أهلا وسهلا
اقول ايه عشان اقدم لهذه الضيافه
عموما سنتابع احداث الضيافه على تسلسل .

التسلسل الاول


الساعه وحده ونص بالليل
ويمكن الساعه اثنين
او ازيد كمان
وأنا فى عز النوم
رن جرس الباب رنين طويل
قلت بعفويه فى نفسى قبل ما أقوم
استر يا رب يا رحمن
وجريت بسرعه حد الباب
وقلت مين مرتين
سمعت صوت اوى تخين
غريب مش صوت حد من الجيران
يقول بسرعه افتح الباب
فتحت وانا لسه بين صحوه ونعاس
لقيت عالباب خمسة شباب عرض وطول
بيديهم بنادق وعيونهم بتشبه عيون الغول
قلت خير يا أطيب الناس
انتو عايزين مين
رد عليا اوسطهم بكلمتين
انته فلان بن فلان بن فلان
ايوه انا هو المواطن الغلبان
فيه أيه إن شاء الله خير يا أفنديه
خير قالها ثانيهم وثالثهم قال عايزينك شويه
بس انتو مين عدم المواخده وليه السلاح
وايه اللى جابكم عليا
اطمن كده وارتاح
رد الرابع بكامل الثقه والحيويه
احنا من جهاز امن الدوله
شهقت وقلت امن الدوله
وطى صوتك ويالا روح ويانا فى جوله
امشى معانا ساعة زمان
وحترجع لبيتك بكل امان
بس يا بيه على ايه اروح معاكو
يمكن عايزنك هناك شاهد عيان
حأشهد على أيه يا بيه
وأنا ما اعرفش حاجه عن اى إنسان
أنته حتمشى معانا بالهداوه وأنت ساكت ممنوع الكلام
وألا نخلى الاسلوب مقلوب ونمشيك بالعافيه والقوه وبلا احترام
حاضر حامشى بس اغسل وشى من اثر نومى
اغير هدومى
ما عندناش وقت للغسل والتغير كمان
حط الكلابشه فى ايديه يا عتريس
حاضر يا فندم
واعصب عينيه يا أنيس
تمام يا أفندم
وشالونى بالبجاما
ايديا وراء ظهرى وعينا معصوبه
وركبت بوكس العربية كإنى فى غيبوبه
والدنيا حوليا شايفها سوده كإنى واحد من العميان

نتوقف هنا وننتقل إن شاء الله لغرفة التحقيق وما دار هناك .. بس بعد ما نستبين التفاعل مع حالة المواطن المسكين .

لنا لقاء إن شاء الله

وآها

ع.ع