حبيبي عصفوري .. عصفوري الجميل
يطير يطير

اليوم كنت بصعد ع السطح و في غرفه الدرج يعني اللي يودي لفوق شفت عصفور كيووت مررره
بغيت امسكه و ما قدرت
بااااغيه عصفووور


اتذكر لمن كنت صغيره كنت أصيح باغيه بطه و ارنب هههههه
و سار أبوي و اشترى لي البطه لونها أبيض و الأرنب رمادي
كنت طول الوقت قاعده عندهم اعطيهم اكل وماي

ماعرف شو العقل اللي فيني مخلني اتخبل عليهن هههههه

يالله يالششعور القبيح اصحى من الفجر عسب اروح صحار اتعلم سياقة يعني والله تعععب
باغيه اطلع الليسن و أفتك بس مشكله ماروح وايد
الاسبوعين اللي مروا كنت مريضه

اول مرة تعلمت لمن ركبت السيارة ابتسمت المدربه وقالت لي انتي وايد صغيرونه عقب عطتني مخده :قلب منشطف:
حسيت ويهي صار أسود هههههههه .. لنا الله
نعم انه ما مصدقين اني متخرجة اوين كتكوته وايد هههههه
اصلا عادي

انسانة مزهرية طبعاا ما ترمس حد بس توزع ابتسامات ومستحيه مادري من شو ههههه
ياخي ماعرف اسولف ويا أي حد اول يوم ساكته حتى ريجي ناشف ما تكلمت
اخر شي رمستني وحده هههه رحمتني بس سألتني انتي بلوشيه قلت لها لأ قالت شكلج بلوشيه خبرتها قبيلتي وبس
يعني 5 ساعات قاعدين هالكلام اللي قدرت تنطقه المزهريه هههه

نامي نامي ماشي وقت حبيبتي ههه

-





ابتسامة انتصار
ربما ليس بعد .. انتظر النهاية فقط
سينصفني الله ، لن يظلمني و لن تذهب دموعي هباءا منثورا
في الحقيقة أشعر براحة كبيرة و أشعر بسعادة كبيرة أيضا
فأنا على ثقة أن كل ما يحدث خيرا لي و ان كان عكس رغباتي
فأنا لا أرى كل شيء .. هناك أشياء جميلة لم أعشها بعد
ان كان للعمر بقية ستطوق حياتي بفرح يجعلني أبكي من السعاده
قريبا جدا سترى أحلامي النور
لك الحمد ربي على حلو القضاء و مره
كونوا بخير !*

_






- أحتاج لمفاجأه أصك راعيها كف من الفرحه����\z/ .

-
ما دمتُ في كفِ الرحمن آمنًا فَكيف أخشى من المقدور يؤذيني سلمتُ أمري للرحمن واثقًا بأن ربي سيكفيني ويحميني ويعطيني ����.

أخـي المواطن

تجنباً للإشاعات ...
أوقف حامد البراشدي الذي بداخلك ��

صباح الورد و الكادي و عطر النرجس الهادي

:فيس محمرات خدوده:


اليوم :قلب منشطف: ضحكت عليي المدربه ليما شبعت ع حركتي هههههههه
مادري مااااادري اشياني اونه أسوق السيارة وفجأة وقفت نص الشارع و الحرمة مستغربة وقفت و اشر ع الشارع تحت عصفووور عصفووور
هههههههههه طالعتني منصدمه قالت علامه
قلت لها اخاف أقتله هههههههه .. ضحححححكت من خاطرها قالت ما بيترياج بيطير و فعلا طار و طار عقلي وياه ههههههه
انا خايفة ادعمه و أعوره والا اقتله
كان الجو حلوو متعلمة بووقت قبل الساعه 7 و العصافير وايدات حبيباتي
حلوات و صغاار وايد بريئات أحبهن

من الاحاسيس اللي مش حلوه ان احد يطرش مسج عقب يغييب و تحس ان المسج الثاني مهم هههههههههه
بس باغيه ارقد وما رايمه اترياها ترد هههههه .. تعبانه راقده 2 ونص و صاحيه 4
اونه اخوي قومي سوي معكرونه معصبه عليه نصايف الليالي انا ف المطبخ
قلت له عن تقول لي هاي آخر مرة قال اذا تعبانه برايج ما احب احد يطلب مني اسوي شي و أرده
ذليته بس عاد هههههههه بس جد كان حيلي منهد مخلصه شغل البيت ويزيدني بالطبخ
اونه شغالتنا سفرناها الاسبوع الماضي والله مزهريه ما شغاله ههههه
مرة كنت اعلمها تغسل الملابس .. يابت كرسي و قعدت تطالعني و انا اغسل هههه
اختي لمن يات ميته ضحك قالت منو الشغاله قلت بس قاصر اسير اسوي لها مساج ع هالتمغيطه ههههههههه
علوووه لعبي لولووه .. وانا مكرووفه .. اول امس مسويه العشا
كفتة دياي طبعا داشه المطبخ 4 ونص ومخلصه الساعه10 ههههههههههه
ولاه بعد مدمممره من خاطري دمرت الخلاط معرف كيف احترق ههههه يطلع ريحة لين احترق هههه
وكل مره اسوي شي وامي وابوي هناك آخر شي لمن كنت اقلي الكفته شايله المقلاه انقلها انصب الزيت ع كبر المطبخ ههههه
ابوي هزبني قال هذي آخر مره تسوين عشا خلاص و امي يات وانصدمت وانا ميته ضحك تقول احترقتي قلت لها لأ قالت انتي خايفه عليج انا ههههههههههه
و قعدت الساعه 12 اغسل المطبخ بجف و واشين مال الحمامات عشان يروح الزيت ههههههه
بس ع قولتهم تمشي وتدمر عادي أصلا : فيس محمرات خدوده:

