بصراحة الجواب سهل وهو أن بعض اللهجات يوم تخاطب البنات تجول فالنهايه ج والبعض ش
وأنا بصراحة منهم وهذا شي طبيعي

انا نفس الشئ ، استغرب من هذي النقطه .

ولا البعض يقول وخاصه البنات " شلونك ، شخبارك ، شو مسويه ، ..." والله سالفه

هم يعتقدوا انه هذا نوع من التطور .. لا اكثر ، بس أنا اعتقد ان الانسان لما يبق على سجيته تكون شخصيته محترمه اكثر مع الناس اللى يتعامل معهم .

وسلامتكم

تحياتي : خريجه الحقوق لـ2007

صح هذي الظاهرة منتشرة
يحسبوا عمارهم يتطوروا مساكين لما يغيروا لهجتهم

بصراحه انا استخدمها كتابة يعني ف المسجات لا اكثر لكن ما ارمسبها وما فيها شي ترا كلها للهجات عاميه

هلا
أنا ما ادري في ناس لما يخاطبون بنت
يقولون شحالش أو شحالك أو شحالج
على حسب المنطقه اللي هم منها يعني ما فيها شي
كل واحد ولهجته
و أنا من العين
و أقول شحالج
يعني ما شي مشكله ليش محتشرين؟؟

الله يعين

ترى كل واحد ولهجته وعليما محن كلنا نحترم لهجات الغير

سلاتكم

مراحـــــــــــب......

صراحه نحن جيه كلامنا ولا فيه تطور ولا هم يحزنون......

عيل شو تبونا نقول اخبارش- أقولش-حرام عليش ....مع احترامي لكم...

عموما نحن أبناء دوله وحده ونحترم بعض بس المهم نفهم بعض ........

وبصراحه هاي فرصه لنا نتعرف على لهجات الاخرين........

*والسموحه*

الظاهر الاخ ماحصل موضوع
ولا شي عااادي وحلو بعد

والله أخوي موضوعك غريب وعجيب....!!!

يعني جاي في منتدى مناقشه القضايا الجامعيه وتسأل عن اللهجات.....!!!وأنت تعرف أن اللهجات مختلفه بين الطلاب ...يعني ما أعتقد أن هذا شي جديد أخوي.....................!!!!

وأصلا مثل ما قالوا الأخوة علينا أن أن نحترم هذه اللهجات....ونهتم في أشياء أخرىبيكون أحسن..........@

ههههههه
مادري شو اجولك

امممم ههههه
صدج والله مالجيت رد
بس بسألك كم مره شفت مسلسل خليجي يخاطبوا فيه البنت بحرف الشين..؟..اجصد كيفش اخبارش وكذيه
وترى لعلمك هذي لهجات وحتى ف ناس ف قطر يتكلموا بحرف الشين بس لما يطلعوا جدام العالم يرمسوا باللهجه اللي تمثلهم كخليجين الا ماندر
وف السعوديه بعد
وفالك الطيب انت بس جول وش تبانا نجول وحن حاظرين

* * * * * *
ملاحظه هالشي خاصه ف نطاقي الخاص مع ربيعاتي بس عادي كلحد يلبس الثوب إلي يعجبه
يعني مثلا أنا ماأقدر أقولهن لا لا تتكلمن ب هالهجه ولا هن يقدرن يجبرني أتكلم أو أكتب
مثلهن،،ف النهايه قناعه شخصيه لكل فرد..

بصراحة هذا الموضوع ما يحتاجله هذا التعقيد...هذا مجرد أختلاف اللهجات لا أكثر ولا أقل..

لا تعليق
لا أرى هدفا وراء مناقشه هذا الموضوع

هاهاهاهاهاها
ولا واحد منكم فهم قصدي من الموضوع...
بس ناقص انكم تغلطو علي...وطبعا ما عاش الي بيغلط علي
المهم انا كان سؤالي شو سالفة التغير؟ نزين ففهمو سؤال عدل وبعدين ردوا يااخوان
انا ماعيبت ع هذي لهجة ولا اريد احد يغيرها,,,بس هو كان استفسار مني وهل الجواب مثل الي قال مال مسقط كذي يتكلمو...
علعموم انا عرفت الي اريده وأرجو من بعض شباب انهم يطورو تفكيرهم,,,
تحياتي