يضايقك !
لو جييييت " أطمن " خإططري
و أسأل : وش مضآيقك ؟!
لو جييت آلملم غيرتي ’ وأقتل | بشوفتك حييرتي !
ليييييه غآيب ؟!
وددك تعرف وش أسوي لآفقدتك ؟
لآتطممن
مإبي خلآف إلآ إني كِل مَ أسسهى | لمحتك
لو تعرف ش : سوت آلدنيإ ‘ ب : حبيبك
تتألم !!
صعبة ة ة ة لآمن كإن عنك ’ يحتمي بك !
وأصععععب / إنه ه ( مسستحي ) حتى يتكلم
تصصدق !
إني آلبإرحة ة ة . . نآدديت قلبي ,
ومإسمعتك !
قلت : أخإف إن فيك ششيء
قمت أنآدددي ب : أعلى صووتي
أستحلفك ’ حتى ب | موووتي
ليييين . . إنجرحت ’ وبيين ب : وجهي سككوتي
وعززت أنفإسي علي
يآآآآآآآآآه . .
يإني ودددي أبككي ب : غيبتك بس مآقدررت
يمكن عشآنك صرت أغلى من دمووعي
جيت أببكي !
منتهي بس مآبكيت , ويمكن عشإن إللي بقى منك
ب : ضلوووعي ’
كل مآ أتنهد " نخإني " وإسستحيت
بس وربي / إللي خلللق لي طيبتك قد مآ أقدددر ( صبرررت )
وقد مآفيني . . . إنتهييييييييييييت !

مســآء آلــيـآسمــن...}



اممممم مـررررره مستــآآآآنسه حـــــدي وربي أحس الكــون مب وآسعني من آلفرحه

احم اليوم ب آلتحديد صار عندنا كآئن حي يديد ف آلبيت هع

خخخخ صرت خالـــوه واااو حمــاااااس وربي مب مصدقه مووول

>>> بخلي حد يصفعنــــي

هع أول حفيد ، فديته ولد أختي ربي يخليه لنا ان شاء الله

مادري ش اللي يصبرني لحد ما أوصل البيت؟؟

هههه بتخببببل من الفرحه ، يااااي وناااااسه بيصير عندنا ياهل

خخخخ على قولة أمايه ( الله يعينه عليج ) عارفه اني ما راح أتركه مووول

يا عمـــري والله ، طبعا أبوي اهوه اللي مخبرني هههه عاد شوي اتمصخرت عليه

أول ما رمسته قلت له : هلا والله ب اليد (الجد)

قال : مــا علييييج ..!

هههه مب عايبه أونه اهوه بعده صغيره توه ف الأربعين خخخ

ودي أغااايض أمايه وأقولها انج كبرتي هههه ما يعيبها مووول أونه بعدها صغيره

طبعا حاشره الدنيا أرسل لهم مسجات محلفتنهم أول وحده يرسلون لها الصوره أنا

احينه قاعده اترياهم ... عساه يكون ذرية صالحة ويكون بار بوالديه


احين اختبارات ومادري كيف بذاكـــر؟؟!!


اختبار فاينل مب فاينل ان شاء الله نازله البيت اليوم...×

دعواتكم ... ولد أختي ف العنايه المركزه
حسبي الله عليهم بسبب غلطة طبيه
الياهل مب عارفين مصيره احين ..
يا رب تشفيه وتقومه بالسلامه


وربي مضااايقه حييل

يادموعي مامليتي وإنتى تطيحي
من عيني تعبت وانا اداريكي
وإنتي تفضحيني تكفيين لاتطيحي
لاتطيحي..

