إعـــــــلان

**غروري شي ضروري** · 16-07-2011, 02:24 PM

حٍينَمآ يصْبِح آلآنسِـآنْ

حَسـآسَآً زِيـآدةْ عَــنْ آللـزُوم..

وَ سَـريعْ آلزَعَـلْ..,

تَـآكْـد بِـآن هُنــآكـْ ,ً

شَيْء قَـد كَسَــرَ قَلْـبَهُ بِـدُونْ رَحمَـهـ ..!!
>>>ع الجـرح ياااااااااااات مــره

**غروري شي ضروري** · 17-07-2011, 03:48 PM

هههههههههه آخــر وحـده روووعه ، الهنود ب سبعة أرواح ف الأفلام ما يموتون

**غروري شي ضروري** · 18-07-2011, 11:44 AM

آلجنه ليس مجرد حقيقه قآدمه بل هي المواعيد التي تم تأجيلهآ لنا ...ان شاااء الله~

يّ ربَ :

هُم يقولون
بأن حُلمِي مُستحيل ?
و أنا أصُبح
و أمسِي وانآ موقنہ ،
ب أنک / على کُل شيء قدِير ..~

شيسمونه أمس مآآره صآر موقف ضحكني حيل ، طلعت أنا وأمايه وأختي لبيت يدي المهييم لقينا عموتي يايه هناك فطلعت اهيه وعموتي الثانية اللي اهيه بعمري ويانا لما رجعنا ، وحن نمشي ف الدرب لقينا ولد صغير جان شايل بايده بقلي صغيرون هع مدري شتسمونه محد منا رمسه جان يقول هذا مب فون -ويأشرعلى البقلي - ما تغازلوني ههههههه وقسم اني فسطت ضححححككك عليه شكله الولد متعقد سرت صوبه شكله راجع من الدكان قلت له حنا مب يايين نغازلك الطيب بس شاللي بايدك؟ قال هذا احين شاريه من الدكان وقعد يسولف بكل براءه وأنا أستهبببل عليه حليله قال أونه يبيه حج القطاوه اللي ف بيتهم خخخ جان أقوله حبيبي أنت حنون وايد وطيب ههههه استحى الولد ما يعيبه حد يغازله هع بعدين سألته ولد منو أنت قال ولد الفلانيين طلع ولد جيرانا مااااره خلف بيتنا بس ما أعرف هع >>> أول عرفي بنات العايله بعدين الا على طاري هالسالفه مره أختي الدفشه فشلتنا جدام خالي جان ياي بيتنا وياه ولده الصغير أختي قاعده تطالعه بعدين شهقت قالت لخالي منوو هذا لا يكون ولدك ؟ خالي مستغرب يطالع هالخبله : أيوا ولدي جان تشهق يااااااااربي منو اسمه ؟ ما أعرفه خالي تغير شكله قال لها هذا فلان وهالإنسانه دوم توووحفه ب هالمواقف عاد لما طلع خالي هزبتها قلت لها مب جدامه تسألينه اسألي أمايه فشلتنا ههههه دوووم هالإنسانه ما اتييب الا الفشايل هع ، خواتي يعرفونهن ف العايله بس أنا محد يعرفني خخخخ مجهوله لاه أونه بنات عموتي الا عيد الأضحى الماضي يعرفوني خخخخ لما سلمت على عموتي قالت لي أنتي غروري ؟ وعاد أنا مخليه عمري هنا الهدوووء قلت أيوا قعدت تتمدحني وتحضني بسرعه شردت عباره استحيت لاه خخخ طشن بناتها تعالي نبي نشوفج هههههه عاد صار شكلي توووحفففه مب عارفتنهن وسألوني أنتي صف جم ؟ ، يتحروني ف المدرسه واااااهههههههه عاد طشت عموتي الثانية عطتهم السيره الذاتيه بتاااعي وهيييييك هالعيد بحاول أسلم عليهم كلهم ما شاء الله لما ييون اشكثرهم فما ألحق أسلم أشرررررد ذيج الشرده الغاويه ، أمس أختي تقول أونها متحمسه حج العيد أكثر من رمضان دووووبه وحده مستعيله ، اممم مدري خايفه مآآآآره البارح حلمت حلم أنا فيه مب حلووووو مووووول جنت ف الحلم أصييييح بقووو وأشهههق من الصياح ومحد عندي جنت قاعده بروحي بعدين ياتني أمايه وحضنتني واتمسكت فيها وقعدت أصيح بقووو وأشهق من الصياح يااربي خفت بس رحمت عمري طششششه شوفوا تفسير الحلم : البكاء بالعين ضحك وفرح وان كان معه عويل وصراخ فهو مصيبه وترحه ، يالله ترا مب ناقصه والله >>> يمكن أنا بموت ، أفسر على كيفي... يارب خير ان شاء الله

ربي|
ألهمنا يقينناً يجعلنا نؤمن . .
بأن كل ما نحلم به سيأتي يوماً

**غروري شي ضروري** · 19-07-2011, 10:29 AM

صبآحكـ شهد من ذآقهـ مآشبع منهـ أحد .. ~"

.
₪
.
.
صباح الضحكه اللي تسعد الدنيا
و
تســــــ ع ـــــــــدني
صباح الحب يا أغلى
صباح بـ عالمي كله..
.

أمس قعدت أنزل صور بس مدري ليش المشاركه ما رضت تنضاف رغم اني هلكت
اممم المهم هالصور من أحلى الذكريات أيام الدراسه والكراااف والدددح
هالصور مال أيام الاختبارات طبعا أحلى وقت للتصوير وقت الاختبارات
نشرد عن المذاكره + توثيق ان حن نذاكر ونتعب المهييييم خلوكم اوياهن
مدري ليش الصور ظاهرات جذي رغم ان تصوير فوني حليييييو كأن فيهن تشويش

هاي بعض شخااابيط أيام الاختبارات هع
هالصوره شعر لفهد المساعد صراحه هالانسان شعره ششششيييي مره
[ هات ايدك نلف الغيم ونشكل مدينه ] اسم الشعر تقريبا " الأسرار "
عاد مب من حلاة خطي بس ما عليه يمشي الحال هههههههههع

كمان هااااي شخااابييييط

هالصوره لإحدى مذكراتي العزيزات على قلبببي ما أرضى حد يفتحهن مووول
هع بسوي وصيه قبل ما أموت محد يفتحهن هههه >>> مصدقه عمرها الأخت

هالورود مع رفيجتي ، يآآآ بعدي ولهت عليهـااا بالحيل مررره

امممم أما هالورد من أختي الحبيبه ، ღ

أمس وأنا قاعده أرفع الصور شافني أخوي الصغير سألني شو تسوين ؟ ، قلت له : أرفع صور
قال ترفعين صور؟ انتزق

مب عارف شو يعني خبرته ان الصور أرفعهن من اللاب حج النت
قال سوي صوري ههههه مت من الضحك ورفعت صورته وقال كبريها خخخخ قلت له ما يصيير
على فكره احين شي صورته ف مكتبة عاشق للصور خخخ قال لي كبريها وقعدت أفهمه ان ما يصير
ما رضى يروح قاعد يحن على راسي وشاف صندوق الكتابه وعيبنه الأيقونات خصوصا ذولا

وهذا

هههه أونه وايد حلوات وبعدين قال لي طلعي صورة السيارة استغربت ماشي سياره
قال لا شي سياره وأشر صوب الأيقونات قسم رفعععع ضغطي احين بذمتكم أبي أعرف وين هالأيقونه
مال السياره اللي ظاهرات ما فيهن سياره وربي قعد لي طلعي السياره ما بروح الا اذا طلعتيها ومن
غير طاااش ف اللاب بدوي منتزق من خاطره وقعد يسأل مية سؤال وااايد ملقوف هالإنسان لما هزبته
اتصوروا شو سوا ضربني على الراس وشرد نذذذذل واحد بأدبه اليوم ولما صحيت حج صلاة الفجر
لقيته قاعد ف ممر الغرف أونه وصليني الصاله بطالع التلفزيون أبطال الكره قلت اذا ما سرت ترقد بكفخك
و سفهته وصليت ورجعت أرقد واهوه قاعد يحاوط كل مره يدش غرفة حد هههه مدري جيف مستحمل
موااااصل لحد احين مب راقد هالإنسان مواقف وضحوووك من الخاااطر آآآه تعبت من الكتابه
هاي صورته ف البحر ،

صبآحك

ريحتہ { قهوهـ !
وطعمہ بالحلآ آ آ ؛ معقود ~
صبآحگ ..
نغمتہ / ت غ ر ي د !
و صوتہ ينعش المجہود ~
صبآحگ ..
يبتدي منگ ؛ لأنگ
شمسہ☼ اللي تسود ~
صبآح •--
الكلمہ الحلوهـ =')
--• صبآح
الحب بليآ آ آ ؛ ح د و و و د

**غروري شي ضروري** · 21-07-2011, 03:58 AM

غصه وَ دمعه وَ حزن وَ إحتمآل الإصآبه بِ الإختنآق

قدَ لآ يحصلْ كلّ ما آتمنىّ ،
أو أغلبُ الأمآنيُ لآ تتحققّ بوقتَ ( حآجتيُ لهآ ) !
قدْ تتأخرّ | أو قدَ لآ تحصلّ آبدآ . .
أعرفُ بأن جميعّ ما ( يحدثُ ) من نصيبيُ رضيتُ أم أبيتَ ؟!
لُكنْ !
ألستُ من البششرّ !
يحقّ ليُ أن آحزنّ حينمآ آجد نفسيُ ( أفقدُ أحلآميُ ) وآحدة تلوَ الآخرىّ !
فَ يآربُ لآ تفُجعنيُ بفقد آحلآميُ
فَ يآربُ لآ تفُجعنيُ بفقد آحلآميُ

**غروري شي ضروري** · 21-07-2011, 06:37 PM

. . . مَدريَ ! أعآتبَـك ؟ ولََآ آصآرَحك ؟ . . . . إنـكَ حيلَ [ وآ آ آحششنيَ ] !

أجاوب اللي يسألني عن ( أحوالي ) وأقول بـ : خــيــر
وأنا لا خير في غيابك ولا حاجه [ تسلِّيني ] ..!

اممم ملل قلت أيي هووني وأشخبط فآتحه آليوتيوب وقآعده أسمع شعر ل ثآمر شبيب وفهد آلمسآعد وسالم آلسيآر اممم اسمعوا شيقول ثآمر شبيب عيبتني هالقصيده أتعبت نفسي وجوآلي وأنآ أفره ... عليك يآللي مآ عآد اتطيق جوآلي ... أدق وأسئل عن أحوآلك كذآ مره ... من طيبتي كل مآ مريت في بآلي ... مآ كنت أحسبك عديم آحسآس بآلمره ... مستخسر انك ترد تسئل عن أحوآلي ... والله وطلع لك اسم يآ تآبع آلجره ... مآ كنك آللي ربيت اسنين في ظلآلي ... أصغر من آنك تذل آلقلب وتضره ... كآفي معك ضآعت سنينه على آلخآلي ... ان كآن نفسك عشآن أبيك مغتره ... والله لآ أعلمك وش هي قيمة أمثآلي ... مآ تدري ان آلحرآر قلوبهآ حره ... ان عزمت تقلب الأول على آلتالي ... قل للسنين آلعذر لآ عآد تتشره ... في عز مآ ضقت مآ حصلتك قبآلي ...خليتني وآلوجيه آلبيض مسمره ... تضحك علي آلليآلي بوجيه عذآلي ... لكن وعد لشتري لك ورد وأثره ... على فرآقك وأسوي حفل بلحآلي ... وأعزم هدآياك آللي دآخل آلجره ... اللي قبل يوم كآنت ذكرى آلغالي ... وأحرق هذآك آلزمن وأفتك من شره ... وأعيش عمري بلآ همي وغربآلي ... صدقني مآ ضقت من فرقآك بآلمره .. بس مآ ذبحني سوى حآجه بجوآلي ... تدري وش آللي ذبح قلبي من آلحره ... اني مخزنك في جوآلي " آلغآلي " ، اشرآيكووون صرآحه فن ؟؟!! ، المهييم أختي اليوم يايه عندنا وعآد أنآ وأختي حآشرين عمآرنا هع نلآعبه أونه خخخ يحب شي اسمه مروحه أونه شنسوي نشغل آلمروحه وما شاء الله عليه يقعد يبتسم حلاته والله واهوه يبتسم ، أخوي قعد يقول أونه لما بيعرس بيسوي ثلاث مراوح ف كل غرفه لما ايييب عيال بيشغل لهم ثلاث مرواح عسب يأدبهم ويدور راسهم قسم قممممة النذاله ههه ، احينه راقد العسووول والا جان بسير عنده خخخ انا وأختي نتضارب عليه لما اييون عندنا تدرون ذاج الأسبوع شو مسويه جنت قآعده أكل حلوى وجان أحط على شفايفه طشششه وومن ذيج اليوم واهوه يطلع لسانه خخخ عيبته الحلوى وأمس جانوا يآيين بالليل بس ما قعدوا بمره راحوا جنت قاعده أكل آيس كريم وحطيت على شفايفه خخخ عيبه وأختي قعدت تصفعني أونه مب زين له احين والله اني مب مسويه لها سالفه اليوم مقرره أعطيه شششي ثاني ، المهيييييييم جذي قبل يومين تدرون شو لقينا سيديهات جديمه فيهن صور+فيديو عرس عمومي ومن غير أشياء ثانية وقسسم فاطسين من الضحك أنا وأختي حسيت نفسي بموت من كثر ما ضحكت عاد ستايلات قبل وربي أشكالنا تحففففه قعدنا نطالع فيديو فيه حن وبنات عماتي بس مب كلهن يعني هييييك تقريبا بس ثنتين من عماتي وعمومي هالفيديو جان ملجة عمي قاعدين ف بيت يدي طقطقه ووناسه والأشكال الله لا رواكم تقتل من الضحك ضحكت من خاطري على واحد من عمومي جان قصير من خااطره واحين زرافه يعني اللي يشوف صورته قبل يموووت من الضحك على قولة أختي قوطي بيبسي هههههه وقممممة الاستهبالات وربي بمره اتصلنا حج أختي نخبرها قلت لها فاتنج الاستايلات والكششخخخه ههههههه وعاد اليوم قعدت تطالعهن وتضحك من الخاااطر ، اممم احينه أسمع ثامر شبيب متعود أسهر معاها من 3 -8 حاولت أنزلها بس ما رضت تنزل طفرت بي جد حلوووه اسمعوها ، اتصدقون مستغربه النت اليوم سريع ، أدري وايييد كتبت

.قسم بـ[ الله ] ما يمر يـggم ●●
●●إلآ و آنآ[آفكر ] فيه ●●

**غروري شي ضروري** · 22-07-2011, 07:07 PM

تَدريْ وَشْ مَعْنِى ـالظِلآمْ !؟ لآ صَرتْ أنَآظِرْ هَـ البَشِرْ وَ|مَنِتْ مَعْهَمُ

مسآكم يآآآآسمييين >>> أموووت ف ريحة آليآسمين،

،

19عـام .. وبقـى لـك بعـد عــام
ويصير عمرك مثـل ماأنتـي تحبيـن

عقبـال ماتمضـي الليالـي والأيــام
ويمر يوم ٍ فيـه اشوفـك تقوليـن : ..

ياشاعـري قـل للدفاتـر والأحــلام
مرت سنـه واليـوم كملـت عشريـن

قلّي كبرتي .. قل كبرتي .. من العام ..
وأنا احتريها .. وأنت ساكت لهالحين ؟!

وأقـول هـذي كلهـا حسبـة أرقـام
هو للسحابه عمـر !ردي ؟!وبعديـن ..

مهمـا تكـبّـرك الليـالـي والأيــام
تبقيـن طفلـة قلبـي اللـي تحبـيـن

قآعده أسمعهآ لفهد آلمسآعد خسآآره فاتتني ، هع لآزم أسير أدور على وحده
فيها ال20 عآم ، ديوآنه الأخير وآآيد روعه صرآحه ، اممم هالأبيات من وحده
من قصايده اسمهآ سحآبه بآلحيل تعيبني :

وأنـا أتكلّـم .. ردّت عيونهـا فـوق
ثم تمتمت : من هي هـ الأكثـر رحابـه؟؟

قلت ويدينـي تحتضنهـا مثـل طـوق
فـي ذمتـي ما شفـت غيـرك سحابـه

تدرون آليوم من آلملل قعدت أطآلع التي في مع اني مآ أحبه مول ، اممم طآلعت أنآ وأخي
رحممممت سآمي وآيد حليله مشتقي بأخوه وسيم آلصيآح أونه آليوم أول مره يرمس وقال
سآمي خطيييييييير هآلولد والآ عيونه اشكبرهن تقولون صفريه أونه نص ويهه آلعيون بس
اممم أكثر يعيبني لمآ أشوفه يصيح > نذآله جد حلو شكل آلعيون يلمعن وآلدموع شرآت آلبحيره

مشتآقه لولد أختي يآآآعمممري أمس بس رآيح وجذي هع أمس سبل بي أونه قعد يصيح ومآ يسكت
الآ اذآ شلينهآ ولآآه بعد شلوني وقعدوآ حآوطوآ بي وأنا وأختي مب مقصرين صآيرن له أمرآ وطآعه
ربي يحفظه آليوم مرسلين لنا صورته بس ما شاء الله عليه حلييييييووو كتيييير

حيآآكووون احين بيأذن

**غروري شي ضروري** · 24-07-2011, 10:29 PM

كل ما جيت أعبًر لـه [عن شعووري و الغ ـراآآم !! آبقى سآآرح مثل [طفل مآ عرف نطـق آلكلآم

،، طآلبتــڪ ’ ! لآتخلـيهـمـ في غيآآبڪ يجرحوني بـ / وينـــہ !!

شحآلكووووون؟!
كيف الحآل ؟! ، نشكر الله عآل العال نشكر الله >> طيور الجنه مثلآ
أول حوووجه صلو على النبي " اللهم صلي وسلم على سيدنا محمد " ، كعآدتي اسمع شعر لفهد آلمسآعد اممم اسمها بسم الله عليك يقول: جيت في ليلة وداعه تايه بين آلبيوت ، صحت وينك؟ جيت أوآدع عمري آللي ضآع فيك ، مآ سمعت الآ صدى صوته وكآن أرق صوت ، ينطق اسمي ثم يهمس من متى وأنآ أحتريك ، قلت وهمومي تغآفل زفرت آلحزن وتفوت ، هذآ أنآ جيتك يآ ليت آلموت جآني قبل اجيك .. بسس ما يخلصني أكمل ، المهيييييييم عآد مدري منين ابدي اليوم مطفره برفيجتي من الخاطره جنت قآعده أرمسهآ ع آلمسن خخخخ وطلعت شوي مهآرآتي ف رفىع آلضغط هع قآلت لي أونه أنآ أسلوبي دفشش حليلها جد مآ تنلآم خخخخ ، المهيييم مره 2 هع أمس سرت آلفجيره وجنت مره مندمجه قآعده أختآر من خآطري الآ أشوف بنت تطآلعني وتبتسم قلت ف خآطري اشفيهآ هآي وبعدين أرجع أطآلعها مره ثآنيه وبعدهآ تطآلع عآد مب قآدره أبتسم لهآ أخآف انهآ تبتسم حج حد غير ويصخم ويهي وووو بعدين جآن اتيي صوبنا وسلمت على أمايه خخخخ تدرون منو اطلعت بنت عموتي هههه وأنا وآيد مصدقه عمري قلت خلآص معجبه يمكن خخخخ وسلمت عليي حليلها وبعدين كل شوي اتنط وحده تسلم وأنا وآقفه منتزقه

، وبعد شوي الا يوقف وآحد يمنا أنا وأختي ويعطي كل وحده ضربه على الظهر انتزقت من خآطري ولمآ طآلعت لقيته هذا عمي خخخ العايله بكبرهآ ف نفس آلمكآن وقعدنآ نضحك على عمآرنا نحنآ وقم عموتي وعمي خخخ ، ولما سرنا صوب المولآت عآد هذآ أكثر مكآن أحبه يعبني مولآتهم وسنآترهم في صف وآحد ما يعيبنا هذا نطش اللي يمه وأول مآ دشينا لقينا بنت جيرآنا خخخ قعدنآ نسلم والحاله والمول كله عمانيين هع الإمآرآتييين ينعدون على آلأصآبع ، ورحنا نشتري وهيييييك وأنا وأختي ما قصرنآ ف الجوآتي والنعل هع شريت لأول العيد جوتي فيه كعععععب طوييييل أختي هزبتني أونه يكسر آلظهر بس أنآ عآجبني ودآمه دش مزآجي مستحيييييل أودره وعاد حج ثآني العيد وثالثه شريت شرات أختي سطآحيه ووحده شوي فيها كعب لزووم التغيير هع بسدحهن لكم مره ثانيه أغراض العيد بس عاد ف رمضآن مب احينه ، الموووهيم لقينآ نآس وآيدين نعرفهم من فريجنآ ف المول قسم اني جنت بس انتظر نركب السيآره لـاني مآسكه نفسي لا أضحك من كثر الللي ف فريجنآ يايين هع ، ولمآ سرنآ نفصل عبآيآت أنآ وأختي حج آلعيد آختلفنا وزين مآ تكآفخنآ جدآم آلهنود أونه اهيه اختارت عبايه وقآلت للهندي فصل لي شراتها وبعدين غيرت اختارت ديزآين غير وأنآ عيبتني آلعبآيه اللي أول اختآرتهآ لما عطيته آلمقاس يفصل عليه قالت لي غيري بنتبآدل قلت : لاااا يعني لااا ذيج مب عايبتني موول حسيتهآ دفشششه ، وقعدت لي غيريهآ وأنآ أقول لهآ لاااا واهيه تقول غيري وأنا اقول مستحيييل مآ بغير قسم ارتفع ضغطي منهآ وأمآيه وأبويه قآعدين يطآلعونا وحسيتهم تآيهين بينا خخخ بعدين فصلنآ شرآت الشي هع بعد ذيج الضرآبه والله العظيييييم حآله ، وصصصصح احين تذكرت سالفه الله يسلمكم قآعدين نشتري عطورات ـأنآ شريت دهن عود + عطر من نينآ واتصورآ بس بعدين لمآ رجعنآ اكتشفنآ انه حآط لنآ ريتشي ريتشي وقسم عصبت ذاج ريحته أحلى من ريتشي ريتشي على الأقل لو قوتشي جآن زين آه ي آلقهر آه ي القهر ، المهم آخر سآلفه قبل يومين شلخت على اختي هع قبل لآ أرقد قآلت لي غروري تعآلي نسولف قلت لهآ لا مآ أقدر بسير أرقد وكلن دش غرفته وبعدين قلت بخآطري مب زين أختي شكلهآ تبي تسولف وسرت وزقرتهآ اتيي عندي الغرفه نسولف المهييييم قعدت أنا على سريري وشلت اللوشن وقعدت أتدهن هع جآن حج أختي مسكي سوي لوشن حج ريلج جآن تقول مآبي قلت ف خآطري عيل تو يبدي الشليخ قلت لهآ تعرفين ان أهم علآمآت آلجمآل الريول تكون نآعمه ونظيفه وان البنت قبل تنعرف اذا حلوه والا من ريلها اذا جانت نظيفه يعني هالبنت رآقيه وذوق وكشششيخه اتصوروا أختي شو سوت بكل برآءه شآلت اللوشن من ايدي بسرعه وقعدت تسوي لوشن وأنا خلآص بموووت من آلضحححك ههههه أختي بريئه ينقص عليها بسرعه وبعدين قعدت تسولف وأنا رقدت وما حسيت الا واهيه طآلعه زقرتهآ تعآلي قآلت واهيه معصبه مب منج من اللي ايي عندج خخخ ، هههه ومره وحده بعد شلخت على أخوي الكبير جآن بسير آلفجيره وقال لي : غروري سيري غرفتي وبتلآقين نعآلي يديده وييبيهآ ولمآ بغيت أسير قآل لي بس خلآص مب لآزم لا اتييبينهآ قلت له لا البس يديد تدري ليش؟ قال ليش ؟ قلت له : نحنآ البنآت نعرف اذآ جآن الولد رآآآآقي من نعآله اذآ جآنت يديده وكشخه ونظيفه نعرفه هذآ انسان رآقي وكشششخخخه واتصوروا أخوي بروحه رآح اييب آلنعآل ههههههه قسم ضحكت من خاااطري ،و قال أونه اهوه ما يحتاج شهادة حد هع ، ه المهببل ينقص عليهم بسرعه خخخخ ، يلآ وآيد لعيت آليوم عن يومين لاه تعبت والله ، ههههه يظهر لي اونه أتا غير متواجد خخخخ

أغييبْ ولڪني معككْ . فتش عليّ بين ’ أضلعڪْ !
و لآمن طغىَ بككْ هَـ آلحنينّ . بس نآدنيّ : (
../ وأنآ أسمعڪ ..
....................... أسمعڪ ! ♥ ='/

**غروري شي ضروري** · 25-07-2011, 06:19 PM

اللهم رقق قلبي واملأه بالرحمه والخشيه والخوف منك يا ذا الجلال والإكرام\~

عندمٱ آسمع قوله تعآلى :
( وِلسّوفُ يعٌطيكِّ ربكً فتَرٌضِىّ )

آشعِر بـ رآحه
و آرتبَ قآئمة آمُنيآتي
و آحلآمي من جدٌيدِ
||~

سبحان الله وبحمده سبحان الله العظيم

**غروري شي ضروري** · 26-07-2011, 09:55 PM

مدري علامي اليوم ( مالي أبد خلق )

يً صمتي !
آنطق و وسع صدري آلضآيق ، ،
وآن مآقويت آلحكي يكفيك" تنهيده "

**غروري شي ضروري** · 28-07-2011, 01:01 PM

أمو و و و ت ف [حزني] ولآ يدري أحححدً

يآشين يوم تصبح وإنت مكسور آلخآطر

يآصبآحي

عسسآآآك تزين
عسسآآآك تزين
عسسآآآك تزين

هاليومين مب مصطحه صدآع+حمه خفيفه تسير واتيي +آلمود زفت شوي ، آليوم شي عزيمه كبيره بيت عموتي آلعآيله بكبرهآ بتتجمع وأبويه قال نسير عموتي حليلهآ يايه آلبيت تعزمنآ ، وهم بآجر آلتجمع حج آلغدآ ف بيت يدي وعآد غصب عليي لآزم أسير أونه قآعده أتشآور وقآل أبويه تسيرون كلكم

، آلتجمع الليله بيكون أكبر عن بآجر خخخ يعني نص آلموجودين مآ رآح أسلم عليهم كآلعآده هع ، أمس من آللي فيني رديته ف أخويه آلصغير بس وربي طفربي أقول سير صلي آلمسيد آلمغرب وخلصت الصلآه وآهوه مب سآير جآن أكب فوقه مآي بكبره وقعد يصيح ههه يستآهل عسب وقت آلصلآه يسير ما يقعد يعآند ، وعآد يعرفني آلمغرب أطآلع عهد آلأصدقآء جآن يقول لي احين بيطلع عهد آلأصدقاء والله مآ أخليه لج هههه حليله معصب أخوي ، آه والله مدري شاللي يآني فجأه يآتني هآلحآله آلصدآع مب طبيعي وآلعيون مورمه رغم اني أرقد بوقت ، تسجيل خروج أحس بتعبببب.

يآ مركبي لو ضآيقـك دف آلأمـوآج
أثبت .. على متنك حمـول آلأمآنـي
آلموج لو صوتـه .. مريـع ٍ ولجّـآج
خل آلصدى منك .. آلصبر وآلتفآنـي

**غروري شي ضروري** · 30-07-2011, 01:18 AM

أَنَآ ڪل آَلڪلَآم آَلِلِي بُقۉٍلـہ .. [[ يَحْفَظڪ رَبِّي ]] ` /

أجملْ آلْصَبَآحَآتً هيَ التي تبْدأ بالمَطرْ
و منْ ثمّ تلبسُنا معْطفَ الشّوقْ
وتنْثرَ حولَنا رائحَة / الحنينْ
وترسُمَ لنا لوحاتَ أحبّائنا الغائبينْ ؛ وينتهيَ الرّسمْ
بطرقهَمْ أبوابَ قلوبِنآ وعودتهمْ مبتسمينْ

