إلى من يقرأووووون لي...


أحيييكم...وألتمس منكم العذر لعدم مقدرتي على تنزييييل الحلقة التاسعة اليوم


لظرووووف خاااصة...


وأعدكم أنها ستكووون هنا...يوم السبت...


انتظروني...كما سأنتظر أراؤكم واقتراحاتكم...

كما ويمكنكم أن تنتقدووو الحلقات...وأنا في أتم الاستعداد لاستقبال النقد...


تحياتي:

فـــاعل خيـــر

دمتم بخير...

كما وعدناكم...هذي الحلقة التاسعة...

من مسلسل باب الحارة في كلية الزراعة...

الحلقة التاسعة/



يخرج شباب الكلاس من الA4 ... معتز...عبدو..و خاطر...ومعهم ...رياض!!!

رياض: الحمد لله خلصنا من هالكوز...

عبدو: هدا كوز من عشرااااااات الكوزااااات...

رياض: بس كان منيح ...ما هيك شباب...

معتز بعصبية: شو منيح...الأسئلة كولها من النوتس إلي أنا ما زاكرتها!!!

خاطر: الكول كان متوقع إنه رح يكون متل الكوز تبع السنة الماضية....بس الدكتور فاجأنا!!!

عبدو: ايه ...أنا كنت حافض الاجابات متل الورقة إلي عندي!!! لأنه صاحبها علامته كانت فل مارك!!!

ويتحرك الشباب في المرر الأرزق نحو البوابة الخارجية...ليتوجهو للكلية... وعندما أصبحو تحت أشعة الشمس...

رياض: صحيح معتز!!! ليش ما شفناك امبارح بعد الافطار الجماعي... يعني حالف ما تحضر الأمسية!!!

عبدو: ايه صحيح معتز...لا تقووول كنت عم بتزاكر من وراااانا هااا!!!

معتز: عم قلك ما زاكرت كول النوتس...شلووون بدك ياني زاكييييييير!!!

رياض: لكان وين اختفيت...حاكم كنت عم دور عليك ميشان وصلك للسكن!!! بس الرجال...فص ملح وداب!!!

معتز: معلووووووم...أنا بعد الافطار ايجاني اتصال من خالي أبو جاااسم...واضطريت رووح!!! ما بتقصر رياض ايه والله!!!

رياض: بتعرف شووو...يا ليتني أنا كمان رحت وما قعدت...

عبدو: ولييييييييييييييييش بااااااااا!!!

رياض: ايه تضرب ع هيك أمسية...

خاطر: شو رياض...ما كان هيك حكيك قبل!!!

معتز: لاااااا الشباب ما قصرووو..وألله وأنا بنشهد ع هالشي...بس انت ليش انت شو ما عجبك!!!

رياض: ما قصدنا شي خيوووو...انتو ما قصرتو...والعتب كله ع إلي ما اشتغل...بس لازمنا كتيييييييييييييييييييير لبين ما ننجح فاعداد أمسية!!!

خاااطر: أنا فهمان عليك...قصدك النظام!!! ما هيك!!!

رياض: أولا النظام...وبعدين التنظيم...ايه الجمهور كان هو المحرك للأمسية...والفقرات كانت دقه قديمه... شو كاراكتير وما بعرف شوو...لا والصوت...بنسمع حرف وعشره بنطويفووون!!! وهديك المسابقة تبع الطبق... ايه نشفتو قلبنا واحنا عم ننطور.. وكله كوووووم والمسابقة الثقافية كووووم.... الطالبات الله يسامحووون!!!! ما كانت مستاهله كل هالقد..ليضوووجووو... ويعلوو صواتووون!!!

خاطر: في ايشيا أنا معك فيها...يعني مو احنا بس إلي بنخلي الأمسية تنجح !!! في أطراف تانية!! يعني لو الجمهور تقيد بالنظام كان كول شي متل ما بدنا..وأوقات الضروف والوضع بيضيق عليك وما بتعرف شلوون تتصرف!!!

عبدو: بس كمحاوله كانت حلوه...وخصوصا فقراتها كانت متنوعة وأكتر من أمسية السنة الماضية!!!وأنا عن جد ضحكت...وفرفشت!!!

معتز: الأكل كمان كاان طيب!!! ايه يسلمووووووووووو

رياض: خخخخخخ بس لو كملت للاخر كنت رح تنسا إلي أكلته!!!