مب عارفه شسوي مخنوقه حيييل ، قاعده برا ودي أسير عند أختي بس أحس

بصيح جدامها ، حالها ما يسر مول تمثل انها قويه وصابره بس أدري

داخلها منهاره هذا ضناها مب أي حد من أمس واهيه أحسها ف عالم

ثاني أمس من سمعت الخبر انهرت ما قدرت أمسك نفسي طول الدرب وأنا

الدمعه ف عيني ، جنت واصله أمس بوقت ف سرنا عندها ع طول المشفى

لما شفت عيونها خنقتني العبرة مره ذبلانات من الصياح ، وأمي بروحها

بصوب تصيح ، عصبت عليهم جدامها يصيحون واللي يدش يسوي عزا و

يطلع اهيه محتاجه حد يونسها ويصبرها مب حد يصيح جدامها ويزيدها هموم

، جنت أسولف وأضحك عندها والحمدلله وااايد فرحت لما شفتها تضحك

والله حسيت اني أكبر ممثله أمثل اني عادي وأنا يايه من السكن صايحه من

الخااطر ، ا بس جان ودي انها تضحك وأشوف بسمتها على شفاها ما يهم أنا كيف

اليوم الزيارات ف بيتنا من الصباح بس أختي جانت هادية وايد

بسسس صيحتها بنت عموتي الصغيرة يات تركض وقالت حج أختي :

خالوه وين النونو؟؟!!

ساعتها انهارت ما قدرت تتحمل ما جانت متوقعه هالشي بس الحمد لله ع كل حال

قسم اني مقهوره الياهل ما فيه شي بس هالناس ي اللي ما عندها ذمة ولا

ضمير من متى مستشفياتنا فيها الخير؟؟!!

بسبب غلطة ممرضه الياهل احين حالته ما يعلم بها غير ربه وما خلوا علة ما

قالوا فيه أول ساعه ما جان فيه شي جان بخير الحمد لله بس لما يوا يسوون له

تنظيف مدري وشو بعد اغلطوا حسيبهم الباري ، وربي من البدايه قلت حج

أختي سيري الفجيرة والا مشفى خاص لكنها جانت تقول ان شاء الله ما راح يصير

شي حليلها ما تدري ببلاوي مشفى (.....) آآآه ي القهر لو أشوف هالممرضه

ي اللي مسويه هالشي وربي راح أدخل عسو داخل خشمها وحلجها عسب تعرف مره

ثانية تنظف خشم الياهل ودي أهفها ب طراق لين ما تبي غيره ما خبروني أمس ف

المشفى والا جنت بدورها نعم يخلصني وبتلها من كشتها ، وين قسم الاخلاص ؟؟

، اليوم اللي ايي يعق دعوتين على المشفى ويطلع ، اللي مب بيده شي عاد

حتى والله ف الآخر قعدت أضحك ، الحمدلله ان عندنا أمل بالله وان شاء الله ما يخيب أملنا

يا حبيبي والله جان ودي أشوفه وألاعبه بس يالله ربنا كريم ، واللي ايي اليوم يحكي لنا قصة

ولده بس أكثر قصة كرروها قصة ولد خالي اللي شافه قال مستحيل يعيش بس الحمدلله ربي عافاه

بعد ما عالجوه ف لندن وآكوووه ما شاء الله عليه ما فيه الا العافيه ، قبل شوي أختي يايتني تصيح

مب عارف كيف أسكتها لأني بروحي أصيح وربي مب عااارفه شسوي؟؟

قسم أحسني خلااااص بنهاااار جدامهاااا

دعوااااتكم ربي يخليكم

،

كاتمه اللي ب خاطري وييت أفضفض بسسس

اليوم اختبرت ورجعت البيت ، النفسية داون وما تساعد أقعد بالسكن
موووول ، يايه أبي أطمن قلبي على أختي ، آآآه بس للأسف منهــااره
وااايد قبل شوي ، اهيه تصيح ونحنا حتى مب قادرين نسكتها وربي
مب لايمينها ، حتى ما شالته ف حضنها أكيد راح تتضايق وتصيح ولدها
ف المشفى واهيه ف البيت ، تحت عيونها سواااد ، ما ترقد مول
خصوصا أمس ف الصباح قالوا حالته تحسنت بس بالليل قلبه توقف
وسوا له انعاش قلب يا حبيبي والله فيني التعب ولا فيه ، يقولون الاطباء
اذا استقرت حالته هاليومين في أمل يعيش وكل شي بيد رب العالمين
وحنا راضين بقسمة ربنا ، اللهم اني أسألك اللطف في هذا القضاء
يارب يارب يارب يارب يارب يارب يقوم لنا بالسلامه

