إعـــــــلان

**mysteriousgirl** · 02-01-2010, 12:22 AM

2010

هذي مضت الايام و احنا افترقنا ..
صار الذي أرّق جفوني من الخوف ،

اللي نسانا و هوْ ما زال معنــا ...
واللي قسى و اجحد و اعذاره "ظروف"

واللي رحل و ارسل طيوفه و جنّـا
واللي بلا جيّة ولا أيّة طيوف ...

احنـا نصدق اللي نبغيه احنا ..
و احنا نقرر وشهو للعقل معروف

فالفين و تسعة ياما عشنا و شفنا
شيٍ يسر و شي .... خلوه بالجوف

و ان شاء ربي و طال فيها عمرنـــا
فالفين و عشرة ياما بنعيش و نشوف

**mysteriousgirl** · 02-01-2010, 12:47 AM

آلملم اوراقي و احطها بـ شنطتي ..
بنفس الثواني اللي يدق فيها الجرس

لآزم اراجع اللي خذته بحصتي ..
ولاّ ترا مافيه قيمة اللي اندرس .. !!

ايه هالكثر اشتقت حصة أبلتي ..
الصبح / الطابور / و ( ما اسمع نَفَس )

يوم الحلمْ / فرحة / و براءة ضحكتي ..
يوم الحزن مَ اتجرأ ايقرب لي بس ...

يوم انّي احسب كلّ شي هو دنيتي
يومي انا بـ الفعل هي مستيريَس ... ~

**mysteriousgirl** · 02-01-2010, 06:09 AM

\

صبآح أحلى عذاب البرد
مَ دام ان الدفآآ إنتـه ....
/

**mysteriousgirl** · 06-01-2010, 01:08 AM

دموعي تختنق / و اكتم حريق الصمت
كثر مَ احتاج ابوح و أكررررره الشكوى ،

\

يثور الضِيق بي .. و اتنفسه لآ زلت ،
و عين الإنكسآر الطآغية .... تقوى ،

/

أعرْف اسباب حزني و كل ضيقة كنت
و احس الضيقة هذي .. بلا سبب يسوى

\

و تسأل هل يضيق الكون بي لا رحت ؟؟
تلّفت كل ما حوولك نطق :: أيوا ا ا

**mysteriousgirl** · 06-01-2010, 01:20 AM

خلّها ما بين نفسك .... و بينك !
انّه خذل ودّك ... و بعثر ظنونـك

لو كان يهمه وشهو قدره بعينك
مآ كان أصلاً طآح منها عيونك !

**mysteriousgirl** · 06-01-2010, 04:41 PM

يخوّفني الكلآم .... وْ يرعبه صمتي ،،
\
و اضيق و لو تضايقت ، ايتضايق ... !!

**mysteriousgirl** · 09-01-2010, 12:35 AM

يكّسر خآطري قلبي و هو نآيم مثل الاطفآل
حسآفة لو صحى بجرح شعوره يوم أحكيله ،‘

\

اكيد انه فْ حلم وردي اتتحقق فيه هالآمال
يشوف الدنيآآ تهديه الوفآآآ و يلمسْه يحليله

/

صبآح الجرح يا قلبي ‘ صباح الوآقع المحتآل
صباحٍ من كثر حزنه حسبت ان ابتدى ليله

**mysteriousgirl** · 13-01-2010, 09:40 PM

من كثر ما أكتم و اطآلع في سكوت
............................ صآر الورق أقرب من قلوب الأنام
/
ومن كثر ما أكتب شعر صار إله صوت
............................ حتى غدآ أسهل لي حتى من الكلآم

**mysteriousgirl** · 13-01-2010, 10:19 PM

ما تركني الحزن وحدي

وآفي دايـم لـ العلآقة ،،

وآجبي ابقى بقربه ..

ذوق .. و إحسآن و لباقة

لا تشيلي هم قلبي

بنقذه من إحترآقه ..

مآ خذلتيني و ربي ،،

بسّ خانتني الصدآقة !!

**mysteriousgirl** · 13-01-2010, 10:42 PM

و الحـزن لآ زار عيني تنهمر منها قصيدة
كل حزن ادري معآه ان القصايد رآح تكثر

والقدر جالس ف قمة حآط خده فوق ايده
ينتظر عين التحدي لجل يقهرها و يسخر

**mysteriousgirl** · 13-01-2010, 11:04 PM

!! Ouch

جرحك معآند يمثل كبّــر سنّه ،،
بين بآقي جروحي هذآ لي هلآك

الحكي عن طعنتك مفروغ منّه ،،
بسّ بسأل ، كلّ أشيائك معآك ؟؟

كلّ م انتفّس ،، تخز القلب طعنة
قلت يمكن نآسي سكينك هنآآآآك

**mysteriousgirl** · 24-01-2010, 10:20 PM

حتى انا بِي مثلهم قلب خآين ،
لآمن وفوا له رد بإنكار و جْراح

/

مآ غيري بجرحه لقى أي صآين
وللحين يخذلني و إلى عندهم (رآح)

**mysteriousgirl** · 25-01-2010, 08:16 PM

/

صباح ال "يحضن" أعواد الثقاب بإيد مغلولة
أخذتوا كلّ أعواده و سألتوا عن سبب برده

\ مثل قآتل يمر الصبح يناظر قبر مقتوله /
و يقرآ الفاتحة و يترك على تراب القبر ~وردة~

**mysteriousgirl** · 29-01-2010, 02:41 AM

تدري وش اللي يغرس جروح و احزان ...؟
يكســر شموخ الشخص و يآخذ سنينه !!

عُمر الغلا اصغر من اعمار الانسـان ..
هذا سبب حزن النفوس الحزينة ..!

م اكبر عذاب اللي يضّحي لــ أزمان
و يشوف قدره يموت قدام عينــه ..

إعـــــــلان

كلّ حزن أدري معآه ان القصايد رآح تكثر ،

كلّ حزن أدري معآه ان القصايد رآح تكثر ،

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق