وغيمت السماء.. علينا


وشقرآآآ

ما أجمل ذلك الشعور..

أن تفضفض بكل ما في قلبك لهاتفك

الأيبود مالي عاد يكح من كثر ما اشخبط فيه ^^

وشقرآآآ

يوم الجمعه...

عيد ميلادي بالتاريخ الهجري..^^

30 شعبان ^^

اليوم اللي سنه يجي وسنه م يجي ..

والحمدلله هالمره شعبان مكمل 30 يوم ^^

كل عام وأنا بخير..
وكل عام ورمضان ينعاد عليكم عاما بعد عام

وشقرآآآ

↓


ﭑﺷ͠يآءء ڳثيرھ̃ ﭠﺟجرحنآ ..
ۈ ﻟڳن ː ﻟﭑ ﻧجِجد ﺳ̶ۆىَﭑ ﭑﻟصصَمٺ : )
فَ ڳيفِ ﻧ̉عآٺبھٓم !
ﻋ̃لىَﭑ ﭑفعَعآل
ﻟﭑ ٺعنِي لہمِ ﺷ͠يُ
ۈ ﻟڳنہآ ﭠ̲عَنِي ﻟنآ ﭑﻟڳثييير ..

وشقرآآآ

في رمضان..
وبمشيئة الله..

سنلتقي هنا كل يوم.

لأفضفض بما اتمنى أن يصل إلى غيري..

بارك الله لنا ولكم شهر رمضان وجمعنا فيه ع طاعته..

تحياتي العميقة لكم

وشقرآآآ

برنامج :
رمضا بفكر متميز
اليوم:
غرة شهر رمضان
العنوان:
النفـــس
إعداد وتقديم:
معدم الخياآل
*****

يالله يا رمضان..
واليوم الاول مر..
والله اعلم بمن تقبل صيامه وقيامه ومن فاته الركب..
جعلنا الله من الذين تتقبل اعمالهم في رمضان وتقبل توبتهم وويغفر الله لهم ذنبهم..

دايما ومن ونحن صغار ف بداية رمضان نقرأ الرسائل اللي توصلنا ف الفون او نقراهن من تلفونات آبائنا او اخواننا
او نقراهن فهالايام من الواتساب , الرسايل اللي تقول وصفدت الشياطين في شهر رمضان..

قال رسولنا الحبيب المصطفى صلى الله عليه وسلم (إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ ، وَغُلِّقَتْ أَبْوَابُ جَهَنَّمَ ، وَسُلْسِلَتْ الشَّيَاطِين )

دائما يا يوصل لنا الحديث فنقراه او نحن نكتبه ونرسله او يكون الامر بالتعبير التصويري ..
يعني الشيطان مسكين مكلبش ومدقوق بكم سلسله رابطتنه غاوي وعينه تدمع لان رمضان وصل..
لا احلى حركة ان التلفزين جنبه يقول له افا عليك خل المهمه علي انا بطلع منهم هالشعب..

المهم نرجع لموضوعنا..
تو الشياطين دام ما لها مكان بينا تراه م يعني ان الامور طيبه
لالا باباه..
تراه ماشي مثل ابليس ذكي ... جبان ود الذين
يقال انه اعلم اهل الارض وهالشي صحيح..
ودام انه مصفد في شهر رمضان معناته طول 11 شهر جالس يجهز حال رمضان
وهذا الشي صحيح بمجرد م تسلسل الشياطين الا تحصل مكر ابليس انتشح ف كل مكان
من منكر لمنكر ف عز النهار والتلفزيون وغيره شغالين..
اليوم انفطرك انفطرك غصبا من عينك ماشي عندنا احنا صايم م صايم..
نعم كانهم كذا يقولوا..

حشا لله ماحد ايروم يصوم ع راحته..!!

بس المشكله ان ابليس من يأدب ف رمضان ويكلبش
حد غيره بيشتغل وبيبهرنا بشغلته
قال ايبهرنا قال... قول ايدمرنا دمار

هالنفس اللي فينا الله يقرع بليسها..

الشاعر ايش يقول؟؟
يقول..
ابليس والدنيا ونفسي والهوى *** كيف الخلاص وكلهم أعدائي..

تراه صدق النفس ماشي اخطر عنها..
كيف ؟؟
انا بخبركم..

ناس كثيرة تسأل ليش ف رمضان تكثر الأسئله اللي تتكلم عن حالات الناس اللي ارتكبوا معاصي ف عز الرمضان
حشا هالناس من كان يوسوس لهم بالمعصيه دام رمضان مسجل أبسنت ( غياب )

من غيرها بعد ؟؟!! النفس وما أدراك ما النفس

هذي النفس كانها واحد صغيرون يرمش بعينه ويقول انا هنا تراني وين بتروحوا عني
والغم ان النفس فيه طبع ترغيده وصياعه م عمرها تنصحك بالشي الزين والشي الصالح
إلا نادرا ولو صار بتحس براحة سنين بس متى هالشي الله يعلم..
ع العموم هالنفس ماشي مثلها شغال برمضان..

