إعـــــــلان

***MONA*** · 30-01-2005, 01:53 AM

ايه يا بنات مش ليكم فى الطبيخ و المطبخ ؟؟؟؟؟؟؟؟

**Naughty Girl** · 30-01-2005, 10:03 AM

ســـــــــــ

ــــــــــلام

هلا أختي منى

بصراحة دخلت موضوعك بالأمس

بس إنت تريدي طريقة الرز العماني العادي ( أي الرز الأبيض ) و طريقة الرز القبولي

بالنسبة للبهارات بصراحة ما اعرف مكوناتها بس بسألك ماما عنها

لأني آخذهم جاهزين من عند الأهل :D

المهم

بالنسبة للرز الأبيض

أولا طبعا تغسلي الرز زين و بعدين تنقعيه بالماي لمدة لا تقل عن ربع أو نصف ساعة

بعدين تحطي ماي بالقدر ( كمية الماي تكون ضعف كمية الرز)

و تحطي الملح و القليل من الزيت عشان ما يلصق الرز بالقدر

و إذا تريدي تحطي معاه القرفة و القرنفل و الهيل للنكهة

بس يكون احسن لو تحطيهم مصحصحين ( يعني ما مطحونين :D ) و بعد ما يغلي الماي

المهم و تنتظري الماي لحد ما يغلي بعدين

تصفي الرز من الماء و تحطيه بالقدر و تخليه يغلي شوي على نار وسط ما عالية طبعا لا تنسي تذوقي

الماي لمعرفة إذا كان الملح كفاية أو لا

بعدين تخففي النار عنه لما يكون الماي أقل من مستوى الرز

تنتظري شوي و تخففي النار كثير و تغطيه لحد ما ينشف الماء تماما

~-~-~-~-~-~-~-~-~-~-~-~-~-~-~-~-~-~-~

بالنسبة للقبولي ففيه عدة طرق و تختلف من شخص لآخر

و انا نفسي اسويها باكثر من طريقة عشان سي السيد :D

بس راح اعطيك الطريقة السهلة و بعدين راح اكتب لك الطريقة الثانية اوكي

طبعا الرز تغسليه و تنقعيه بالماي مثل ما قلت سابقا

بعدين الله يسلمك

تكوني مقطعة بصل شرائح طويلة و جزر و بطاطا و فلفل حلو و ممكن كوسه حسب الرغبة

بعدين تحطي زيت بالقدر و تحمسيه ( يعني تقليه بقليل من الزيت و تستمري بتقليبه حتى لا يلصق

من فترة لفترة حتى يذبل ) و ممكن طبعا تضيفي له المكسرات حسب الرغبة

و لما تذبل كل الخضار تضيفي البهارات اللي هي بزار قبولي و الملح

و لأنه ما عندك بهار القبولي فتحطي له بضع حبات هيل و قرنفل و قرفة

للنكهة و تضيفي له طماطم مقطع و تقلبيه حتى تذبل عان يعطيه لون

و من ثم تضيفي الماء و تنتظري لحد ما يغلي و بعدين تصفي الرز من الماء

و ترميه بالقدر و تتبعي نفس الطريقة اللي فوق

بس ممكن تقلبيه قبل لا ينشف الماء قليلا عشان يتخلط

و بالهناء و الشفاء

و الطريقة الثانية راح اكتب لك إياها المرة القادمة

و هي طريقة تشمل قبولي الدجاج و اللحم

بس عاد عذريني بصراحة ما خبيرة بالرز :p

تخصصي محاشي و فته و بيتزا و الذي منه

على فكرة ممكن تعطيني طريقة محشي ورق العنب و الملفوف عندكم

لأني بصراحة احبه بالنكهة المصرية و لحد الحين ما عرفت كيف اوصل لنكهتكم

**تراب عمان** · 10-04-2005, 09:36 PM

هلا وغلا عزيزتي
بالنسبة للبهارات العمانية فكل اللي راح أذكره تخلطينه مع بعض بكميات متساوية ما عدا الفلفل علىحسب الرغبة ويطحن ناعما
السنوت ( الكمون )
القرفة ( الدارسين )
الجلجلان الحب
الفلفل الأسود
قليل من القرنفل
وقليل من الهيل

وأنا تحت الخدمة

إعـــــــلان

طلب صغير ...... ممكن

طلب صغير ...... ممكن

تعليق

تعليق

تعليق