عزيزي

سيف بن سليمان

الله عليك يا مبدع

يعجبني أسلوبك وتوظيفك لبعض المصطلحات المحلية

ما بقول أكثر

واقف الحكي

تحياتي وتقديري لنزف قلمك يا عذب

الشاعر الجميل...سيف سليمان..
من حطيت الصوره عرفتك يالسنافي...صح الله فكرك ولسانك على هذا النص
الجميل...واسلوبك الساخر اعطى النص شعله في كل ذائقه تمر هنا...
والله يرزقك الحبيبه ....وتكتب غزل...وتطربنا...يا سيف..

يـمكـن يجي شاعر وكاسه يسكبه
ولا يـجي خـايـض حـروبـه وظافر
وشـاعـر يشبّ النار وهيه تشبّه
وشـاعـر عـلى دلة وفـنجـال صافر
ولاّ يـجي شـاعـر بـلّيات سبه
ولاّ يــجي بــسبّة ودربـه مـخافـر
وانت اسكبت كاس الشعر وظفرت يالاجودي شبيت نارك وصبيت منه قنادك
وكيّفت فنجالك على كيفك...
اسلوب مباشر وهذا الشعر العفوي وهو جدا يليق بك يا عذب...رغم دخول
(بليّات) التي تداولها الكثير..

ولا يـجي هـايـم بـوادي وغبّه
ولاّ يـجي طـالـب ولـه عـلم طافر
لـكن يـجي مـا لـه حبيبه تحبّه
تـشفـق عـليـه ان راح مبعد وسافر
ا ن جـا يـناديها ي (عيني) تلبّه
وان جـت تـلبّي يـا (عـيونـي) تنافر

يواصل الشاعر ذكر المعاناه التي يجري فيها الشاعر...ان كل المعاناة قد
يتحملها لكن معاناة فقدان الحبيبة هي مصيبه قد لا يحتملها الشاعر لانها
التي يستلهم الشعر منها...
ورائع دخول المشاهد التي ذكرتها....هه

ان جـا يْتـغزّل ويـتفـنّن بحبّه
كـل الـظروف مـساعـدة وتّوافـر
وان جـا يـقرّيها القصيدة تسلْبه
وان قالت (اش بك؟) طاح شاهق وزافر
وان جاب فيها بيت تركض تكتبه
وان ردّت ابـياتـه يـنادي: يَ (غافر)
شـاعـر ولا لـه من حبيبه تحبّه
ارحـم عـليـه الـموت لو كان كافر!
شاعر ولا له من حبيبه... تسبّه
ارحم عـــــليه الموت لو كان كافر
صادق ان الظروف تساعد وبعد لو يكتب النص كما ذكر الشاعر يبدا
بإسماعها كي تعلم اهميتها وقيمتها وقيمة شاعرها...
الله يعينك يالغالي..
نص رائع دمت بود.....عزيزي...

عبدالله العمري
صح لسانك على البيت الجميل... وما عليك زود
والله يعطيك العافية دوم.

ولد مجنون العامري
ما عليك زود وصح لسانك ولسان الشاعر خلف العنزي
والله لا هانك على الكلام الطيب.

مجد عمان
ما عليش زود...
والحمد لله والشكر له على تواجد نخبة من المتذوقين للشعرالمتواصل في صفحات قصائدي
الله يديم العافية فيكم.
وتواجدك المتواصل... شي.

mysteriousgirl
صبحكم الله بالخير والنور والبركة
صح بدنش... وما عليش زود
الله يسلمش ويعافيش ويديم الصحة فيش.

حلم
صح بدنك خوي... ومتابعتك الدايمة لقصائدي تسعدني كثير ولي الشرف طبعا بوجودك ووجود المتألقين في سماء الردهة...
بيض الله وجهك... والله لا يهينك على الكلام الطيب وما عليك زود.

طالبة علوم
ما عليش زود يا اختي...
والتألق دائما يكتمل بتواجدكم.
بالعافية ان شاء الله تمسين وتصبحين.

الحيران
ويبارك فيك ويعافيك
ما عليك زود
وبالعافية دايم ان شاء الله.

فهد الاغبري
صح بدك وما عليك زود
والصوت ياصلك ان شاء الله عن قريب، ولا يهمك.
الله يحييك.

كامل البطحري
صح بدنك يالبطحري... وما عليك زود. والتألق بوجودكم.
الوفا منك ما يحيد... والجديد ما يبخل عليكم.
تسلم.