وعليكم السلام ورحمه الله و بركاته

أنا من الاشخاص اللي أهلي أختاروا طريقي أو هم السبب فاللي وصلت

له تخصصي ومكان الدراسه حتى المواد فالثانويه والمجال

فالبدايه كنت أصيح وعصبت وايد وزعلت بس لمتى الزعل والحزن

مو من عوايدي أسمح للحزن يتغلب علي بديت أفكر فالاشياء الحلوه

والايجابيه والحمد لله مرتاحه ألحين بس هذا مو معناته أنه ما كان لي أي قرار

أو رآي ما أنكر أن أهلي شاوروني وأخذوا رايي بس حسيت أنا القرار كان لهم

مو لي بسبب العادات والتقاليد والبنت ما تسافر بروحها والتخصص ما ينفع لج كبنت

فالنهايه وافقت شو أسوي ما أبي أيلس فالبيت حاطه يدي عخدي بعد كل سنوات

الدراسه وهذا حالي وحال وايد بنات ...........بس ليش لا ما الاهل عاشوا أكثر منا

ويعرفوا وايد نحن ما نعرفه عن الحياة بس لازم ننتبه لنقطه جيلهم غير جيلنا

نستشيرهم ونشوف آرائهم وآرئنا وين الاتفاق والاختلاف عالاساس هذا نتخذا القرار

وعادة تكون رآيهم وقرارهم صحيح أوافق عليه .....

يسلموووو عالطرح الجميل تقبلي مروري

مشكورة اختي , بس هالايام ما اعتقد في اهل يفرضون اشياء على ابنائهم خصوصا بالدراسه يمكن ينصحون ويوجهون عالتخصص الاحسن بس ما اعتقد بيرفضون لو اقنعتهم باسلوب عقلاني ,,, بس اذ في احتمال وصار تحاول تفهمهم السالفه واذ اصروا فاكيد ما راح ازعل هلي عشان تخصص لانهم اكيد يهتمون لأمرك اكثر من اي شخص اخر عشان كي بيكون اختيارهم بصالحك ويمكن ما تدرك هالشئ الا بعد الدراسه

أهلي يعطونا حرية الإختيار في الأول والأخير هذه حياتي مش حيآآآآآآتهم ...

موضوع جميل...أختر طريقي بنفسي و أخذ راي الاهل في ذلك

انا من اقـــــــرر طريقـــي وما افعـــــله

وانا براي ان هذه هي حياة الــفرد وله الحرية في الاختيار و هذا مستقبله و هو من سوف يكون مؤل عن تصرفاته و افعاله .

تسلمي اختي على الطرح .

طبعا ها شي خطير اكثر مما نتوقع.....
سمعت من واحد من الربع ان طالب ياباني
انتحر لأنه ابوه ارغمه على اختيار الطب و هو ما يحب المجال.....
و بسبب كثرة الضغط و التفكير يسبب هالشي في الحالات النفسية
و يمكن انه يؤدي الى افكار جنونية مثل الانتحار....
و طالب كان يدرس ف الهند القى بنفسه من فوق البيت بسبب
ضغوطات الدراسة....
طبعا هالشي محزن جدا....
و لو الاهل فعلا مهتمين في عيالهم طبعا بيشوفوا سعادة العيال
طبعا محد بيجتهد ف شي ما يحبه او ما يعرفه....
لازم الواحد يفهم اهله و يأكدلهم انه جدير بأنهم يوثقون فيه......

و عليكم السلام ورحمة الله وبركاته،...
اممم انا مااحب احد يدخل في حياتي وقراراتي يمكنالاستشارة وهذا طبعا ،،لازم اخذ راي الاخرين
لكن اتخاذ القرار والطريق طبعا لازم انا الي اتخذه
يعني المفروض الاخرين يحترموا القرارا ... مو كيفهم
بس عاد المشكلة اذا ابوك وامك رافضين...انا مااقدر يكونوا امي وابوي زعلانين مني
بس ايش اسوي ؟ عاد خلي يجي الموقف وان شاء الله ماانحط في مثل هذي المواقف بس عاد بشوف كيف اتصرف يعتمد ع الموقف او اقرار

بسم الله الرحمن الرحيم ،
السلآإم عليكم رحمة الله ،

الحيآة مسارات وسبل ،
والأناس .. شخصيات مختلفة ،
كإختلاف طرق الحيآه ~ ،
فهناك من يسعى وراء هدفه دون الإصغآء للآخرين ،
وهناك من يستعين بغيره لاكتساب المعرفة ،
وهناك فئة ، الإمعة ، لا رأي لهآ في قراراتها ،

طريقي ~ أنآ من أسلكه ،
أخطط لحيآتي بمفردي ،
بالاستعانة بالغير طبعاً ..
ولكن والحمدلله .. لي قرار في ذلك

دآمت أنآملكم تنزف الروآئع ،
دمتم بود ~