دايما نقول نفسي ف كذا وكذا..
مثلا نفسي اشوف فلم ياخي بس رمضان م ينفع
آها..
معناته نفسك با تشوف معناته نفسك تحرضك انك تشوف,,
طبعا شي منهم عادي يروحوا يشوفوا تراه الا فلم عادي عندهم نهارهم مثل ليلهم يكفي انه لا نوكل ولا نشرب
هذلا عاد نسكت عنهم والله يهديهم بس...

باختصار تراه هانفس يبالها تأديب ف رمضان
وصدقوني حبايبي ماشي مثل رمضان يطلع العسق من هالنفس
ويأدبها غاوي..

والطريقة سهله بس يحتاجلها صبر والنفس عودها ع الخير دايما
وبتحصلوا هالولد الصغيروا بو يرمش بعينه ملتزم فول اوبشن
ع الاقل يحرضكم ع الخير دايما
بس يبقى فيه طبع الترغيده والنفس تحب ترجع لطبعها القديم وتذكرك بالأيام الخوالي
لكن طنشها... تراه جد لما تسمع لاهواء النفس انها تموت من الصحك عليك وتتمصخربك صح
يعني لا تعطي نفسك طوله ادبها يوم غايته

المهم الطريقة سهله لانها تطبق ف رمضان..
يعني كل م تسول لك نفسك بشي ف نهار رمضان
قولها باختصار ياخي رمضان ياخي تشب ياخي أيش اللي
صدقني انا مجربنها دوم يوم انفس تبا تتمنكر ف رمضان م بس اقولها تشب بمره اروح اسوي شي ثاني

لا تقول م تقدر حاول وجرب الطريقة سهله بس اللي يمنعك نفس الشي اللي با تحاربه
النفس تمنعك من انك تكبح شهوتها ف رمضان يعني جالسه تلعب بنا لعب
لا ومبدعه بعد..

ياخي ما كل شي نجي نعلمكم ونخبركم كيف تسويوه يالله شدوا حيلكم م تغلبكم هالنفس
شوفوا كيف حالتها : ياخي المفروض تطلعوا المنكر منها ف رمضان وتخلوها من تشوف همتكم كذ تصير

لا ونرجع حال ابليس بتحصله تو عينه فاتحنهن شبرين ويقول حشا هالنفس طلعت م هينه
حد غيره طلع خبره ف انه يمصخربنا..

تراه جد يوم افكر كذا يدقني غم ياخي ترانا م مصخره اذا توقف ابليس تجي النفس واذا توقفت النفس يجي ابليس
وخاطفين يعقونا من معصيه لغيرها..

يا حبايبي تراه صعب صعب بمعنى الكلمه يفوتنا رمضان ويخلص آخر يوم فيه واحنا خرجنا منه مثل م دخلناه أو بأدمر حال..

يالله شدوا عمتكم وعزيمتكم

تشاركوا ف الخير وف محاربة النفس ورغباتها..
النفس تقول يكفي نص جزء من القرآن ف اليوم رد عليها بجزء كامل
تقول جزء اقرأ جزء ونص..
واستمر ع هالشي

وتذكر..
تراه الشيطان إذا يفتح لك 99 باب للخير عشان يدخلك ف باب واحد من المعاصي
النفس م شغلها بمره تفتح لك باب المعصيه لانها تملك مفتاح الرغبة عند الانسان..

يمكن م تكلمت عن الحلول بقدر م وضحت ان عندنا عدو لدود ف شهر رمضان لازم ننتبه له صح
لانه ف داخلنا دايما وابدا...

والشاعر يقول:

النفس كالطفل ان تهمله شب على *** حب الرضاع وان تفطمه ينفطم
*****

قليل من ما افضت به بمعناه
كثير بحروفه..

وما أبغي سوى وصول المعنى إليكم أحبتي..

^^

تحياتي العميقة لكم

وشقرآآآ

اتمنى ان اكون قد اجدت ف الطرح
وان شاء الله استمر بطرح المواضيع في شهر رمضان كل م واتتني الفرصه,,

واستقبل افكاركم النيره واقتراحاتكم للمواضيع اللي بطرحها هنا في همساتي..
واتمنى ان تكون قترحات تخص الشباب في شهر رمضان ^^

يسمح بالنشر

تقبل الله صيامكم وصالحات اعمالكم

وشقرآآآ

اشكر كل من شجعني ع المتابع ببرنامج :
رمضان بفكر متميز

^^

متابعين ان شاء الله..

تحياتي العميقة لكم

وشقرآآآ

بارك الله في مثل هؤلاء الشباب..

تحياتي العميقة

وشقرآآآ

قمت بطرح البرنامج في منتدى رمضان الخير لمن يرغب بمشاركة الرأي ^^

رمضان الخير

تحياتي العميقة لكم

وشقرآآآ

عذرا احبتي عن الانقطاع المفاجئ...

قدر الله وما شاء فعل..

نتابع اليوم ان شاء الله برنامج رمضان بفكر متميز ^^

لقانا مساء,,

وشقرآآآ

برنامج :
رمضان بفكر متميز
اليوم:
5 \ رمضان
العنوان:
الاعتذار
إعداد وتقديم:
معدم الخياآل
*****

هلا وغلا ويا رماحب

شباب وشبابات عذروني ع التأخير..
والانقطاع

اعتذر..
اعتذر لأبي وأمي
اعتذر لأخواني..
أعتذر لذلك الطيف الذي لم يفارق مخيلتي
أعتذر لأخوتي واخواتي الذين لم تلدهم أمي
أعتذر لأصحابي وخلاني..
أعتذر لكل فرد صار وان تعاملت معه يوما..

من القلب اعتذر..

صحيح قد اكون اذنبت في حق احدهم لذا اعتذر ..
ومن لم أذنب في حقه فأنا ايضا اعتذر
فمن وجهة نظري انا انني لم أذنب ولا اعلم عن ما في قلبه عني..

الاعتذار..

تراه يا جماعه الاعتذار فن..
بمعنى الكلمه اقولها لكم ان الاعتذار فن..

كيف فن؟؟
فنان الاعتذار هو اللي يعتذر..
والفنان عمره م صار فنان إلا من بعد م اتقن فنه..

ياخي أحيانا يجيوك ناس غلطوا ف حقك غلط ف ظنك انك مستحيل تغفره عنهم مستحيل بمعنى الكلمه
وهذي كثير م تصير..
بس والله احيانا يجيوا يعتذروا بشكل تخجل فيه من نفسك وتضطر انت بعد تسير وتعتذرلهم لانك كنت تظن بأنك م بتغفر لهم ف يوم من الايام
يعني والله ترفعهم فوق راسك بالشكل اللي اعتذرولك به..
بغض النظر عن الطريقة بس يكفي ف قلبي احساسي انهم بالفعل مقدرين لحجم الذنب اللي وقعوا فيه واوصلوا لي احساسهم بالذنب ع اكمل وجه
والله هالناس تحترمهم احترام م بعده احترام..
مهما كانوا سابقا حبيب عزيز غالي صديق ايا كان بس دامه عرف بذنبه واعتذر بالطريقة اللي يظن فيها اني راح اقبل عذره وبالطريقه اللي تشعرني ان هالانسان بالفعل جاي يعتذر
فهذا اكبر من اس اعتذار آخر..

وياما ناس يغلطوا ف حقك ويالله يالله لو قال لك آسف ..
يمكن يوضح لك انه فاهم بخطأه وبس حتى م يحتاج آسف ولأ يقولها وم من فواده
ياخي تراه الانسان يعرف ويحس من الكلمه لو كان هالشخص جاي يعتذر ولأ جاي يقول للسالفه طاف
تراه بجد بعض الناس بس همه انك تنسى السالفة وخلاص م يحتاج اعتذر ولأ آسف تكفي ويالله انسى السالفه
لا وبعد اللي يزيدك غم انه م من حقي اني م اقبل العذر لانه ف ذاك الوقت انا اللي غلطان
ياخي هالناس كيف تفكر؟؟ ولأ همها مشاعرها هي وبس..
الشخص اللي يقرا كلامي الحين تراه اقرأ كلامي زين يمكن تكون انت واحد من هالناس
وصدقني تراه هالشي خطأ..
يمكن صح الشخص يقبل عذرك لأنه يعزك ويحترمك ويمكن لأنه يحبك بس فكر زين قبل كل اعتذار
كيف اقنع الشخص اللي غلطت ف حقه اني بالفعل ندمان وم بكرر غلطي وكيف اعوضه ..
تراه والله كل م اتقنت فن الاعتذار كلما قلبت العداد السلبي إلى إيجابي وبفارق كبير
ويمكن بعد م كنت تعتبر شخص عادي او بعد م كانت علاقتكم عاديه تصير افضل واقوى بعد اللي صار بينكم
والسبب انك انت اتقنت الاعتذار..