اممم صرآحه آليوم آلعزيمه أبووو آلحمآس ، أمس صح جآنت حلوه وآلموجودين أكثر بس آليوم أحلى هع ، بآلنسبه لأمس لمآ وصلنآ بيتهم عموتي انتزقنا اشكثر السيآرآت خخخ جآن تقول أختي لأبوي خلآص بنرجع أونه ارتبكت خخخ عآد لمآ دشينا صج صج انتزقت من كثر آلحريم ،عآد التقينآ أنا وبنت عموتي وقعدنآ نسولف أونه متفقين نسوي شي لمآ سألتني على بآلهآ أنا مره مضبطه آلموضوع خخخ ضحكت عليي أونه يآيه عندي تسأل ههه مآ تدري حليلهآ آلمهيييم يآت بنت عموتي آلثآنيه اللي اهيه أختهآ متزوجه وقعدت تعاتبني أونه سرت بيتهم ومآ خبرتهآ اني عندهم عسب اتيي خخخ آلمهيييم ضحكتني من آلخآطر أنا قآعده أسولف ويآ أختهآ واهيه تطآلعني وتضحك أونه تسمع سوآلفي خخخ ، صحححح أمس صآآآآر لي موقف محررررررج بآلحيييل قمممه آلفشيييله مآ أسير مكآن والآ يصير موقف يفشل وعآد آلبنات مصخروني ومآ خلن حد مآ خبرنه هههه كل مآ أشوف وحده تقعد تتكشخ لي لمآ أسألها قالت خبروني آلموقف هههه أنا مفتشله ويهي صآير اشآرآت آلمرور واهنه يضحكن ، وهيييك رجعنآ بوقت عسب آلشعب بآغين يسيرون آلسوق ، أما آليوم آلعصر سرت بيت يدي يعني أهل أمي لاه مب أبوي ولقيت خالاتي بس مب كلهن البآجيآت مب يآيآت سوآلف وضحك عآد نتريآ ف رمضآن نتيمع كلنآ خآلاتي بيرمضن ف عمآن أونه هآلسنه حمآآس صرآآحه ، المهيييم اليوم آلعزيمه ف بيت يدي طلع آلهبآل والخبآل أونه متيمعين حن البنآت وآليهآل ف آلصآله ومشتله آلدنيآ ويآ عمي وقعد يلآعب آليهآل تدرون شو أونه يصفعهم واللي يصفعه يصفع أي حد ويطيح آلتصفيع وربي شكلهم يقتتتل من آلضحك وصرآخهم وآلحآله هههه مهبببل ع الآخر صرآحه وبعدين قعدت ويآ عموتي نسولف وندردش ف آلمواضيع اللي على آلسآحه خخخ ، وبعد آلعشآ أونه عآد آلحفله وربي حسيت اني ف عرس أونه مشغلين أغآني عيد ميلآد ودي جي وآلحآله آلبيت يربش من خآطره وبعدين عآ يآ وقت آلحفله بس صرآحه مآ دشيت مآ تعيبني هالأفكآر " عيد ميلآد " بس بعدين طرشوني أصور وصورت فيديو لمآ يطفون آلشموع ويقصون آلكيكه وبسرعه طلعت سرت أسولف ويآ عمي وسوينآ فيه حركه بس فآلح يمشي ويصفع زقرنآه قلنآ له تعآل بنخبرك سآلفه خطيييره لمآ وقف جدآم أختي صفعته خخخ وآلكل ضحك عليه عآل مآل غمممم انتقموا منه عبآره ، بعدين آليهآل حشروني أونه يبوني أسير عند عمآتي أسوي لهم وآسطه عسب يباتون ف بيت يدي وحد هله رضوا وقعد وحد لا رجع خخخ شكلهم تحفففه يترجوني هع ، عآد وحده من بنآت عمآتي شوي ويغمممى عليهآ من آلفرحه حآضنتني وتصرخ أونه بتبآت ههه كله تقولي أنتي رفيجتي واهيه عمرها 11 سنه فديت روحها والله وبثثث.

‏‏‏‏‏‏‏‏‏‏‏يوَماً مآ . .
حين تترگوَن ﺄشيآء
من ﺄجل ː
ﺂللَه وَحدهَ ♥
فقط آبتغآءً ﻟ /
” مرضآته ” سبحآنه ♥
گونوآ على يقين تام بـ ‏آنَ ﺂللَه ♥
سَ / يمنحگم عوَض آجمل
’’ آجمل بِ / گثير =] ♥

**غروري شي ضروري** · 01-08-2011, 02:43 AM

اللهم اني أسألك أن تغسل همومي في هذا الشهر الفضيل

علمتُ نفسي آنِ آحمَد آلله گثيرا . .

فِـ مهمآ كآنت خسآرتي , آلا آن هُنآگ

آلگثير مِمَآ يستوجب آلشُگر :
آلحمدلله على گُل حآل ،

مَـ دآم فِي آلسمآء من يَحمِيني
فــ لَيس فِي آلآرض مِن يگسِرني

\\

مبآرك عليكم آلشهههههــًروكل حول وأنتوا بخير بحلول شهر آلرحمه
ينعآد علينآ وعلى الأمه الاسلآميه بصحه وسلآآآمه يآآرب ، آلسموحه
اذا غلطنآ ف حق أحد منكم

**غروري شي ضروري** · 01-08-2011, 11:44 PM

مـقآ’مـيً عآليً , { مـآتعَـآلييت بسٍ ـآلــتـّوِآضعٍ للرَديـينً { خـيبـﮧ

• آللہُم إنّي ٱسٱلگ :
- آلٺَۆبہ قبْل آلمَۆٺ . .
- ۆآلشّہآدَھ عنْد آلمَۆٺ . .
- ۆآلمَغْفرھ ۆآلرّآحَہ بَعد آلمَۆٺ . .
• آللہُم ثبّٺ قَلبيّ علىَ ديْنگ <3 . .
• آللہُم ٱسَٱلگ بحّسْن آلخآٺمّہ o . .
• آللہُم ٺقبّل دُعآئنآ ؛ يـآ ٱرْحّم آلرّآحَميْن ({}) . .

شحآلكم؟! ، جيف الصوم ويآكم ؟؟!! ، نصلي أول على النبي " اللهم صلي وسلم على سيدنا محمد" ، هع رمضآن حلو بآلحيل وأجواء العباده شي خيآل اممم أمس خلآص كنا نقول مآ راح نصوم بس بعدين فرحنا لمن قآلوا بنصوم وعآد خلآص حزتهآ يأذن آلعشا وعآد جنت ف المطبخ احم أسوي العشآ أونه أمي تعبآنه وقالت للشغآله اتسويه وشغآلتنآ عآد أمس شوي مريضه وسوينآه أنا وأختي صحيح مآ نعرف بس طلع شششي العشا هع ترا مدآم فيه لمسآتي لآزم يكون حلو >>> أقول الطيبه منآك ، انزين طلعت عن آلسآلفه أختي لمن سمعت آلخبر حضنتني وقعدت تصرخ وأنآ أقول لهآ ي آلخبله ودريني بختنننق وآهيه خبر خير مب كأني أرمسها هع ، عآد بمره طشيت أبخر أبوي وأخوي هع هاي شغلتي لآزم كل جمعه وحج رمضان أحاوط بالعود أبخر أبوي وأخوآني>>> عآد من كثرهم اللي بيسمع ، وعآد سرت أبخر أبوي وأخوي آلصغير لأن أخوي الكبير ف آلشآرجه ، وبعدين سرت بيت يدي أهني يدوتي لاه ؟ ، ورجعنا وعآد مدري حسيت اني شبعآنه ومآ تسحرت خخخخ يعت آليوم ، انزين ودشيت عندكووون لحد الفجر عآد الفجر تذكرت ان انهم قايلين لي أصحيهم قبل الأذىن عسب يشربون مووويه >>خخخ تذكرت بطريقه غير جنت نسيانه هع ، لمن سرت أصحي أخوي الكبير أقوله قوم اشرب مووويه شكله الريال يحلم قاعد يقول لي " ما يقول شي " قسسسم فطسسست ضحك حليله ف الأساس رآجع تعبآن عسب جذي يحلم ويهذي الطيب ، وجذي عآد اليوم مآشي الأجواء حلوه كل حد يقرأ قرآن ف مكآن منتشحين خخخ ، اتصلت أختي الكبيره أونه تسألنا عن الأجواء ومآشي سرت آلمطبخ سويت بآتشي خخخ لمن يييت أحمر الحليب والشوفان والنارجيل حرقته شوي وعآد أمآيه هزبتني أونه أنا مآ أعرف خخخ أونه يبي له شوي حد يقلبه بقو وبسرعه هع يعني أصير دفششششه شوي وأسويه هع وسويته وخفته مب حلو أول مره أسويه بس الحمدلله عيبهم والأغرب عيب أمآيه لأن متعوده كل ما أسوي شي تقول مب حلو خخخخ ، وعآد وقت آلفطور مآ شآء الله السفره عآآآمره من الخآآطر من كل مآ لذ وطآب وعآد بعد الفطور سرت أشوف آلشغآله ولقيتها تتنآفض من البرد حليلهآ فيهآ حمه بآرده وزكام وربي رحمتها بس زين مآ صحت سرت يبت لهآ مآي وسويت لها لبان يقولون زين للزكام وسوت لها أختي شاي بالليمون و ودونها العيآده خخخ عآد اضطرينا حنا نغسل المواعين ونرتب وهييييك بس وربي حمآآس شغل البيت وآآآيد جنت مستآآنسه وعآد قعدنآ شوي نلعب نكب مآآي على الأرضيه وأنتوا تعرفون البآجي ، تذكرت أيآم مسآفره آلشغآله حن اللي انظف ونغسل مره أمآيه قآلت لي أغسل الملآبس اتصوروا آخر شي شو صآر خربت الغسآله وعطتني أمآيه هزبه محترمه أونه أنآ وآيد أخرب وقععععدت أصييييح من الخآآطر وف الآخر رحمتني خخخخ ، المهيييم هاي الحاله وهذا رمضان شهر العبآده يآ نآس الله يجعلنا من المعتوقين من النار ، هوووع أختي يآيه عندنآ طبعآ بعد محآولآت وترجيآت واتصآلات من آلخآطر عسب نشوف ولدهآ يآآآبعععععدي والله وآآيد أوله عليه ، ويلااا كأن وآيد طولت عليكم بحآول مآ أدش آلمنتدى هآلفتره أبي أستغل وقتي ، صج تذكرت جمآعه دشوا هآلرآبط وأبي دعوآتكم من قلب http://www.omanlover.org/vb/showthread.php?t=222196

عندما يُعصر الزيتون يخرج الزيت الصافي فإذا شعرت بمتاعب الحياة تعصر قلبك فلا تحزن انه "الله"
يريد أن يخرج اجمل مافيك ... و اجمل مافيك هو :
ايمانك ... دعاءك ... تضرعك

**غروري شي ضروري** · 03-08-2011, 04:45 AM

يآرب بدل حزني سعاده فأنت أعلم بما يحمله قلبي من همووم||~

لاَ لفَآگ الهَمْ ثـُم عَيّا يَزُول ؟..
وارِتَجَفَ » قَلبَگ « وُكِلْ دَمِعِگ نَزل
سَو مِثلِي لَوُ بَغَيِتَه مَايَطُوُل ..!
إخِلَق الفَرحَه , وُفَكّر بـِ/ العَقَل
إبِتَسَـَمْ ..}
مِنّ كِلّ أَعَمَاقِگ وُقُوُوٌلْ ..؟
قَدّر الله وُمَاشَآءْ فَعَـَل ..!

رحمتك يآآرب ، مآ خآب من قآل ياااارب

إعـــــــلان

يَآضيقـۃّ الصّدرَ تڪـفينّ ~ » فڪـيَ آزآريـر التّعبَ ۈ |[ إرحححمينـي !

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق