إعـــــــلان

**حمود المخيني** · 07-10-2011, 02:16 PM

\\

\\

غرفة صلاة

رحـل .. مصير اللي نحبّه نــفارقه !
وطبع الغرام .. يجرجر " العاشق " وراه

ارحل .. ! و شمسي لو بقت لك شارقه ؟
هذا لأن القلب ما خــــوّن وفـــاه !

اليوم : حسّيت " الرّحابة " خانقه :
طفلٍ ـ سرق منْه القدر ـ أمّــه و أباه

ودّه بـ شخص يْلملمه و يعانقه
( وش عاد ذنبه كان لو هذا جزاه ؟ )

اليوم : فارقتكـ فـ " ليلة فارقة "
قلبك : فـ مثل اليوم ذا ... همتْ ْفـ هواه !

ما عاد انتي في سموّك شاهقه
صرتي تراب و كل من يمشي وطاه

صارت " ذنوبك " في لساني عالقــه
ما غير أنفضها .. وتلفظها الشفاة !!

اليووم حسيت البرووووودة حارقه
هذا رغم : صدري و اضلاعه .. عًراة !!

وحيد .. والذكرى " كواكب " بارقه
تزيّن الحاضر .. لو اسوّدت سماه

لكن .. مصير اللي نحبّه نفارقه
داااام الغرااااااام .. يجرجر العاشق وراه

و يللي تدوّر عن " محبّة صادقة "
سمعت عن " حانة " بها " غرفة صلاة "؟؟
.

\\

**حمود المخيني** · 07-10-2011, 02:19 PM

\\

يا عروسة
أعتذر
لو خذلتك ... أعتذر

ما قدرت أهديـــك خاتـــم و ألبسْك الحُلــي !

\\

\\

**حمود المخيني** · 07-10-2011, 02:21 PM

\\

\\

أشتاق لك . . . واحتاج لك . . . وأبغض سكوتك !
ما شفت اسمك كيف زيّـــن لي قصيــــدي !

حاول تكلمني . . . أنا مـــــــحتاج صوووتك
ونا تراني . . . للأســـف " خلّـــص رصيدي " !!

\\

**حمود المخيني** · 07-10-2011, 02:22 PM

\\

\\

\\

\\

يا بعيييدة ساعتي , , تحسب غيابك , ,/ يا بعيييييدة
ما أبى غيمك ولكن بس أبى " ظلة سحابك " !

يا بعيدة : في عيوني ذاكرة أشيا عديدة
وفي شفاتي لك سؤال و أنتظر أسمع جوابك!

وين انتي , , ؟ في غيابك ضاعت أحلامي الرغيدة
ما دريت انك أخذتيها معا باقي زهابك !

في غيابك ما نزفت الحبر لجل أكتب قصيدة :
كنت أرسم " أذنك " و أهمس لها : طول غيابك !

يا بعيدة , , ما دريت ! / انتي حزينة أو سعيدة !
ما دريت ان كان هذا الوقت يحفظ لك شبابك

في زمان ن ما يشيب الراس بسنينه المديدة
لكن "الدنيا" و"قصر اليد" و "الحب" ان قسى بك !

العمر يمضي و أيامي بقت دونك وحيدة
تبكي الماضي , , وتبكي وجهك و ريحة ثيابك

ما تحملني صدر انسان , , و احزاني شديدة !
والوحيد اللي وسعني صدره المشقوق , , بابك !

بابك اللي كم قضيت الليل ويديني ب ايده
وكان يشعر بارتعاش ايدي اذا بيه اتشابك !

وقْــفت الساعة !! / و لكن بشتري " ساعة جديدة " !
راح أظل احسب غيابك ، لين ما يرجع غيابك !

**حمود المخيني** · 07-10-2011, 02:23 PM

\\

\\

كومارَ : هندي يبيع الخبْز ف الحارة
معاه " سيكل " وَ يعبر به علىْ الحاارة

يبني طموحه على رزقه من المخبز
وش عاد لو نصْف رزقه , رزقَ أْهْل داره ؟!

فقير , , , عابر سبيلْ , , , وْ منحني ظهره
حمّـل عليه الفقر , , , زاده و أسفاااره !

كسير , , , جسمه نحيل ْوْ ( سنبلة قمحه )
تغنيه عن سنبلات " المُـــعطِيْ الكاره " !

كومار : " هندوس " لكن في معاملته
"مسلم" يبي جنة الله ْوْ يتقي نااااره !

وجهه مُنير , , وْعيونه تمتلي طاعة
نوره يغطّي فضاء الكون و أقماره

ما ينْـقـَــصهْ غيرَ ينطق بالشهادة , , , لو
ينْطقْ بَـها كان دامت فيه أنــــــــــــــواااره

مسكين كومار يبقى من معاشه بسْ
ربْعهْ , , , ولا يشتكي للناس اقداره

مسكين يضْحكْ مَـع ْالناس ْو يسولفهم
ما يشعروا به ولا يدروا عن أسراره

كومار , , , لعبة ف يدّ ْولاد حارتنا
يرميهُم الخبْزَ لو يرموه بحْجااارة !

يؤمن بِأن الرّجل لو غاص في فقره
يمكن يجي يوم يلقى فيه محّــــااااره !

يؤمن بالأخلاق , , و الطيبة ولا يؤمن
بالغطرسة , , , و اتَباع النفْسَ اْلأْمّارة

دين الرّجل ما ينقّـص شيّ من قدره
مع البشر , , , لو نقص عنْدْ اللهَ مقْداره

كَفيل " كومار " مُسلم ملتحيْ وْ شايب
ياخذ " رُبع رزْقــَــه " وْ ما يقْبـَـل أعذاره !!

.. حمود المخيني ..

\\

**حمود المخيني** · 07-10-2011, 02:24 PM

\\

موعد

\\

\\

, , موعد ، ،

وينك ؟ , , , عبرت المسافة , , , لجْل موعدنا
أشهق" صبر ", , خايف ان الأنتظار يطول !

ويييينك , ,؟ وليت الأمل لو كاااان يرشدنا
لو " ضاع " حلمي وحلمك من هو المسؤول ؟

أنا و انتي . . على الضيقة توسّدنا
واللي يواري جروحي , , شعرك المسدول

( غدْر السهر ) لو دنى من ( ظهْر مرقدنا )
ويش الغريب ان صَبح " نومي " وَهو مقتول !

للموت غيمة ، ، رعتها الريح ! ، ، ، ترعدنا
خوفي قبل شوفتك يتساقط الهملول !

هو ينتظرنا من أول يوم مولدنا
مثلي , , , و يدَي بقبضة بابك المقفول !

وْ في يوم موتك , , , أنا وانتي تشهّدنا !
ما دام قلبك بقلبي يالغلا , , موصول

أذَن " أذان المفارق" / وين مسجدنا ؟!
ابى توضى طهارة جسمك المغسول !

مع السلامة , , تباعدنا , , , تباعدنا !
ما عاد ينفع لسان الشاعر المعسول

وش ذنبنا ؟ دامها الأيااااام تجلدنا !
وش هيبة الغد؟ / غير القادم المجهول!

الموت : " فلاَح " يزرعنا و يحصدنا
والعمْر: "محصول" يقصر موعده ويطول !

موعد ! و هذي نهاية " يوم موعدنا "
موتك ، ، ، و طعنة بسيف أحزاني المسلول

\\

\\

**حمود المخيني** · 07-10-2011, 02:33 PM

\\
\\

أدرس حقوق وْ ليت ما أدرس حقوق
للحيـن ما لاقيت لي حقٍ .. درسته !

الْــفجْـــر ما يصحى بلا نور و شروق
واللي حصدته لازم الأول غرسته !

أحتاج " قلب " وْ " نبض " واحتاج لـْ " عروووق "
قلبي من الأحزااان " كحّيـــت " وْ عطستــــه !!!!

\\
\\
\\

**حمود المخيني** · 07-10-2011, 02:43 PM

\\

\\

حاجتي لك .. مثل : حاجة ( كهل ) للشباب
تحْت ظلّه عيالْ وْ تحْت ظلّك " وجودي "

حاجتي لك مثل : حاجة مسافر للسراب
دام ألقى ( أمل ) يحيي و ينعش " جمودي "

للعشق أرض .. شي فيها سهول ْ وْ هضاب !
والفراق ان هطل فيها !! .. تردّه سدودي !

يوم أشرق حضورك .... ما أفل ( نجم الغياب )
في سما عشقنا نجمين ! .. يضووا حدودي

وْ يوم صافحت حلمي ... راااح عنّي و غااب !
متّ أثنااء تحضيري لـ " وصفة خلووودي "

متّ أثناااااااااااااااااااااء تحضيري لـ " وصفة خلووودي "

!!
!!

**حمود المخيني** · 08-10-2011, 05:50 PM

\\

\\

ترى الدراسة يا صديقي هياسة
لكنني يا صاح أكابر و أثابر

واللي يحبّبني بـ : وقت الدراسة
لو هي محاضرتي مع " الشيخ جابر "

**حمود المخيني** · 08-10-2011, 05:54 PM

\\

\\

\\

أعتذر .. برحل و بترك لك قصيدة
وان ذكرتي شاعرك .. اقريْ القصيدة

الفراق ْ أصلا مصيرْ لــْ كلّ كائن
دام أنّ الموت له " ساعة أكيدة " !

\\

\\

**حمود المخيني** · 08-10-2011, 05:54 PM

\\

أنا أحتاج دمعة ... من بيعطيني ؟؟
عسى انْــها تواسيني علىْ ْغيابه !

\\

\\

**حمود المخيني** · 08-10-2011, 05:55 PM

\\
\\

اخوان ... لكن فرقتنا الظروف
اخوك أنا ياخي و انا ابن بوك !

اللي يضايق خاطري / يوم أشوف
انّه تلاقينا على الـ " Face Book " !!

\\

\\

**حمود المخيني** · 08-10-2011, 05:56 PM

كشْ ملك ! / ما عادت الشطرنجَ لعْبــة
كش ملك / خطوة و بيْموت الملك !

كش ملك / ما عادت الآمااااال صعبة
واييييه يا الآااااااام .. صرت اتحمّــلك !

الوطن من دون صاحب : دار غربة
وْ فارقت آنااااملي / آناااااملك !!

بس أنا ما عاد أحتاجك لـ صحبة !
لو تبي ؟ .. سااافر بعيييد ْبـأكملك

من يعاملْك بـْ كبر ... عامل بـ اْلأشبــه !
كش ملك ّ! / وآنا عرفت آعاملــــك .

الكبر ... عكّازة اللي عاش نكبه
وانت تبحث عن شعور يْــكمّلـــك !

والعظيييم اللي اذا لو طحت جنبه :
وانت خصمه ! .. يحتويك وْ يشملك !

صاحبي .. آسف / وشكرا ع المحبّــة
كان ما قصدي أعاااند و أهمـــلك

الفجر .. أذّن أذانه ْ وْ رفّ هدبــه
بسّ جفني لو غفى / ما ناااام لــك

نايــَم وْ ودي من الأحلام ... رغبة
انني أحلم بك و أتأمّـــلك !!

عااااد هي لو كااانت الشطرنج لعبة !
كش ملك ! / حااسب على راااس الملك !!

حمود المخيني

**حمود المخيني** · 08-10-2011, 05:57 PM

رسالة عريس: للأمــل ألــم

مرحبا ...
هذي " رسالة " . . معا حب وْ شكر
جرجري فيها عيونك
وَ لا تستعجلي !!

يا عرووسة..
أعتذر ..
لو خذلتك .. أعتذر . !
ما قدرتْ أهْديكَ " خاتم " !
وَ لبْسْكْ " الحُلي " !

يا عـــروســـة كـــان حلمــــي..أسكْــــنْــكْ الْـــقـــمر
بـــسّ أْنا عــــاجز أجيـــبك..تَـــضــــوّي منزلـــي !!

تسأليـنـي : لـيــه جـفـني غـدى " ديـمــة مـطــر "؟
دامَها يبْســـت " غُصون الأمـل " ! .. لا تـسْـألــي !

دام تــدري " راتـِبـي " ينتـَهـي ( نـصْـف الشّـهـر (
كــيــف يـمْـديـنــي أوفـّــــر لـَـجـــلْ مسْـتـقْـبـلـي !؟

وْ دام تــدري عيشـــتي من بــَــعد وجهــــك .. قبــــر
احْــــفِـــري قبْـــــري اِذا كـــــان ودّك تـــــرْحَـــــلي !

يا عـــروســـة حـــاولي تفــــهــــمي " بوح الحبر "
وان فَـــشلْـــتي حاوِلـي .. وانْ عَجزْتي حاااااوِلي !

لـيــش مـــا يـنـطـق سـكـوتـك و تحـكـيـن بْـكـبــر :
" اييييه ْأنـا أحْتـاااااج قرْبـه .. وُ هـو يحْتاااجلـي "

كــمْ قضـيـتَ آحــاول ابـنــي عـلــى شـانــك جـســر
قـلــت لـمّــا بـعـْبـره ... بـهـْـدمـه عــن عـاذلـــــي !

مـا كِسـر مجْـداف حلْمــــي سِوى ( حد الـفـقـر )
وْمـا خـَـذل أيْدي تجدّف سِوى ( عُرف الـوَلـي (

مـن كثـر مــا ضــاق صــدري .. تنفّـسـت الشـعـر !
يـمـكَــنْ اْنْــفــث لـك قـصـيـدة ! .. لــجــل تـتـأمـلي :

فــــي ثَــنــايـاها رَجـــلْ : كــمْ مَشى فـوق الجَمــر
غايـــته حلْـــمه وَ لكــــن رِجـــــع دونــــهْ خِــــلي !

ليـت لـو فيـنـي بــدل " ظـهـرِيْ الأعــوج " صــدر
ع الأقل .. يمكـن يخفّـف علـى " الصـدر المِلـي " !

كــان آخــر مــا يــأرق منـامـكْ . . . (... الهـجـر (
لـكــن اللـيـلـة بـهـااااااجــر غــصــبْ .. وتْـحـمّـلـي

مـــن بـعــد عـشــرة عـمــر .. وانـتـظـاري للـفـجـر
قـلــت يـمـكـن فـــي طـلـوعـه تـجـيــن وْ تـقْـبـلـي !

طـاحـت " أوراق الأمـانــي " عـلــى أرض الـقــدر
و الخـريـف الـلي يـعـمّ العـشـق.. مـــا ينـجـلـي ؟؟

مـاتــت أشـيــاْ .. كـــمْ تمـنـيـت .. أحـيـاهــا عــمــر
وْ ظلـت أشـيـاْ .. كــمْ تمـنّـت تشـاهـد " مقتـلـي " !!

الحزن : آآآآخر ( مَحاصيل عمْري ) . . . و الشجر :
صــار مــا يثـمـر اذا يـحْــرَثْ ارْضـــهْ مـعْـولـي !!

مــا فَـقـدتـك .. دامَ بـاقــي فـَ شـعْــري لـــكْ .. ذكــــر
يـشْـبَـهْ بْـ ْمـطْـلـع قـصـيـدة لـ " شـاعــر جـاهـلــي "

يا عــــروسة ... أ ع ـتـذ ر ... ما تحـمّلنيْ الصبر !
قمتَ أْجمّــع لكْـ مَــــهر / .و المَـهر ..جوّع هَــلي !

يا عروسة ... أ ع ت ذ ر
كان يرضيك العذر
مهـْــرَكْ اغْلى من : وُجوودي مَعك !
وْتــْــــخـيَـــلـــي !

________________
________________
__________________
__________________
__________________

إعـــــــلان

مت ّ أثناء تحضيري لوصفــة خلودي ! - بوح الشعر

مت ّ أثناء تحضيري لوصفــة خلودي ! - بوح الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق