شكرا قرنفوولي على الموضوع ..

وعجبني الفيديوو .. واكثر شي ضحكني الردود في يو تيووب ههههههههههه دايما احب اشوف الردود هنااك

المهم.. الوفاء ..
بشكل عاام .. الصديق الوفي يعتبر استثمار ناجح مدى الحياة .. ولازم تعرف تختار الاصدقاء زين ..
وبعدها برأيي لازم تقدم اللي عندك وما تتوقع المقابل .. في النهاية يرجعلك كل شي ..
اذا بتكلم عن اصدقائي بشكل عاام في منهم المقربين وفي النص نص وفي اللي ما نلتقي الا في السنة مرة ..
و احيانا هالبعيدين عني احس انهم اوفياء اكثر من القريبين .. وأحس اني مقصر معهم كثير ..ولكن احيانا الظروف تحكم ..

بشكل عاام الصديق تحت اي ظرف من الظروف ممكن يخطأ .. وما في منا احد معصوم من الخطأ .. وممكن يخطأ خطأ كبيير قد يراه البعض انه لا يغتفر .. انا تعلمت فحياتي انه مافي خطأ ما يغتفر .. وكل شي ممكن يتصلح ولكن مع بعض الحذر مستقبلا ..وطبعا شي مجحف انه نوصف الناس بعدم الوفاء او شيء من هذا القبيل بمجرد موقف حصل ..
فصدقوني يا جماعة الناس طبايع .. وكل وااحد وطبعه .. وممكن شيء انته تشوفه عااادي وغيرك يعتبره من الكبائر .. وممكن شي انته في وسط مجتمعك او المحيط الخارجي اللي تعيشه تعتبروه تصرف غير وفي .. ولكن في اوساط اخرى يعتبر شي حده كوول .. فمايصير بعد نحكم على الناس بدون ما نعرف الother side of the storey

مرت علي فحياتي مواقف يكون فيها اصدقاء متزاعلين .. وحد من الاطراف حااط فكرة فباله وما يريد يغيرها على انها هي الصح فلا يسمع ولا يريد يفهم ..فهذلا الناس فرقاهم عييد لأنه بإختصار ما يقدر الصداقة والعشرة اللي تقضي انه الواحد يسامح اللي اخطأ.
فإنت يا صديقي القرنفوولي اذا حصلك موقف مشابهوحكمت على غيرك انهم غير اوفياء حااول تفهم الجانب الاخر من القصة .. وحاول تسوي delete على الفكرة اللي فبالك وتسمع للطرف الثاني .. وياخي اذا قالك آسف ..شتبي بعد .. قدر هالكلمة لأنها من اعظم الكلمات في الكون وما اي حد يقولها .. واتوقع انه اللي يقولها دائما يكون يقصدها.
وبعطيك مثال .. واحد من الربع من عاداته انه ما يلتزم بالمواعييد .. يعني يا انه يتأخر او انه ما يجي ويعطيك عذر اقبح من شكله (سوري ابراهيم .. انا احبك بس لازم اقشبك شوي عسب تصطلب وتستوي رجال ) فيوم من الايام كان عندي حدث مهم واعتمد عليه انه يسويلي شغلة معينة.. وكنت حدي دسبرت عليها .. وكان الموضوع مهم جداا عندي لدرجة حياة او موت .. فطبعا ابو الشباب ما رد على تلفونه .. ونتصل فيه وما يرد ..ولا حضر .. المهم .. يعني كل الامور ضده .. فلا هو سوا اللي اتفقنا عليه ولا اتصل يقول انه ما بيسوي ولا انه عطانا خبر من قبل ولا شي .. بالاضافة الى سوابقه القديمة من عدم التزام and whatsoever ..
المهم يوم التقينا بعدها في الكلية انا كنت معصب من الموقف .. وابو الشباب عطاني اعذاره واعتذر فأنا فكرت بإتجاهين .. يا أني اقووله هذة عادة من عاداتك وانت ما بتتغير واحاسبه على اخطائه نقطة نقطة .. او اني اتبع الplan B

اولا خلينا نتكلم على الPlan A ..اني اعاتبه واحاسبه على اخطائه وليش ما جا وما اتصل وما سوى اللي قلت عليه... انا بقوول كلمة بيرد علييه .. بحاسبه على اخطائه وبيحاسبني على اخطائي .. بننتهي نهاية انه كل واحد يجرح في الثاني .. ولا واحد راضي يقتنع بأسباب الثاني .. والمشكلة ولو كانت صغيرة بتفتح مواضيع كبييرة وبيكبر الموضوع وبينتهي الى نهاية ما كانت هي النهاية اللي انا بغيتها يوم فاتحته فالموضوع .. ناسين او متناسين .. انه الله فووق .. وهو يشوف ويحاسب كل على اخطائه .. والحين (استغفر الله) جيت انا اخذ مكان ربي اني احاسبه .. وافسر الموقف على اللي اريده وعلى ناسي او متناسي اني ما اعلم بالغيب وما اعرف شو الاسباب الرئيسية اللي خلت المشكلة تصير .. ومعتمد على مجرد سوابق ممكن تكون تغيرت في شخصيته ...
عموما ما بكمل لأنه اتوقع الفكرة وصلت ..

الPlan B .. هي حل الامور وديا ..وهي اللي اتبعتها .. وهي اني امسح كل الافكار اللي فراسي وافتح عقلي اني اتقبل مبرراته .. قلتله يا فلان .. ترا انت ضريتني فهالتصرف .. وانا اعتمدت عليك واحرجتني .. وايش هي اسبابك .. قالي كذا وكذا وكذا ...
على كل حال .. حتى ولو كان يكذب انا ما مسؤول اني اكذبه وعلي بالظاهر ... وفي النهاية قلتله حصل خير والمرة الجاية بعتمد عليك وبعطيك فرصة ثانية ..
طبعا عاد هو بطبيعته .. يا يستغل الفرصة الثانية ويثبت عكس التوقعات .. او انه يخورها ...
وانا اقولك حتى لو خارها بعد يستحق فرصة بعدها .. لين ما تتأكد انه هالشي عنده عادة .. وبما انه صديقك في النهاية لازم تتقبل عيوبه مثل ما تتقبل ميزاته .. وتعامله من هالمنطلق ..
اما انه نحكم عليه بالخيانة او عدم الوفاء او حتى الكذب .. فما اعتقد هالشي صحيح لأنه هالصفات قوية وماظن يصلح نطلقها على احد الا يوم يثبت جدارته بإستحقاقها مع سبق الاصرار والترصد ..


عموما انا تكلمت واجييد واتوقع انه الفكرة وصلت ..