موليه ما لاعيه ههههه


يااارب يصير اللي في بالي
يارب يارب

يالله حلاااااااة الجووو خاصة على السطح هههههه .. ربي يديم حلاوة هالجو و يزيده
نتضارب أنا و اختي اونها تقول هالجو يليق به اغنية الجو روعه و كل شي صاير جنان .. وأنا معك يا صاحبي اروع اثنين
و أنا أقولها لأ ههههه لايق له اغنية فضل شاكر و يارا
خذني معك بالجو الحلو خليني معك أسرح يا حلوو ..
هههه احينه هذي قضية نتضارب عليها !!!
المهم أنا اليوم مولية ما طبيعيه متبرين مني ف البيت ههههه ع قولة اختي بسج عاد هذي ما حركات وحده كبيره
فلت لها منو يقول اني كبيره ! بعدني صغيييره هههههههه
و الضحك و السماجه ما الها عمر معين > عارفتني أقوول درر
المهم اليوم كنت ازين اكواب وشوكات ووسكين حق ملجة بنت جيرانا باجر ان شاء الله
ههههه سسويت فيونكه مال كوبه معوقة هههههه
بنزل الصوره اهني للذكرى المميته هههه

ههههه لمن خلصت قعدت اضحك من خاطري
المهم ترا صح انه بسيط بس متعوب عليه
جم ساعه بس قاعده أسويه .. امس سرت السوق و خذيت هالاقمشه والدانتيل و الكريستال
المهم ترا ف الطبيعه اححلى
الكوب اللي فيه فيونكه سودا حقه و اللي بدانتيل ابيض للعروسسهه
و الشوكات نفس الشي هههه
و بس جذي السالفهه

العام نفس هالليله كانت اخر ليله نبات في السكن
كانت بججد روووعه اصلا ما رقدنا و لا ذاكرنا بعد ههههه
كنا بس نضحك ونلعب ونسولف نصه الوقت لعب و نصه مذاكره
عاد ما مصدقين انه بنخلص .. اتذكر المكان اللي قاعدين فيه
و كانوا ربيعاتنا ٣ انتقلوا غرفتنا اخر الايام .. عشنا ٥ في غرفه
بس للنوم يعني بس جد كانت ايام روووعه وما تتعوض
مشتاقه هبالنا و صراخنا ف السكن و مشاكلنا مع المشرفات
و الضرابات اللي ما تخلص هههههه
ع قوله وحده من المشرفات في حياتي ما مرت عليي شلة نفس شلتكم ههههه
ربي يسعدهن في الدارين

و بي ألف شعور لا يقال

ليلهه سعيدة .!*

����
الناس لمن ترجع من مكان و تعبانة ترقد .. و أنا كأني معطاية. منشطات هاليومين بالغصب فاتحة عيوني ما طايعه ترقد هالعيون
راجعه من الامارات مييييييته تعب �� لكن ما رايمه أرقد حاطه الفون عسب بس ما يطير النوم و تفاجأت اسمع الأذان��
و يعني مدري شقول
اونهه سايره أشتري حق العيد مابي في رمضان أروح أسواق��
تسوقت من خاطري�� .. هالعيد أحسني فقرت أبوي��
حبيبي باباتي والله��
اخوي حليله ما قصر كل حين يودينا مكان و تعبانه اقوله خلاص باغيه ارجع البيت ريولي تكسرت��
آخر مره مودينا دبي بعد اشتري حق العيد كنت بصيح من التعب و لمن رجعنا فصلت��
كانوا باغين اسكت ما رايمين هههههه وهالمره لمن سايرين كنت محششة من صدق
اخوي يهددني ينزلني من السياره������
باجر اذا حد فكر يصحيني بوقت بذبحه هههه
اختي هالاسبوع عندنا .. لمن صحيت اليوم لقيتها ف الغرفة
قالت لي صباح الخير يا حلو هههه وانا اطالعها بنص عين
قالت بسم الله اشفيج مبوزه ههههه يعني مثلا بصحى من النوم ميتة ضحك !

ههههه فيني ضحكه هستيرية .. الحمد لله
احمدوه اخوي يقولي حشا انتي كله تضحكين نعم اني مسكته من كشته ونفضته
قلت له قول ما شاء الله عن ادوس لك في بطنك ههههه
وايد أليفه أنا أصلا ههههه
خلاص عافك الخاطر للصبر آخخخر
ون تو ثري
سلييييييييبنج :فيس لابس برقع: