إعـــــــلان

تقليص
لا يوجد إعلان حتى الآن.

جــــــرس !!!

تقليص
X
تقليص
 
  • الصفحة لـ 2
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • #1

    جــــــرس !!!

    طقطقه
    همسات عاشق
    مر في لحظة كآبة
    صوت دافي
    ومزهرية
    فوق شباك المواعيد القديمة
    تنتظر وعد السحابة
    ..
    تنتظر
    تنتظر
    تنتظر ...



    مو حزن ... لكن حزين

    الكلمات الدلالية (Tags): لا يوجد
  • #2
    لا يفوتك
    جرحي الليلة نزف حد الثماله
    وين صوتك
    شاعرك من كبرياءه جالس الليله لحاله !!
    وأنت تدري عن غروري
    ما يموت
    ينجرح بس ما يموت !!
    شفت أسراب الجراح ؟؟
    مو بطوله تجتمع كل ليله فيني
    مو بطوله
    هذي أردى صورة في ألبوم البطاله !!
    ..
    حلقت ذكراك فيني .. في الضلوع
    يشتعل فيني حنيني .. والدموع
    والسوالف
    والسكون
    والمروحة وليت النيون
    كلهم يحكون عنك
    عن برودة هالمواني دون صوتك
    لا يفوتك
    جرحي يسولف لحاله
    والله جن !!
    وصاحبك تطري ع باله
    والله حن !!
    لصوتك الدافي الحنون
    وبسمتك
    همس الشواطي
    والمزون ....



    مو حزن ... لكن حزين

    تعليق

    • #3
      هذي " مساء الحب " يا القلب العنيد
      ما هي تملق أو كذب / ما هي ريـا
      توصـل إلى عـندك وتـدخل بالوريد
      وتعـيش في قلب امـتلى كله ضيا
      فارقتني والحـال ما به مـن جديد
      غنيت لك " ياللي يشاغبك الحـيا "
      وشلون حالك وأنت عن حضني بعيد ؟
      قـلبي من الفـرقا غدى كله عيا



      مو حزن ... لكن حزين

      تعليق

      • #4
        هذا أنا .. غصنك
        أشعلني الليله
        يمكن بعد تدفى
        يا العاشق الأوفى
        يا الممتلي بالـ "ايش ؟"
        ( الحزن ماله ريش !! )



        مو حزن ... لكن حزين

        تعليق

        • #5
          شاعرك يا غاده ~ ينزف من البارح
          الحزن جلاده ~ مجروح مو جارح
          من زمة مهاده ~ لين استوى جامح
          خانوا به أضداده ~ مو عارف يسامح
          قهوة شقا ساده ~ من همه الطافح
          هذا الشعر زاده ~ في عمره الكالح
          سبتيه يا غاده ~ مجروح مو جارح



          مو حزن ... لكن حزين

          تعليق

          • #6
            أنطيني جروحك وأنا اهدي لك فـَراش ~
            مو حلوة استانس ولي صاحب حزين !!



            مو حزن ... لكن حزين

            تعليق

            • #7
              انهمر
              المسافة بيني وبينك شبر
              وانت أجمل
              والله أجمل
              من رحل عني وحضر !!
              ..
              ما عليّ من الغياب
              ولا عليك من الحضور
              ما بقى للبوح باب
              ولا بقى بالنور نور
              ..
              يا التفاصيل الكثيرة
              داخلي
              يا المعاذير الكبيرة
              عن غيابك
              شنطتك قبل الرحيل
              جرح يوقف بي ببابك
              وانتظر
              يمكن تمر بجانبي
              وألقى دليل
              وما أشوفك
              وأشتعل سيجارة الأشواق
              وتطفيني بطفاية ظروفك !!