مســـآكم فرررح و ونآآسسسه....}



امممم اليوم مستانسه لأن أختي اليوم تضحك وتسولف وربي ردت لي روحي

لما اضحكت ربي يخليها ويخلي لها ولدها ان شاء الله ، أزمة وتعدي ان شاء الله

عاد اليوم أنا وأختي اتوهقنا من الخااااطر ، جذي قبل يومين صارت عندنا حالة وفاه ب العايله

ولله الحمد لله على كل حال ، المهم أمايه سايره العزا ومحد ف البيت وما شاء الله

الزيارات ما اتوقف مووول ، العصر حريم ين بيتنا وياربي اتوهقنا مب عارفين شو نسوي

وأختي حلفت عليي ما أودرها بروحها ويا الحريم فقعدت وحنا ساكتين وهن برحهن يسولفن

لأن ف الأساس مب عارفين شو نقول ، سرنا أنا وأختي نخلي فواله هععع المهم وعااااد

أختي ما تعرف ف هالأشياء مووووول وأنا بربي بس قلت حج أختي اذا تبيني أقعد أنتي

تقصين الفواكه حج الحريم وأنا بقعد ساكته قالت تمام ، هههه المصيبه احين أول ما بدن الحريم

يتفولن جان تقول لهن أختي تبون قهوه؟ >>> تقولون يايات يطرن الله يخسها فشلتنا

ههههه وربي اني بغيت أنفجر من الضحك جدام الحريم بس مسكت نفسي ودزيتها وقلت لها

مب احين آخر شي خخخخ وقعدت أضحك بس وربي ما تحملت وطلعت من الغرفه لان فشله

وضحكككككت من الخاطر وكل ما ييت بدش الغرفه أضحك وأرجع وبعدين رسلت لي أختي الكبيره

قولي حج فلانه "اللي اهيه أختي الثانية" لما تصب القهوه ما تملي الفنيان خخخخخ تحاتي بعد

الفشله ذيج ورديت عليها ماقدر أدش مره ثانية لاني بموووت من الضحك

قسم ضحكت لين حسيت بموت خسفه هاي فشلتنا ولما يات تصب القهوه امسكت الدله

خطا والحرمه قعدت تعلمها وبعدها ترجع تمسكها خطأ فشلتنااااا من الخااااطر وبعد شوي يات حرمه غير

وأختي حسيتها بتصيح من الربكة مب متعودين على هيك سوالف ، وعاااد قعدت تحلفنا ما نخبر حد وخصوصا

زوج أختي لانه بيمصخرها وطبعا أختي مب أقل مني نذاله ف سارت وخبرت زوجها ومصخر أختي

وخلاها ما تسوي شي ههههه ويا أخوي وهم خبرناه وأختي احين ف غرفتها مب راضيه تطلع

من العصر خخخخخ قايله انطرش لها العشا ف الغرفه ما بتطلع مووول ههههه وأنا قلت لها مابي

أشوفج يومين وربي تووووحففففه هالانسانه ،

ليت الوجع بعروق قلبي ولا فيك
وليت المرض غلطان ساهي ولا جاك

لو الدواء بضلوع صدري لأداويك
وأطعن جميع ضلوع صدري فداياك



وأنزف غزير الدم لجل أحييك
ما همني موتي الأهم محياك



أطلب حياتي وأقول هاك تفديك
لا عشت أنت كني عايشن وياك


يامن ملكت دنيتي وقلب مغليك
وأرضا مشيت بها تزهر بماطاك

....~

يا عمــري والله حبيب خالوته بعده ف العنايه ، خطـاك السوء يا عمــري
واللـــه ودي أشـــوفه بس ما يدخلونا عنده ، وربـــي وآآآيد أحـآآآتيـــه
يارب تقومــه لنـا بالسلامه ، وربـي ما امدانا نفرح به بس شو نسوي
هاي حكمة ربنا اللهم لا اعتراض وربي كل ما أدش الغرفه اللي
حاطين فيها أغراضه والأثاث اللي شارينه حجه وربي
تخنقني العبره ، أختي مب مخليه بيبي شوب ولا ماذر كير
ف عمان والامارات ما داشته وشاريه له أغراض ، وربي
أختي حالتها تقطع القلب هذا بجرها ، شارين هدايا حجه
وحج أختي بس نترياه يطلع لنا بالسلاااامه وربي ماراح أتركه
بسسس المشكله عندي تدريب ب الصيف هههه الا بيرتاااح مني
علــى قولة الشعب اللي عندنااا
...دعواااتكم الطيبة لا هنتــوااا

