وايد مستغربهه من الوضع و سوالف الموظفين ويا الموظفات ، يعني قاعده بالمكتب و لعندي واصل الضحك و السوالف
يعني صح زملاء عمل بس كل شي و اله حدود ، كلام بخصوص الشغل وبس ضحك وسوالف والله مستغربه
كيف صوتهم جذي واصل ، يعني احينه هذي اللي طاقه ميانه وياهم زوجها يرضيه ! ، و نفس الشي الريال
زوجته ترضى يسولف ويضحك ويا وحده غريبه ! ، صج دنيا ما منها أمان ..

ما فيه شي اسمه غيرة يعني لو تغار على زوجتك ما بتسوي جذي لان الدنيا دوارة وشرات ما تسوي بيرد لك يوم من الايام
كل شي تسويه ياخذ له لفففففه ويرجع لگ

فِي رِحَاب أُمي ..

الصَبَاح الذِي يَأتِي بوَجه أمّس
يُشبه الجنّة كَثيراً
يُشبِه نَعيمَها و أمنهَا و أَمانها
حتى أنّ لأُمي جنّتان
وَاحدة تحتِ أَقدامِها
و أُخرى فيْ قِلبهَا .. () !

'





القوة اللّي تحس فيها وأنت
ترفع يديك لله , تلح بدعائك له وتكرره كثيرًا
الثقة التي تملي عليك هذا الإلحاح
وتهمس لقلبك: الله قادر , الله قادر هذه
وحدها هي قوة بقائك في هذي الحياة , هي
الملهمة و المنقذة , هي الصبر و اليقين
بأن الأشياء المستودعه لرب العباد لا تضيع ابداً ، استودعتك يا الله كل مَ آخاف فقدانه.


الحمد لله حاسهه براحة بشگل گبيييير مدري شو مصدرها ..

تصبحون على خير ()!

أقرب رفيجه لي هي من أيام المدرسه واليوم عندها عمليه في الراس ، عندها ورم سرطاني ، وايد حزينه ومتضايقه عشانها
و دموعي في عيني أحس أي لحظه بصيح ، ربي يقومها بالسلامه إن شاء الله ..

#







قِلتْ بقسَى ، و أنسى ، وأضحَگ ..قَبل لَا أكمّل بَكييييييييييتْ ..()!

‫الوجع . . . ليس في البكاء دائماً !
بل بتلك التنهيده التي تكاد ان تنتزع روحك بعدها

#






يصبحني ب صباحك وَرد .
و اصبحہ ب صباحي انت مابي الورد !
يضحَك زي كل مرّه : ي مجنونہ ؟
شفيہ الورد ؟ عطرَه ، ملمسہ ، لونہ .
احبّ الورد واحب اجمل عناوينَہ '
و ارد اقول : احب اللّيل ، و احب حتى حروف اسمہ ،
و احب الهيبہ فِ فجره '
يجاوبنِي و بوجهہ ضيق : م احب انك تحبينہ !
- دخيلك فضّي هَ السيره

#













أَبوي هُو ضِحكتيْ لَو كِل هَالعالمْ حَزينْ ..() !

أمس حلمت حلم غريب وايد معرف كيف يعني لمن صحيت حسيتني لازم اصفع نفسي ، لكن استهديت بالله
سمعوا هذا المقطع ، ما شاء الله الصوت

صوته يطفي حُزن قلبك-
http://is.gd/BBsbCX -

كان وايد عندي مقاطع بأصوات حلووه ولكن فرمت الفون

'




وَ تلكَ الأماني التي خبأتُها بقَلبي وَ ارتفعت إلى السّماء أعلم أنك يا إلهي ستجعلها واقعاً مُحققاً يُفرحني يوما !❤️

-قالت : سأعيش مَن دونه سأبقى صَامدة ، لن يؤثر بقلبي حّب وآشتياق لن آخضع و بضحّكة مُتلخبطة مع نبرة آلبكاء ماهو الحّب؟ شىء لا يستحَق منآ العناء,وكأنها قالت للذكْريات عودي، ومن ثَم وضعت رآسها على الوسادة مليئة بالدموع وقالت -اشتقت ٳليه-.

من رواية [في حيرة حُب] .

@''~

.*













: الإشتياق مدينه رماديه:شوارعها مُتعرّجه ، هواؤها ضئيل ، حدائقها شاحبه ، سكّانها مشردين و هاجروها أناس گانو منتظرين#.

قبل يومين سرت السوق أشتري اغراض للعيد و سايره ويا أخوي أنا وأختي و أمي
و قاعد يسألني اخوي انتي شو سايره تسوين قلت له بشتري هديه حج صديقتي بعدني ما كملت قلت هديه حج صدي.. وجان ينازعني
باغيه أقول هديه وميكب وعطور خخخ
هزبني بقووه انتي طول عمرج بس تشترين هدايا وتحسبيني فاضي لج وأنا منصدمه بغيت اصيح ماحب حد ينازعني
وزعلت قلت له خلاص ما بروح لا توديني ههههه ما أرمس طول الدرب معصبه ليش يقول جذي وبعدين اشفيها يعني
وموليه ما رفعت راسي متضايقه فيني صيحه لمن وقف السياره ع طول جدام السنتر هههه ضحكت اول شي وصلني انا
يعني تتنازع ع الفاضي مادري ليش لازم يتنازع بيوديني لكن لازم يهزبني
وعاد مره صدعوني وانا اشتري خذيت هدية لرفيجتي مال شموع واعواد الريحه وحركات ورد مجفف وشي معرف شو اسمه هههه
يععني استحي أروح عندها وما ماخذه لها شي فضييييييحه والله عيب عليي اصلاا ، وعقب سرت اخذ ميكب بس بغى راسي يتفجر
امي واخوي حاشريني بسسرعهه وبسرعهه موليه ما خذيت راحتي
وحتى كنت ابي اروح اشتري عود دهن وبخاخ لكن ما ودوني
واحينه معصبه وقايله لهم ابي اطلع ليسن خلاص انا أرمس بكل جدية وما أتغشمر والموضوع ما يضحك موليه
اونه من أقولهم يقعدون يتمصخرون علي اختي اصغر مني وتعرف تسوق ليش أنا ما يعلموني
قلت لأختي مره علميني قالت غرور سيارتي أروح فيها الدوام ههههه ومره قلت لأخوي ما رضى ولمن اختي قالت له عطاها السياره
يضايقوني يوم ما يعلموني

#











البَدو لَا عَافوا القَاع يَمشونْ ..()!

-








كُل الأَحادِيثً المُكتَضّة بقَلبي أحْكِيها للّه فِي سجُودي ، دَمعتيْ ، أَلمي ، إنكَساري
وِ كُل الأشيَاء السيئَة التِي أَشعر بِها وحدَه يعلمَها ، وحدَه يرىْ دُموعي كُل ليلَهه
وحده يَعلم كَيف أشقُ السّعاده مِن أَصعب أَبوابها ، وَحده يعلَم مَا خلفَ إبتِسامتي
و كِثرة أَحاديثي و ضحكَاتي ، وَحده اللّه يعلمْ مَا يختَبأ فِي قلبِي ..

إن مع العسر يسرا ..

تُصبحون عَلى خيرْ ..() !