص بوابة المزرعه يسكروها.. عشان كذا قليل مواد يحطوهن هالوقت..

عندك 3 أشياء لازم تتسلحي بــها وقت الفيلد:
1. الصبر وطولة البال..
2. غرشة ماي وهذي أهم شي..
3. سن بلوك عشان بشرتك،
وممكن تلبسي نظارة شمسية+ قبعة سايلنت+ قفازات عشان الحماية القصوى.. بس يمكن هالأشياء بتعيق شغلك وخصوصا إذا كنتي تتعاملي مع الماي والتراب بشكل مباشر

أول مره دايما تكون صعبة، بس مع الوقت بتتعودي ع الوضع.. بالتوفيق