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

وربي أدعي لك طول الوقت من كل قلبي ياحبيبي
الله يشفيك ويزيل همــي

اللهم لكـ الحمد كمــا ينبغي لجلال وجهك وعظيم سلطانكـ:

اليوم ولله الحمد طلعوا ولد أختي من العناية ربي يخليه فديته

السواالف يا كثرهن اللي عندي هع بسس احين أمايه بتيي وبتصفعني أونه دشي داخل
وربي ما أحب كله داخل أحب أقعد برا ، الجو شوي غاوي أما نهار مره الشمس تضرب ف
الراس ويذوب المخ والمخيخ وعسب جذي يطيرن المعلومات، الله يعين اللي عندهم صيفي

خلصنا من سالفة الجووو

سالفة ثانيه: مرره اتصيحني عندي زكام ومب مخليني أتقرب من ولد أختي عسب ما أعديه
وربي ألاعبه من بعيد اللي يشوفني بيقول ينت واقعدت خخخ ، فططططيته ما شاء الله عليه
مررره عسووول ربي يخليه ، وأحلى شي من يصيح عااد أبوي يحشر الدنيا أونه ما يبيه يصيح مووول خخخخ
جأن محد عنده حفيد غير أبوي ، أمس بيتنا صار عرس من الربشه العايله بكبرها عندنا من العصر لحد
الساعه 12 قسم اني شوي واتخبل من اليهالوه ما بقى شي ما كسروه ، وعاد غير اللي نلاقيه متعلق
ف البلكونه واللي متعلق ف دريشه واللي مسبح البيت بماي ، وربي صار البيت أشبه بمزبله
مب متعودين على هيك أجواء ، آه تعبت من الخاااطر وهم باجر عندنا عزيمه على الغدا اللي يبي
حياااه ،

ثيرد سالفه ،

امممم لقيت لي تدريب ف شركة كبيره وعاد أتنافض من الخوووف ، قلت حج أختي بس ما بسير أستحي
وهزبتني ذيج الهزبه المحترمه أونه عشان المستقبل الوظيفي أي وظيفي أصلا مب طموحي الوظيفه بس
ودي أدرس ما يخلص ياخي بعد نشتغل ، ههههه أونه من ذاج الأسبوع باغين السي في مالي ولحد احين
مب مرسلتنها هذا البرود مدري من وين يايبته ؟؟!!
خخخ بس أحلى شي يعطونا راتب هههه منتزقه لاه أول مره أتدرب وأحصل راتب بعد



هههههههه بمووووت من الضحك أخوي الصغير قايم من النوم شكله مب داري عن الدنيا طلع برا وقعد
خخخخ ألحق عليه لا يطلع برا البيت بسسس يسويها والله


لاست سالفه... أسير أرقد راسي أحسه بينقع

أوَعدگ ..
تلقآني جنبگ , وَأحتوَيگ ’
يوَم غيرگ گآن حلمه ( أوَعدهه ) ’!

إيه أغآر
وَ مَ أبي غيري يـجيگ ’
حتى ظلگ لوَ أطوَله بَ أبعدهَه ’!

وأهنيك
يَ الطيور الطآيرهَ !

لآ تضآيقتي
ترِفينْ " الجنآآآح " ,

مآ عليك مِن الظنِوُنَ الحَآيـرهْ
لوُ رمَآك [ الهمَّ ]
من أعنف سلآآآح ,

و لو جروُحك فِ ضميِرك غآيره !
مآ شكيتي من |تنآهيد الجرآح . . ‘

يكفي | آلم . .

مآعآد ف آلقلب قوه =(


/
\
/
\
/
لا شــيء سوى هم آخر يكتسيني
.