بصراح بنات السكن مصّخنها عالآخر وقت المباراة البارحة ..
يعني معقول يوصلبهن الحماس لحد الصراخ بأعلى صوت فكل مرة تقترب ولا تبتعد فيها الكورة عن المرمى؟؟
وبالله عليكم يستاهل الموضوع كل ذاك الصياح والدموع؟؟

أحب أوضح إني ما ضدّ حماس الشخص لشي يحبّه ويتمناله التوفيق.. لكن كل شي بحدود.. وبعدين صوت البنات كان طالع للشارع.. بتقولوا ماشي شباب فالشارع ذاك الوقت.. انزين العمال والهنود ما يعتبروا رجال؟؟ ولا تنسوا طبعا حراس البوابات من رجال الأمن أو الشرطة..

وغير كذيه.. هذا وقت امتحانات فاينال.. والناس تبى تذاكر.. يعني أبدا مافي مراعاة للغير.. حتى رقاد ما عرفنا نرقد..

هذا طبعا من غير ما أذكر المسيرات اللي استوت فالسكن بعد المباراة احتفالا بالمركز الثاني.. والصراخ والربشة وكل وحدة لابسة ملابس توصف جسمها وتكشف أكثر مما تستر.. وراسمات على ويوههن وأجسامهن أعلام وشعارات والحالة ما حالة!!

الله يعينهن صراحة.. ويعين المشرفات عليهن..

وأرجو ما أكون ضايقكتم برأيي..

تحيّاتي..
ميعادي..

مساكين اهل الجامعه دائما مغلوب عليكم

يالله ما عليه ان شاء الله كل شي معوض

حراااااااااااااااااااااااااااااااااااااااااااااااا ااام :D


مسكينات البنات وطنيات ويحبن بلدهن ومن حقهن يعبرن بمشاعرهن

من حق الجميع التشجيع : شباب و بنات
لكن ميزة البنت الهدوء والرقة ، فلابد ان تشجع ولكن بهدوووووووء
عموما الف مبروك للمنتخب حصولة على المركز الثاني.

من وجهة نظري ان اللي سونه البنات هو بس تفريغ للكبت اللي داخلهن
ولا هم لا عندهم خبر بالمبارة ولا فاهمات القوانين
بس يعرفن ان الشبك يوم يهتز يعني جول
وما يعرفن اصلا انه جول الا يوم يسمعن المعلق يصرخ جوووووووووول

ممكن الطالبات يصدرن أصوات التشجيع في لحظه بدووون ما يقصدن لحظة تفاعل مع الموقف ومع الهجوم والكوره
لكن في نفس الوقت في مواقف ما تستاهل ان الطالبات يصرخن ويصفقن علشانه مثلا يعني لما يطلع على الشاشه عماد الحوسنس أو بدر الميمني أو علي الحبسي أو خليفه عايل يصرخن ويصفقن بأعلى ما عندهن بصراحه هذا شي ما يستاهل
كل شي له حدود وله دواعيه
اذا عذرناكن في اقتراب الكوره من المرمى فما نعذركن
علشان عماد وربعه

أطالب مشرفي القسم بإغلاق الموضوع لانتهاء الهدف من طرحه ولتجنب الاستمرار في طرح التعليقات السخيفة عليه

وشكراً للمشاركين