السلام عليكم والرحمه


اسمحولي اتكلم بحكمي شاهد عيان ع اللي يصير ولاني عايشه هالوضع

انا ادرس في دولة الامارات العربيه المتحده ...
والوضع مأساوي بمعنى الكلمه
بقولكم موقف صار قبل ساعه وهو اللي جبرني اكتب هالموضوع

دكتور عراقي استشاري ف جراحة الاعصاب يشرح لنا محاضره عن اورام الدماغ ومن كلامه ذكر ان في عماني كان عنده نوع من انواع سرطان المخ

بعد شوي قال ... نحن نقدر نستعمل الاشعه x ray في تشخيص مثل هذي الامراض خاصه ف المناطق اللي ماعندها اجهزه التصوير المقطعي CT scan مثل عمان وحتا
طبعا تشوفلك ضحك من هني وهناك وغمزات لبعضهم البعض
الكل يتحرا ان عمان دوله فقيره لابعد الحدود وانا متاكده ان عمان فيها تقنيات واجهزه طبيه متطوره ماتتحصل ف الشرق الاوسط
اصورة عمان ف عيون الناس غلط
لدرجة اني اسمع الزلمات دايما يتمصخرون ع العمانيين
بمعنى اخر الاماراتيين المتجنسين واللي اصولهم عمانيه علمو الزلمات وترسو راسهم بفكره غلط عن عمان واهلها

انا لو بحكيلكم والله ما بخلص من كثر المواقف والتلميحات
وفي منهم ماكانو يعرفون اني عمانيه ولما عرفو صارو مايقولون شي جدامي


ياناس شو الحل
ليش سمعتنا جيه
حالنا من حال الهنود