واتقان الاعتذار تراه م تعب اللهم بس توصل للشخص اللي غلطت ف حقه ومن اعماق قلبك انك غلطان
ياخي تراه هذا م شي فيه ذل او شي من هالقبيل خاصة لو بالفعل انت كنت الغلطان والشخص اللي غلطت ف حقه غضبان او زعلان منك
ما كل الناس مثل م تحب
وما تظن ان الناس لازم تقبل عذرك غصبا منهم
او انك اعتذرت وخلاص اللي يبا يقبل العذر اهلا وسهلا واللي م يريد يصطفل
لالا حبيبي الدنيا م كذا..
والمشكله ان ناس كثيره تفكر كذا

ايش فيها لو احسنت الاعتذار
لو طلعت شي من قلبك..

ياخي يا انك تعتذر عذر يحسس الشخص الثاني انك حاس بذنبك
او لا تعتذر ابدا وهذك الدرب..

المشكله ان الشخص اللي مغلوط ف حقه احيانا يقبل العذر لانه مضطر
ايوا بجد لانه مضطر كيف؟؟
مثلا شخص عزيز ف قلبه جاه يعتذر بس م حس انه اعتذر بالشكل اللي كان لازم يعتذر به ع حجم الغلط اللي وقع فيه
ويضطر يقبل العذر وف قلبه شي عليه بس بيقبل لانه م يريد يجرحه وم يريد يأذيه او م يريد ان العلاقة تتأثر بس لانه م قبل العذر..

ياخي فكر زين دامك غلطت اعتذر زين وتراه كلمة آسف م كل شي..
تخيل لو غلطت ع مسؤول كبير كيف بيكون اعتذارك له؟؟ وكله عشان بس تخليه يقبل عذرك
نفس الشي تسويه لشخص عزيز ع قلبك..

او نفس الشي تسويه لاي شخص آخر لو بالفعل كان غلطك ف حقه كبير وانا اتكلم هنا عن الاصدقاء

خلي الشخص لما يسألوه اصحابه كيف فلان اعتذرلك؟؟
م بس يقول ايوا اعتذر..
بالعكس خليه يقول اعتذر وم قصر ووالله ع عيني وراسي والله يحفظه ورجال ونشمي
وخلي مشاعره عنك تتغير والسبب اعتذارك
صدقوني احيانا نسأل واحد ها فلان كيف اعتذرك صاحبك؟؟ نعم ان رده يكون ايوا اعتذر بس م من فواده يغيب غابت عينه

صحيح لما اقول لكم ان الاعتذار فن..
ونادرين اللي يتقنوه...

بعد شي نسيت اقوله..

دايما فكروا عدل وفكروا زين
( تراه فكروا عدل وفكروا زبن نفس الجمله بس مترادفات وهذا من باب اني ابين لكم ان اللي ابي اقوله بعد شويه مهم تمام )
احيانا نقع ف اخطاء م نكتشفهن بمره
ولما نراجع انفسنا ونحاسبها نكتشف هذي الاخطاء او تتضح لنا
وهالشي م نعرفه إلا لمن نراجع انفسنا
فراجعوا دايما انفسكم
فياما نقع ف اخطاء م نظن منها انه وقعنا بخطأ
وتبقى ف قلب الشخص اللي غلطت ف حقه وانت م داري
وم كل الناس تجي وتقول لك انت غلطت ف حقي اصلا نادر احد يجي يقول لك هالشي
فلازم دوم تفكر..
وتراه م غلط تسير تعتذر ع شي وتكتشف بعدين انك م غلطان اصلا
بس يبقى ف قلب اللي اعتذرت له انك تبادر للصلح وانك شخص ع صالح نياتك..

طول الليل وغاية النومه..

وعذرا ع الاطاله بس الموضوع حيل شدني ^^

وف النهايه ..
اي شخص غلطت ف حقه وانا سبحان الله غفلت او م عرفت بخطأي فيخبرني ومن قلبي بعتذرله المهم نبقى ع صفاء في شهر رمضان..

تقبل الله طاعتكم..


قليل من ما افضت به بمعناه
كثير بحروفه..

وما أبغي سوى وصول المعنى إليكم أحبتي..

^^

تحياتي العميقة لكم

وشقرآآآ

من صميم القلب:

قصدت باب الرجا والناس قد رقدوا ** وبت أشكوا إلى مولاي ما أجدُ
وقلت يا أملي في كل نائبة ** يا من عليه لكشف الضر أعتمدُ
أشكوا إليك أمورا أنت تعلمها ** مالي على حملها صبرا ولاجلدُ
فلا تردنَّها ياربُ خائبةً ** فبحر جودك يروي كل من يردُ


وشقرآآآ

يا قلب اسمعني صوت صرير بابهم..
عسى أن أعلم قليلا من حالهم..

اللهم ارزقهم سعادة دائمه وطمانينة في القلب

حفظكم الله من شر عين الحاسدين..

وشقرآآآ