معتز: يا سيدي أنا بعرف انو هيك رح يصير...ونصحت الجمااااعه بلاااها بس ما حدا سمعني!!! خلو النسوااان تدير الأمسية كووولها وانتو تفرجووو!!!

عبدو: ايه شفنا ادراتوووون...بمسابقة الطبق!!!

رياض: شايف!!! انت كمان ما كان عاجبك...لكان ليش تضايقت لما قلت الحق!!!!

عبدو: انت قلت كل الأمسية ما عجبتك...

خاطر: طيب خلص خلص... مانا مستاهله...الأمسية وخلصت...ليش عم تتخانقووو!!!

رياض: أنا عم اعطيك رايي ميشان تتجنبو الأخطاء المرااات الجاية!!!

معتز: ايه ما رح يكووون في مراااات جاية...احنا مودعيييين خيوووو!!!

عبدو: ايه والله...شلووون نسيتها أنا هااااي!!! ايه يصطفلو إلي قالو مو عاجبتووون!!! يساوو هني الي أحسن منها!!! هههههههه

هنا يصل الشباب للكلية...تحديدا عن المصعد...يلمس عبدو الزر المستطيل...ليضيء الخط فوقه للأحمر...
ليبدأ الانتظار...في هذه الأثناء يصادفهم بشير.. وهو قادم من ناحية الأثنين!!!

بشير: السلام عليكوووم شباب!!!

وعليكوووم الشباب...وتبدأ المصافحة...

رياض: شو لوييين رحتو!!!

بشير: المزرعة!!! في غيراااا!!!

عبدو: برمضاااان....ومزرعة!!! ايه لييييش ما تحتجوووو

بشير: هههههههه نشف ريقنا واحنا عم نحتج!!! بس ما في فايده!!!

معتز: خليها ع الله خيوووو...

هنا يفتح المصعد...

كان مزدحما بالطالبات...

أفسح الشباب للطالبات الخارجات...

بقيت طالبتان.....وبشكل طبيعي...وقبل أن يغلق المصعد...اتجه الشباب..للدرج!!! ومع الصعووود...

بشير: شو ايمتا رح تاخدو الأجازة!! بالعاده انتو أول مين ياخدها!!!

خاطر: هالمرة التزااااام!!!

عبدو: بالأثنين عندنا لاب والدكتووور كتير متشدد!!! ما في خوااااص بتحضر يعني بتحضر!!!

يدخل الشباب لاب الكلية( مختبر الكمبيوتر)...الطابق الأول...

عند طابعة الطالبااات ازدحاام غير طبيعي... بحيث عرقل حركة الشباب وهم داخلون...


معتز في نفسه: شو...مانون شايفينا!!! ليش ما يفسحووو!!! هلق كول هدووول بيعملو برنت بزات الوقت!!!

وتعم الضجة اللاب...حين دخل معتز وخاطر علىىالشباب الجالسين...

السلام عليكوووم شبااااااااااب...

الكل: وعليكوووم السلااااااااااااااااااااااااااااااااااااااام!!!

أحدهم (وكان صعيدي تخصص...يعني سنة أولى تخصص): معتز...ويييييينك يا رجااااااال!!! كنت حكييييييييييييييييت انك بدك تروح بعد الافطار ...بس عن جد طوفت أحلى جزء... ايه يسملوووووووو خاااااطر!!!


اخر: ايه والله يسلموووو...مافي افطار ثاني!! هههههههههههههههه

خاطر: تكرم عيووووونك! وعيون كل الصعايده!! اليوم عند الجامع!!!

الشباب: هههههههههههههههههههههههههههههه

يجلس الشباب ليقابلو شاشات الكمبيوترات... والكل في شغله!!! (المودل)!!!...(ايميل الجامعة)...(جوجل)..(منتدى)...(أخبار رياضية)...(ماسنجر)...

وغيييييييييييييييييييييره!!! بس خلييييييييييها مستوووووووووووووره!!!


نهاية الحلقة التاسعة....
(لا تفهمونا غلط!!!!)

تحياتي/

فـــــــــــــــــــــــــــ خيـــــــــــــــــــــــــــــــــرــــــــــــــ ــــــاعل

أعزاءنا المتابعييين لأحداث المسلسل...

ها هو رمضااان يودعنا....

ومسلسل باب الحارة في كلية الزراعة...(سيعلن النهاية)

....
بس مشااااااااااااااكلنا...وأحداث الكلية...كل يوم في تجديد...
يعني لو أكتب عنها كلها ,,,, ما رح نخلووووووووووص!!!

وأتمنى الكـــل فهم المغزى من كل حلقة...ترا ما أكتب عبث!!! كل حلقة كان إلها سبب وإلها هدف!!!


.....
أشكركم مجددا ع التواااصل...

وأشكر كل من ساااهم في إثراء المسلسل بالردود المميزة... والتشجيع المستمر...

وفعلا في نااااس في المنتدى حماااااااااااااااااااس...

.....

(أخلييييييييكم مع الحلقة العاشرة...ومشكلة الخريجين عندنا!!!)

وهذه احتماااال تكووون الحلقة الأخيرة!!!

تحيااااااتي/ المخرج

فـــــاعل خير

الحلقة العاشرة؟؟؟؟؟

في أحد مختبرااات الكلية الخضراء...(بدون عنوااان هالمرة)!!!

تدخل لطفية...وخيرية...وهما تتجهان لمكتب الدكتور...أو التكنشن!!!

لطفية: مانو موجود!!!

خيرية: كالعادة يعني!!! شفتي!! قلتلك...

لطفية: ما بيصير هيك...احنا لازم نناقشو بالمشروع!!

خيرية: كل الناس عملو مشاريعون من دون ما يناقشوه...ليش انتي بالزات عاملتلي حالك فهيمه!!!

لطفية: انتي شو الي زاعجك بدي افهم بس!!! انا جابرتك تجي!! ايه لا تحكي انتي!!!

خيرية: أنا بكره كل الدكاتره...ما بطيييييييييقووون!!! شلون بدك ياني ناقشووون!!!

لطفية: ستي!! لا تحكي قلتلك!!!

صوت: خير..خير...صبايا...شو بكووون!!!

تلتفتان وأذا بها.."دلال"!!!

خيرية: دلال...انتي هووون!!!

دلال: كيقكووون صبايا!!!

وتبدأ المصافحة....


لطفية: وينو الدكتور؟؟!!!

دلال: ما بعرف!!! أنا من الساعة 9 هون وهو مانو موجووود!! بلكي عندوو ميتنج!!!

خيرية: يصطفل...

دلال: ليش شو بدكوووون منو!!!

لطفية: طالب منا مشروع بالمادة...واحنا لسه ما بلشنا فيه...عندنا شوية اسئله!!!

دلال: ليش ما تروحو عند التكنشن!!!

خيرية: مييييييييييييييين!!! مشيرة خااااااااانوووم!!! ايه ما فيني ع بهدلتا هي التانية!!!

لطفية: صحيح ...وينها هلق!! مكتبا كمان مسكر!!!

دلال: بلكي عند عدليه خااانوووووووووم...حاكم دايما بلاقيها هونيك!!!

خيريه: يا حبييبي! ناس عم تتسلى...وناس عم تتبهدل...

لطفية: هالبنت بدا تجنني...شايفه دلال..شايفه كيف عم بتنوفخ!!!

دلال: هههههههه

خيرية: صحيح دلال...انتي ما خلصتي سبيشل بروبلم!!!

دلال: شو اخلووووص..ايه لسه ما بلشت!!!

خيرية: شلون ما بلشتي...وانتي من السنة الماضية عم تبحلقي عيونك بالميكوسكووووب!!! ما حلك تخلصي!!!

دلال: والله ياليييت...ما صفي عندي غير السبيشل بروبلم...

لطفية: ليش شو الي أخرك!!!

دلال: كل ما اخلص شغله...بيسلمني الدكتور شغل أكتر وأدق..وبدو وقت!!! ايه صايره ما اخرج من هاللاب...بدي اخلوووص!!!

خيرية: ايه يبعتلو مية حمى أن شاء الله !!!

دلال: بس الشغل كتير حلو... يعني استفدت كتييير...

خيرية: ما قلنا شي!!! بس هيك رح تتأخري...معقووول تاخدي أكتر من ست سنين!! ايه لو أنا رح طق!!!

لطفية: ازا هيك...يا ستي رح طقي...حاكم احنا لسه ما بلشنا سبيشل بروبلم...وع هالحاله رح ناخوود وقت!!!

دلال: انتو مع مين بدكووم تاخدو...

خيرية: بيني وبينك ما بدنا مع ولا واحد فيهم!!! غلاااااز!!!

لطفية: لسه ما اتفقنا ع دكتور معين...بس محتارين ناخوود مع أبو مرزوق..أو أبو ابراهيم..أو مع سعاد خانوووم!!!

خيرية: خلاص ما بدنا أبو ابراهيم..مانك شايفة الوضع مع دلال..خلاص دليت دليت من اللست!!!

دلال: هههههه ازا بدكوم خدو مع سعاد خانوووم...شغلها مرتب..وحلو...وبتستفيدو...وهيه اسلوبها كتير حلو وأكابري.. والجريد رح يرضيكوووم بالنهاية..هيك عم اسمع من كول الي أخدوو معها من الصبايا!!!

خيرية: ازا هيك رح ناخووود معها...حاكم أبو مرزووق ما بطيق احكي معه!!!

لطفية: بس بيقولو أبو مرزوق شغله بيخلوص بسرعة..وبجريد حلو...

دلال: مو دايما...حسب المشروع!!!

هنا يدخل الدكتور...أبو ابراهيم!!!

أبو ابراهيم: السلام عليكوم... ويدخل مباشرة مكتبه...

الصبايا: وعليكم السلام

تتبادل الصبايا ابتسامات وغمزات...ثم...تنطلق (لطفية) و(خيرية) للمكتب...

كان أبو ابراهيم يتحدث عبر الهاتف...فاضطرت الفتاتين للوقوف في انتضاره...أخذت المكالمه وقتا طويلا..مما جعل خيريه تمل الوقوف..وتتمنى لو تجلس على الكرسي أمام مكتبه...

وبعد طول انتضااااار...

أبوابراهيم: شو في عندكوووم!!! (يبدو عليه الاستعجااال)

لطفية: دكتور..ميشان المشروووع..

أبو ابراهيم: شو بوو... كول شي واضح بالورقة الي استلمتوها بأول الفصل..

لطفية: ايه..بس عندنا أسئله...

أبو ابراهيم بضجر: شو!!!

لطفية وهي تفتح ملفها تريد اخراج ورقة....وخيرية تراقب دون تعليق

لطفية:دكتور شلوون بدك البروجكت يكووون!!! يعني احنا رح ناخووود البيانات..كل يومين...بس ع هيك حاله رح ناخووود أكتر من تيبل ..نحطوون كلهوون ولا ناخود بشكل عشوائي!!!

أبو ابراهيم: شلون يعني عشوائي!! كلن...كلن...ما بدها شي...اطبعيهون وخلص!!

لطفية: ايه..بس انتي طالب كييييرف...

أبو ابراهيم: كوووول شي بتاخدييه اكتبيه..وكول جدول بده كييييرف...خلص انتو كبرتو..وهاي الماده لفيل فوووور مو أي شي!!!


لطفية: طيب والبرزنتيشن!!! ما رح نلحق نعرووض كل هالبيانات ب10 دقايق...


أبو ابراهيم: لا... بتلحقي,

لطفية: دكتور...بس هيك كتير!!!

أبو ابراهيم: شلون يعني...كول الناس ما قالت كتير...شمعنا انتو بالزاااااات هيك عم بتقووولو!!!بس بدي افهم..فهموني!!!

لطفية وقد كرهت الوضع: طيب دكتور...شكرا!!!

أبو ابراهيم: الله معكووون!!!

وفي الخارج...

خيرية: والله وبكسر الهاء ما بدخل لهالمكتب مرة تانية!!!

لطفية: وااااضح انو بدو يمشينا من المكتب وبس..

خيرية: هاااي اخر مرة تطلبي مني ادخووول لهاد المكتب ها!!!

لطفية: رح تفوووتي عليه يا حلوه...شو نسيتي تسليم البروجكت!!!

خيرية: ما رح فوووت ولو ع جثتي...والبروجكت رح حطووو ع الباب!!! ماني ناقصه هز بدن!!! يالله امشي خلصينا!!

(نهاااااية الحلقة العاااااشرة)

حااااااااب أعرف تعليقاتم وآراءكم!!!

اسمحولنا...

تحياتي/ فـــــــاعل خير