سرت عرس بنت عموتي اليوم العرس بااارد جدا و القاعة فاضية محد فيها
حاطين اغاني فيروز و اغاني لبنانية هادية جدا كان الناقص
نكون على جبل اخضر وجدامنا زيتون و لبنة ههههه > مادري اشدخلهن

في مرتن من المراير هههه اقصد المرات هالسالفه المهم صايرة في رمضان
حنا متعودين عقب التراويح نروح نمشي طبعا بالبدايه مشينا في مكان بعيد عن البيت عقب استهدينا بالله وقمنا نمشي خلف بيتنا بس هههه
المهم في هذاج اليوم كنت انا و الشله < طبعا كلهن بنات مدارس
نمشي في مكان بعيد عن البيت و ظلام و يخوف و فجأه نسمع صوت كلب ينبح
قسم وقف قلبي خلاص ميتين خوف
قلت لهن سمعني محد يركض وقعدت أتفلسف عليهن
قلت ان لمن نخاف الجسم يفرز هرمون الادرينالين وهذا الحيوانات تشمه فينا لو خفنا
ف عسب جذي امشن بسرعه بس لا تخافن و تركضن قلن تمام 😂
ونمشي بسرعه بسسرعه
وفجأة ما يشوفون غير غبرتي🏃😂😂😂
شليتها بركضضه وهن يركضن والكلب يركض والصوت يتقرب كنت احس مصيبة بتصير
كنت اتخيل يفزعون لنا هل الفريج😭 ويعرف ابوي بنغيب منه 😭
عقب وقفت قلت لهم لحظة وشليت نعالي ف ايدي وركضت زيادة😂
وهن يركضن مسكينات اخر شي وصلنا المشكله المكان بعيد هههه .. واصلين ولا وحده قادرة تتنفس
كل ما اتذكر السالفه اموت ضحك😂 هههه كيف خونت فيهن اقولهن لحد يركض و انا اللي ركضت
و هذي ما اول مرة تصير نفس هالحركة واقولهن لا تركضن و أنا اللي اركض هههههه

سيجعل الله بعد عسر يسرا ليس لها من دون الله كاشفة
[ الحمد لله ]

قاعده أشرب نسكافيه عسب أصحصح وما أدعم الأوادم ههههه

مستحيييل كيف الرطوبة اليوم متتتتتتنا حححر
اللهم أجرنا حر جهنم
ألبارحة ماخذة بندول نايت عسب أرقد طبعا أمي لو تعرف بتخبر أبوي و بغيب
باغية نومي يتعدل رقدت 12 وصحيت 3 ماقدرت ارجع انام
عيل هذي حالة !
الحمممد لله ..

-




قِيل ليْ يَوما : أنتِ قويّة لَم أكُن أَعي معنَاها
كُنت أَعتقِد أنّ مُرادِف القُوة قَسوَة لَا مُبالَاه ..
وَ أيقنت أَن القوّة تَكمن فِي قَلب مَهما تَهشّم لا زَال يُعطِي .♥!*

14/ رمضان
في الذاكرة ..

😭😭😭😭 شو هالنظام ابو الزفت باغيه اعدل نظام رقادي
شو مصحيني احينه 😭😭😭😭
الناس خلاص تصلي و ترقد
انا تعبت نفسيا من هالحاله حتى حبوب منوم ما فايد موليه
استغفر الله بسس

😍😍😍نفاااف و الجو خورااافي نيالنا الصاحين صراحهه هههههه
خاطري أسوي أسوي ريوق و أقعد برا في الحوي و شسمه لكن ماعرف حتى اسوي شاي🏃

[ مدينتي الفاتنة يبدأ صباحها بمطر ].♥!*

ههههه ما اقصد اني ما اعرف كيف يسوونه الشاي هههه
اعرف انه حليب وسكر و ليبتون و اضافات هيل او زنجبيل أو زعتر
لكن ما اضبطه اذا سويت شاي لااااازم الطعم معوق ههههه بس مرة وحده صح سويته حلو
ف الشتا كنت كل يوم اسوي لهم المغرب كرك او هذاج اللي فيه كاسترد و حليب و الحبه الحمرا ماعرف شو اسمه
المهم فيه مرة سويت دلة شاي كرك اونه تقريبا كانت ثاني محاوله لي موليه ما حلو
و امي و حرمة اخوي قاعدات بالصاله يبت اكواب وصبيتهن لهن و احلف عليهن يشربن ههههه
و لمن خلصن اصب مرة ثانيه يقولن خلاص ما نبي لكن منوو يقول ما خليتهن الا مخلص الشاي المعوق ههههه
اميه تشرب و تقول هذا شاي هنود هههههههههههه
أيام السكن كنا نسويه في المايكرويف أيااام ياخي هههههه
عقب استهدينا وقمنا نسويه في الهيتر ههههه

"من مشكلاتي بالحياة إنه عندي سرعة رد صاروخية في المواقف اللي المفروض أنطم فيها🔥.

_






اشرب على فرقى المحبين غوار مثلج بعد🌚🚶🏼.

"‏ودي امسك نفسي شوي واقولها ترا مو كل شي يضحك خلاص يافله 🌞💦

هههه هذي أنا اضحك دائما في أوقات غلط حق العيد مفشلتنهم ما يبوني اسير اسلم وياهم هههههه
سرنا ثالث العيد صحار نسلم على عماتي المهم سرنا بيت عموتي اكبر وحده المهم داشه صالتهم اضحك ع موقف صار برا ولد عموتي و زوجها من شافونا طاروا هههه
مستحين و أنا داشه اضحك ع اشكالهم وفي الصاله بعد كانوا كلهم قاعدين وحن ندش ونشوف الاوادم تطير ههههه
وداشه و أنا بعد ي ليتني اضحك وبس أعلق بعد هههه ولمن اطالع يميني أشوف واحد واقف مستحي هههههه ما وحى يشرد خخخ
هذي اول مرة اشوف عيال عموتي ههههه بس ما رمت امسك نفسي يات حرمة ولدهم تسلم و أنا أضحك واسلم وخواتي يطالعوني بنص عين هههه
والله أعاني من الضحك في أوقات غلللطط

متى تعرفين انك فقدتي الأمل في النوم ؟
اذا حطيتي رجل على رجل و انتي منسدحة 👽💦


#وضعي حاليا ههههههههه 😂😂😂
أحسني سكرانه خلاص🍷🍷 ههههههه
خلاص مابي اعيش ع الكرة الارضيه😭😭 .. لازم ينفوني😩😭
ودوني القممر ☺🏃

-








ابتَسِم سَيعوضُك الله و سيُسعدك .()!*