              مو حزن ... لكن حزين

              تعليق

              • #8
                أزرعك في ضلـعي وينـبـت حنين
                وتقلعه هذي الظـروف ، وأزرعـك
                ليتني أكسر مجـاديـف الـسـنـين
                وليـتني بالـذات مـا بـين أضلعك
                يا بصـيص النور في عين السـجين
                ليـتـني أبـقـى أنا كـلي مـعـك
                لو جرحتك شـفت أنا العـالم حـزين
                كيف أنا بنـظرات عيني أوجـعك ؟!!
                لو لـهـذا الشــوق صدقني يدين
                يحـضـنك وسـط الشتات ويجمعك
                يسرقك - من حب - هذا الياسمـين
                يغـسل خـدوده بضـحكة مدمـعك
                ما أبي تـعـرف ولـو لحـظة أنين
                لو يضيق الكـون عـيني توسـعـك
                ما زرعتك / يزرعك فيني الحـنـين
                وأشعله .. ليـن امتزج كـلي مـعك



                مو حزن ... لكن حزين

                تعليق

                • #9
                  في كل صـبح يوشـوش الحب لعيونك "قوم قوم"
                  وانته كسـول وكل مـا في دنيـتي يـشـتـاق لـك
                  أتـعـبـتـني انـطر خيـالك وانـت أجـمل م اللزوم
                  واخترت من دافي الحنايا في الهوى ما طاب لك
                  وريحـتـني لمـا تكـيـد أعـداي وتـغـيـظ الخـصوم
                  تـطـلب من عـيوني وكـل حـاجه تـبيها تجاب لك
                  ياللي يضيع الوقت عندك بين ميك اب والهدوم
                  أرجوك ضيع لو دقيقة عـند شخـص احــتـاج لك



                  مو حزن ... لكن حزين

                  تعليق

                  • #10
                    كيفك الليلة حبيبي ؟
                    ما طراك الشوق ؟
                    ما هزك حنينك ؟!!!!!
                    صار لي عامين أنطر لو تجي
                    وانت غايب ..
                    علم قليبي حبيبي ليه غايب ؟

                    من خيوط الشوق أنسج لك حنين
                    وأنت غايب .. والعمر ما عــاد فـيه
                    خـذني لعـينـك ، انا جــداً حــــزين
                    أو خذ أشــــواقي وسو اللي تبيه



                    مو حزن ... لكن حزين

                    تعليق

                    • #11
                      حزني رفيقي .. وصمتي كان سجـاني
                      صدقني العـمـر مـن دونـك ولا يسـوى
                      عزلت نفسي عن أحــبــابي وخـــلاني
                      لأن الحنين بداخلي من كل شي أقوى



                      مو حزن ... لكن حزين

                      تعليق

                      • #12
                        كسرت بخاطري يا الانتظار وما عليك قصور
                        لك الشكر الجزيل وتبت يدينك من أفعالك



                        مو حزن ... لكن حزين

                        تعليق

                        • #13
                          ما دامنا أغراب
                          ما دامك تخوني
                          لا تسألي الأبواب
                          من سكر عيوني !!



                          مو حزن ... لكن حزين

                          تعليق

                          • #14
                            اتخيلي
                            انسان يسألني
                            بعد عشرين عام وسبع
                            وش وفرت ؟
                            وأجاوب :
                            محفظة فيها 3 ريال
                            بطاقة للهوية
                            وكم خمسين
                            لزوم الشاي والمخبز
                            ولا اسأل على بكره
                            ويسألني :
                            معاشك وين ؟
                            معاشي وين !
                            أقول
                            الراتب البارح وصل
                            والبارحه خلص
                            ويسأل
                            طيب وبعدين ؟
                            اهو باقي لنا بعدين ؟!!
                            أنا وفرت يا سيدي
                            درازن ادوية ( ....)
                            حساسية أنف
                            ضجر نصفي
                            اذا قالوا لي
                            يا مسكين !
                            ..
                            أنا وفرت أوهامي
                            وأنا أحلامي أصنامي
                            بصدري نهر من طيبه
                            وشفني للأسف ظامي
                            ..
                            وتخيلي
                            ما عندي الا الشعر
                            وجاني سائل ٍ يشحت
                            قسمت الشعر
                            ما بيني
                            وبين اللي سأل
                            نصفين
                            وبعدك تسألي
                            " وبعدين " ؟؟

                            ...



                            مو حزن ... لكن حزين

                            تعليق

                            • #15
                              بعض أحيان
                              أحس بحاجتي لإنسان
                              يسمعني
                              حنون وأشتهي صمته
                              ينسيني
                              العنا والهم
                              ويزرع داخلي
                              وردة
                              وتسقيها عروقي
                              دم
                              بعض احيان
                              أحس بحاجتي
                              لــ الأم !



                              مو حزن ... لكن حزين

                              تعليق

                              السابق 1 2 template التالي
                              يعمل...
                              X