تويت
هذه القصه منقوله بأكملها من إيميلي لافيه نقص ولا زياده وأتمنى انكم تقرؤونها لانها تضحك
(خذ وخل قبل كل شيء)
في يوم كنت اتمشى (انا ..................) ايه وشفيكم ليه ماصدقتوا يعني كل سفره بعلمكم فيها ماصارت المهم في مدينة
روما الإيطاليه من شارع الى شارع ومن محل الى محل وكان الجو جميل وبراااد <<<يقهركم... اسولف مع هذا واسأل ذاك
وشوي اشرب قهوه وارجع اكل عسكريم (ايس كريم) <<< مايحس له طعم الا اذا قال عسكريم.... ومره اوقف اتفرج
على اللي يشحذون و يسوون حركات استعراضيه (طراره راقيه وممتعه في نفس الوقت يعني تدفع بنفس راضيه)...
الحلو في الموضوع ان كل واحد في حاله ماحد له دخل في الثاني سو اللي تبي لكن لاتغلط على احد
(طبعاً انا يمنعني ديني واخلاقي اني اسوي مثلهم) ...
الشعب كله تقريباً يمشي وكل واحد منهم كلبه معه اعزكم الله كل واحد منهم يجر الثاني مادري وش حادهم على الشقى..
يمكن لانهم ماينجبون اطفال صاروا يفرغون الحنان المتراكم في كلابهم..
المهم وانا اتمشى مريت على هذي البوابه الكبيره
اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة
(خذ وخل قبل كل شيء)
في يوم كنت اتمشى (انا ..................) ايه وشفيكم ليه ماصدقتوا يعني كل سفره بعلمكم فيها ماصارت المهم في مدينة
روما الإيطاليه من شارع الى شارع ومن محل الى محل وكان الجو جميل وبراااد <<<يقهركم... اسولف مع هذا واسأل ذاك
وشوي اشرب قهوه وارجع اكل عسكريم (ايس كريم) <<< مايحس له طعم الا اذا قال عسكريم.... ومره اوقف اتفرج
على اللي يشحذون و يسوون حركات استعراضيه (طراره راقيه وممتعه في نفس الوقت يعني تدفع بنفس راضيه)...
الحلو في الموضوع ان كل واحد في حاله ماحد له دخل في الثاني سو اللي تبي لكن لاتغلط على احد
(طبعاً انا يمنعني ديني واخلاقي اني اسوي مثلهم) ...
الشعب كله تقريباً يمشي وكل واحد منهم كلبه معه اعزكم الله كل واحد منهم يجر الثاني مادري وش حادهم على الشقى..
يمكن لانهم ماينجبون اطفال صاروا يفرغون الحنان المتراكم في كلابهم..
المهم وانا اتمشى مريت على هذي البوابه الكبيره
اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة
وهذا الجسر يمر على نهر
الجهه المقابله من النهر
المهم ماعليكم نرجع لموضوعنا
وانا جالس ادربي راسي لفت نظري وجود شي غريب على هذا الجسر المفروض مايكون هذا مكانه ابداً لكن وش جاب هذا الشي هنا؟!!!
شفتلي بنت عندها طاوله عليها عشرات الاقفال اللي هي موضوعنا!!!
وجع!! ::لا
وش يسوون هذولي؟
وشهيله هذي الاقفال؟
هذا وش جابه هنا؟!
لكن قلت يمكن هذا البنقالي سمع ان الراجحي في بداية حياته كان يبيع اقفال وصار الحين مليونير وناوي يسوي مثله
رحت للبنقالي, على قولتهم وجه تعرفه ولا وجه تنكره
سلمت عليه
وكنت مستحي اسأله عن هذي الاقفال لانه كان وضعها طبيعي بالنسبه لهم ولا فيه احد مستنكر الوضع
قلت له انت عايش هنا من زمان
قال لي 15 سنه وكان يتكلم لغه البلد بطلاقه
قالي انت سعودي (طلع ذهين)
قلت ايه
قال انا اشتغلت في السعوديه قبل 15 سنه لكن الحين نسيت اللغه العربيه
المهم قلت وش تشتغل الحين
قال ابيع اقفال
تمام وصلت للي ابي
قلت له ليش تبيع اقفال؟
قال عشان اي واحد يحب وحده او يبغى يهدي زوجته هديه
!!!
قلت له يهدي حبيبته او زوجته قفل؟!
قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواسير المنتشره على الجسر وبعدين يرمون المفتاح في النهر
قلت ليش هذا كله؟
قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل
بعدين قالي انت ماتشوف المواسير اللي على الجسر كيف مليانه من الاقفال واشر لها
انا طالعت للمواسير وذهلت من المنظر شي مهول اعداد هائله من الاقفال على كل ماصوره وكل عمود
وكل زاويه وفي اي مكان يصل له القفل
طلعت الكمره وصرت اصور العمدان والمواسير في كل مكان الين تعبت
.
.
.
.
بعد مانتهيت من التصوير ناداني البنقالي
قالي ماتبغى تشتري قفل
قلت لا
قال ماعندك زوجه
قلت الا عندي
قال خلاص اذا تحبها لازم تشتري قفل وتكتب اسمك واسمها والتاريخ عليه وترمي المفتاح في النهر
الصراحه احرجني
وقلت بالمصري (مابدهاش) وبالنجدي (مامنهاش)
وشريت القفل منه وسوالي تخفيض علشان صار صديقي وكتبت اسمي عليه اسمي بلحالي
والتاريخ لكن مارميت المفتاح في النهر تركته معيوهذي صوره قفلي
.
.
.
.
تم حذف الصوره لاسباب امنيه
تدرون ليش مارميت المفتاح؟
لاني الصراحه يمكن احتاجه في يوم من الايام
تعليق