[align=center]السلام عليكم ورحمة الله وبركاته :

كنت ناوي انزل الموضوع من فترة طويلة بس اللي شجعني ودفعني انزله الحين حادثة مرت بي اليوم

الله يسلمكم اليوم ناوي اطلع من الجامعة بعد ما خلصت محاضراتي ,, قلت اروح البيت اريح وانام شوية لاني محموم ومزكم وضاربني صداااع

بس تفاجئت انه احد الطلبة ((او مو واحد مجموعة من الطلبة)) الله يهديهم موقفين سياراتهم في مواقف مخالفة وقاطعين علي الطريق ..(( يعني لا رقاد ولا راحة ))

وازيدكم من الشعر بيت حصلت مخالفة سير محطوطة على سيارتي لاني انا نفسي واقف في موقف مخالف

يا اخوان الحين الواحد يالله يالله يحصل موقف يحط فيه سيارته ناهيكم عن زحمة السير داخل الجامعة واللي تعطل الواحد واتخليه يتأخر عن محاضراته ,, من هنا ما نلوم الطلبة اللي يوقفون في مواقف مخالفة (( وانا واحد منهم)) بس الواحد لما يوقف سيارته يتأكد من انه ما مسكر الطريق على اخوانه

الشي الثاني وهو اساس الموضوع برأيكم شنو هي الاجراءات اللي اتبعتها الجامعة لمعالجة مشكلة الازدحام

انا اخبركم بالاجراءات :

1) زيادة المطبات في الطرق واللي تسبب توقف الشارع

2) اغلاق المواقف وتخصيصها للموظفين

3) منع الطلبة من المرور في شارع الادارة ((واللي ادى الى زيادة الازدحام في فترة الصباح خصوصا امام مجمع الطالبات رقم 5))

الحين هذي اللي قدروا يسووه ؟؟ وبعدين لما توقف سيارتك في موقف مخالف تحصل مخالفة

الحين شنو ذنب الطلبة غير انهم ما باغيين يتأخروا على محاضراتهم

هذا ما عندي واتمنى منكم التجاوب والمشاركة وابداء رأيكم في الموضوع[/align]