السلام عليكم

كل عام وانتم بخير اهلنا في عمان

كل عام وانتي بالف خير الجرح العربي

مشكورة على جهودك الجبارة بالمنتدى

بارك الله فيكي على توصيل صوتنا المحاصر الى اهلنا في عمان

انا سئجيب على اي سؤال تقومون بطرحه الي


1- من يقوم بحفر الانفاق وكم يبلغ عمقها تقريبآ ؟؟؟

نحن شباب فلسطين نقوم بفحرها وبالاخص شباب رفح الصمود رفح
التي عانت الكثير بوجود الاحتلال وبعد رحيل الاحتلال رفح التي قدمت الاف الشهداء
رفح الجريحة التي ضحت باكثر من منازلها فداء لله ولفلسطين

بالنسبة للعمق حسب التربة الموجودة في النفق

يعني في انفاق عمقها من 8 متر حتى 32 متر
بالنسبة للنفق الي بعمل فيه انا عمقه 27 متر وطوله 1200 يعني كيلو و200 متر


2- ماهي المواد التي يتم جلبها من الانفاق وماهي الصعوبات التي تواجه شباب الانفاق ؟؟

المواد الي بتدخل كل ما يخطر ببالكم من حديد ومواد غذائبة ومشروبات ومن مواد البناء بجميعها ومن مستلزمات البيت
من فرش واغراض المطبخ وكل ما يخطر ببالكم

الصعوبات الي نوجها هي لما نكون بنزل مثلا جرار غاز بنخاف انه يسير فينا متل ما صار باصحاب النا
انه تنفجر بالنفق وكمان البنزين والتنر يؤدي الى حالة الاختناق وكمان لو صار شرط كهرب بالنفق
مثل ما صار بالامس باحمد الاسطل رحمة الله عليه توفي يصعقة كهربائية

3- هل أصبحت الانفاق وسيلة لكسب لقمة العيش وهل ماتكسبوه جراء عملكم في الانفاق مبلغ يكفيكم ؟؟؟

نعم هي الوسيلة الوحيدة الحالية لكي نكسب لقمة العيش ونكون حالنا من ناحية يكفينى الحمد لله بس هاد
على حساب راحتنا وصحتنا وعلى حساب وقتنا يعني انا بعمل بالنفق هلا من بعد الفطرة لغاية السحور
بعد رمضان بعمل 14 ساعة والحمد لله صبري على حالي ولا صبر الناس عليه

4-لقد أعلنت مصر سابقآ مسؤوليتها عن القيام برش الانفاق بمبيدات سامة استشهد خلالها أكثر من شاب ؟؟ فلماذا تقوم الحكومة بذلك ؟؟؟

نعم رشت مواد سامة وغازات تحرق الجسد حرق تقوم بذلك حتى تثبت للعالم انه مصر ضد الانفاق وكمان مشان ترضي الراي العام واسيادها امريكا
بس كمان بحكي الهم فضل علينا لانه عندما يبلغوا الحدود المصرية بالاخلاء مشان بده يسير قصف الجنود ببلغونا اخلاء من المنطقة حتى نخليها
هي النقطة الوحيدة الي بعملوها معنى خير بس الي بقع باديهم يا ويلي عليه غير التعذيب 15 سنة سجن

5-ماهو شعورك وأنت في الظلام وحدك في النفق ؟؟؟؟

شعور عادي اشي وتعودنا عليه بس الاشي لكبير وهاد صار معي انا شخصيا لما نحجزت تحت الارض ما يقارب 8 ساعات
انا وكمان 3 شباب وتشوف الموت بعنيك عارفين بنحس الثانية سنة بس ربنا الي بستر والخير والبركة بشباب الانفاق
ما بقصروا بسرعة اتواجدوا وانقذونى بومها النفق هال يعني وقع ونمنا يومها 4 ايام بالمشفى والحمد لله


اي سؤال انا جاهزاخواني واخواتي

ان شاء الله
اذا اقدرت حصور على عمان في النفق وحاول ابعته الكم

هون

بارك الله فيك أخي قلب فلسطين النابض

لانعلم ماذا نقول وماذا نفعل وصت هذا الصمت الذي ألبسنا عارآ ،،سوى الدعاء لكم بالنصر القريب

ننتظر تعليقات الاخوة والاخوات

ان شاء الله
اذا اقدرت حصور علم عمان في النفق وحاول ابعته الكم

هون

يا الله

حقا لا أدري ماذا علي أن أقول
أشعر بأن العبرة تحنقني...

لا أتخيل كيف أنكم مضطرين لمواجهة
هذه المخاوف كل يوم...

أسأل الله الكريم أن يجزيكم صنيعكم هذا
وأن يكتب لكم بكل خطوة تخطونها حسنة...

نصركم الله...

آمين يارب العالمين

ليس هنالك شئ إسمه صعب على أبناء غزة

ماذا عسانا ان نقول ؟؟!!
اخوي قلب فلسطين النابض استمروا و الله معكم
استمروا لأنكم انتم من يستحقون الحياه بالفعل استمروا و اعلموا انا معكم
استمروا و اعلموا انتم الباقون و الباقي مجرد مارون مثلما قال درويش
و اعلموا انا نستحي من انفسنا لأنا بالفعل مقصرين اتجاه فلسطين .. و اتجاه اخواننا الشعب الفلسطيني
و الله وحده العالم .. انا لم نعش في فلسطين و لكنها عايشه في قلوبنا
الله يساعدكم و ينصركم و الله انكم رجال من ظهور رجال
و انشاءالله العروبه كل العروبه تستفيق من سباتها و مصر تفتح معبر رفح
و و عد الله بإذنه قريب..

اهلا بك اخي الكريم

بدايو احب ابارك لك.. فأنت من محظوظي شبكة عاشق عُمان..

فلقد حظيت بشرف ان تكون صاحب العضوية 100 ألف في الشبكة..

لذلك نتمنى تواصلك الدائم في الشبكة دائما وابدا..


اخي العزيز..

ماذا يقوم الصهاينه بالفعل عندما يكتشون تلك الانفاق؟

ما هي نوعية المؤن التي يتم نقلها من تلك الانفاق؟


دمت متميزا معنا في عاشق عُمان

تحياتي لك

ماذا يقوم الصهاينه بالفعل عندما يكتشون تلك الانفاق؟

اخي الكريم الانفاق مكشوفة للكل مو بس لليهود بس اليهود
بتسلوا فيهن اتسلي يعني على مزاجهم كل يوم والتاني بدمروا كزى نفق
بس كل ما يدمروا نفق بنعمل بدالهم بنفس الوقت يعني بصراحة بنتحداهم
وربنا الي بستر

ما هي نوعية المؤن التي يتم نقلها من تلك الانفاق؟

شو ما يخطر ببالك كل شي من مواد غذائية




مشكورين على ترحيبكم بيه كاخ الكم هون بالمنتدى

بارك الله لكم وثبتكم على الحق